konka coffee
KONKA

AMAKURU

UKWEZI

Uwifuje kuyobora FERWAFA akagira ijwi rimwe gusa arashaka kuba Perezida wa Repubulika

Uwifuje kuyobora FERWAFA akagira ijwi rimwe gusa arashaka kuba Perezida wa Repubulika
29-03-2017 saa 08:40' | By Chief Editor | Yasomwe n'abantu 8839 | Ibitekerezo 9

Mbanda Jean wigeze kuba umudepite mu Nteko Ishinga Amategeko y’u Rwanda ndetse akaba yaragerageje no kwiyamamariza kuba Perezida w’Ishyirahamwe ry’Umupira w’amaguru mu Rwanda, FERWAFA ariko akaba uwa nyuma aho yagize ijwi rimwe gusa, ubu noneho nyuma y’igihe atari mu Rwanda, agiye kuza guhatanira umwanya wa Perezida wa Repubulika y’u Rwanda.

Guhera mu ntangiriro z’iki cyumweru, nibwo byatangiye kuvugwa ku mbuga nkoranyambaga zitandukanye ko Mbanda Jean biteganyijwe ko agera i Kigali kuri uyu wa Gatatu tariki 29 Werurwe 2017, agatangira inzira yo kwegeranya ibisabwa ngo aziyamamaze ku mwanya wa Perezida wa Repubulika mu matora azaba muri Kanama uyu mwaka.

Mbanda Jean yabaye umudepite mu Nteko Ishinga Amategeko y’u Rwanda kuva mu mwaka w’1994 kugeza mu w’1999, yari umudepite w’Ishyaka rya PSD riharanira Demokarasi n’imibereho myiza y’abaturage ariko nyuma yaje kurivamo.

Tariki 5 Mutarama 2014, ubwo hatorwaga Perezida wa FERWAFA, uyu Mbanda Jean yari umwe mu bakandida batanu bahatanaga, akaba yaratsinzwe ndetse akabasha kugira ijwi rimwe gusa.

JPEG - 136 kb

Ubwo Mbanda yiyamamazaga, yari yavuze ko natorwa u Rwanda ruzakira igikombe cy’Isi mu 2034, ariko byarangiye abonye ijwi rimwe

Icyo gihe Nzamwita Vincent De Gaule wari umukandida wa Intare FC yegukanye intsinzi ku manota 19 kuri 37 y’abatoraga, Ntagungira Celestin “Abega” wari umaze imyaka ibiri icyo gihe ari umuyobozi w’agateganyo yagize amajwi 13, akaba yari umukandida wa Rayon Sports, Umuyobozi wa SEC, Munyandamutsa Augustin yagize amajwi atatu akurikirwa na Mbanda Jean wari waturutse muri Unity FC na Gisenura Ngenzi Raoul wavuye muri Gasabo FC, bombi bagize ijwi rimwe rimwe.


INKURU ZA :
Tanga Igitekerezo
Ibitekerezo 9
Rudomoro Kuya 30-03-2017

Apu nanjye ubu Dasso njyiye kubusezerera niyamamarize kuba peresident wa republic ndumva ntacyo bisaba, mbasanye kuntora mwese nkitegeko uwanze nkamutera umwaku, icyo mbijeje nimuntora buri munyarwanda muri 2025 azaba afite igiti cya avoka iwe murugo

alain Kuya 30-03-2017

Egoko harahagazwe, Rwanda wagorwa wagorwa, ukunyuzehowese azakuyobora? Uyumugabo ninzogaze, nitikurye, nintambaraze zigipfunsi, nimanzaze zidashyira, yatuyoborate numufuke ahorana 24hours? Numusinzimubi kandahwanywereye hose ahavarwanye, akagiranibitutsi bibicyane numushumba atatinyuka, sindabonumuntu ugirurwango akanavuganabi nkawe, arushakure na evode na rukokoma ntahobahuliye. jyembonafite trauma cg dayimoni yogutukana kuko niyomuhuye ubonayiteguye kugutuka cg kurwana ahorafunze isura nigipfunsi namasoye ahoratukuye. ahokumutora natora wawundi wa moto cg padiri ibibibirarutana, uziko niyumusuhuje agutuka, naragenzendabona. ahokuyoborwa nuyu twagarurubwami tukayoboka wamucogomani wimitswena benzige ntakundi

Mike Kuya 30-03-2017

We n’abandi bavuga ko baziyamamariza kuyobora U Rwanda nta cyo mbona bashobora kugeza ku Banyarwanda kirenze icyo Intwari ihiga izindi Paul Kagame amaze kugeza ku gihugu ndetse na gahunda ye y’igihe kirambye; gusa kubera ko U Rwanda ari igihugu cyubahiriza uburenganzira bwa muntu burimo no kwiyamamariza kuba Perezida azagerageze niyuzuza ibiteganyijwe n’amategeko. N’ubwo ataratangaza gahunda ye, ndibaza icyo umuntu wavuze ko Bagosora yarenganye icyo yageza ku gihugu.

Aimable Kuya 29-03-2017

Uyu ni birara wigeze kuba gouverneur ntabwo ari mbanda

ATHANASE Kuya 29-03-2017

UMVA BIRASHEKEJE CYANE, GUSA NAJYEMO AZAHATANE GUSA NONEHO NTA NARIMWE YABONA, UMVA KAGAME OYEEEE! TUZAMUTORA MUZEHE WACU PAUL

ATHANASE Kuya 29-03-2017

UMVA BIRASHEKEJE CYANE, GUSA NAJYEMO AZAHATANE GUSA NONEHO NTA NARIMWE YABONA, UMVA KAGAME OYEEEE! TUZAMUTORA MUZEHE WACU PAUL

rudomoro Kuya 29-03-2017

Mbanda uwo courage nubi rimwe ntazaribura, ariko rizaba arirye kuko iryange ntaryo yabona kbsa!!! Ahubwo jyewe numva namatora atakiri ngombwa, nayo kudukenesha birirwa badukuramo amafaranga yimisanzzu twikeneye kubusa gusa kuko Mzee wacu twamaze kumutora 99.9%. Ba mbanda nabandi nkawe bazagabana 0.1%!!!!!!!!!!!!!!!

Chaz Kuya 29-03-2017

ibaze koko yabonye ijwi 1 kuba president wa FERWAFA none ngo ashaka kwiyamamariza kuba president w’igihugu haaaaaaa ndagusetse

Denis Kuya 29-03-2017

Wumve nkome

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...