konka coffee
KONKA

AMAKURU

UKWEZI

VIDEO: Umukobwa ukiri muto yatunguye benshi yiyamamariza kuba Meya wa Kamonyi

VIDEO: Umukobwa ukiri muto yatunguye benshi yiyamamariza kuba Meya wa Kamonyi
20-11-2017 saa 11:35' | By Chief Editor | Yasomwe n'abantu 16751 | Ibitekerezo 9

Si kenshi mu Rwanda haboneka abakiri bato bashishikazwa no kwinjira muri Politiki, ariko kandi ni kenshi Perezida Paul Kagame yagiye abwira urubyiruko kwitabira kujya muri Politiki, kuko kwanga kuyijyamo bishobora kuzatuma bashyirwa habi na Politiki mbi batifuza. Niyonshima Josiane, umukobwa ukuri muto mu gihagararo, ku isura no mu myaka, yatunguye benshi ubwo yiyamamarizaga kuyobora akarere ka Kamonyi.

Kuwa Gatandatu tariki ya 17 Kamena 2017, ubwo FPR Inkotanyi yemezaga Paul Kagame nk’umukandida wayo mu matora ya Perezida wa Repubulika, umukuru w’Igihugu yahavugiye ijambo ryarimo gushishikariza abakiri bato kwinjira muri Politiki. Yagize ati: "Hari ikintu mukwiriye gukora, mukwiye kugira umuhate, mugomba kugira uruhare muri politiki. Murabizi maze igihe numva ibi bintu aho abantu bavuga ngo oya oya ibi bintu bya Politiki njye sinshobora kubijyamo. Oh, ntushaka kujya muri politiki, umunsi ukurikiraho politiki mbi izakuyobora. Umunsi ukurikiraho, uzayoborwa n’abayobozi batagukwiriye.”

Mu bataye mu gutwi izi mpanuro z’Umukuru w’Igihugu, bishoboka ko harimo na Niyonshima Josiane w’imyaka 26 y’amavuko, uherutse kwiyamamariza kuba Meya wa Kamonyi. Hari kuwa Gatanu tariki 17 Ugushyingo 2017, ubwo abajyanama bahagarariye imirenge itandukanye y’akarere ka Kamonyi, bari bateraniye muri aka karere mu gikorwa cyo kwitorera Umuyobozi w’akarere.

Niyonshima Josiane ari mu bakandida bahataniye kuyobora akarere ka Kamonyi

Mu bakandida batatu biyamamaje, uwatunguye benshi mu bari bahari ni Niyonshima Josiane, umukobwa bigaragarira amaso ko akiri muto, akaba yaranahise atangaza ko afite imyaka 26 y’amavuko. Mu ijambo rye, yavuze ko kuba ari muto, ari byiza kuko afite imbaraga n’ishyaka ryo kuyobora akarere. N’ubwo yari yigiriye icyizere ariko, byaje kurangira atsinzwe na Kayitesi Alice watorewe kuba Meya.

Mu kiganiro yagiranye n’Ikinyamakuru Ukwezi.com nyuma y’aya matora, yashimangiye ko iyo aramuka atorewe kuba Umuyobozi w’akarere ka Kamonyi, byari kumushimisha nk’umuntu ukuri muto gufatanya n’abandi mu rugamba rw’iterambere. Yasobanuye uburyo yumva kuyobora n’imyaka byahuzwa ndetse anavuga ko n’ubutaha ashobora kuzongera akiyamamaza.

REBA VIDEO Y’IKIGANIRO TWAGIRANYE HANO:


INKURU ZA :
Tanga Igitekerezo
Ibitekerezo 9
Billy Kuya 23-11-2017

Umva Bernard nabandi nkawe,hakora mind naho kwambara colant c biratunguranye ko ashobora no kwambara ijipo ngufi ariko afite ubwenge.ahubwo nyuma yaho habaho abajyanama bakamukangurira guhindura imyambarire ariko akayobora nawe!

musabyimana marie Ange Kuya 22-11-2017

Kwihesha agaciro biturange !ubuse yatoza uwuhe muco abo yaba ayoboye?erega ibigezweho. nubwo bihanze’ariko ntibikaduteshe umuco.

peter Kuya 21-11-2017

reka namwe ntimugashyigikire ibibi:iriya si imyambarire y,umuntu ushaka kuyobora, muzamutore mwenyine kuko mufite icyo mumushakaho

Uwamahoro Kuya 21-11-2017

Sinzi nimba Wenda kora yarayambaye akarenga iwe gusa harimyambarire yomuruhame cyane nkiyi post yarariho ariko mubisazwe kora zirambarwa.

Uwamahoro Kuya 21-11-2017

Sinzi nimba Wenda kora yarayambaye akarenga iwe gusa harimyambarire yomuruhame cyane nkiyi post yarariho ariko mubisazwe kora zirambarwa.

Masumbuko Kuya 20-11-2017

Bernard wagombye kumenya ko hatayobora colant hayobora ubwenge.

RUKUNDO Kuya 20-11-2017

URAHO BERNARD, IBYO UVUZE BY’IKIMERO NTAHO BIHURIYE N’UBUTWARI BW’UMUNTU. KUKO UKO UKO UMUNTU WESE ATEYE NIKO IMANA YABISHATSE. GUSA BIRUMVIKANA KO HARI UKUNDI UHISE UMWIFUZA ARIKO KUBERAKO UTABISHOBORA, UHISEMO KUMUSEBYA. IBYO SI UBUZIMA. ICYO MBONA BURI WESE AKWIYE GUSHIMA IMANA KUKO YAREMYE IBIREMWA BYIZA NAWE URIMO. IBYO RERO N’INGENGABITEKEREZO,(IDEOLOGIES).

fon Kuya 20-11-2017

Yamaze niba yiyamamaje.

Bernard Kuya 20-11-2017

Ishyano ryaraguye.uyu se yari yabona hari umuyobozi wambaye colant.kuki abari bacu bashyira imibiri yabo imbere kurusha ibindi.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...