konka coffee
KONKA

AMAKURU

UKWEZI

Video : FPR igeze Ngororero yiyamamaza, intero n’inyikirizo ni ‘Tora Kagame’

Video : FPR igeze Ngororero yiyamamaza, intero n’inyikirizo ni ‘Tora Kagame’
18-07-2017 saa 09:46' | By Vincent Nsengiyumva | Yasomwe n'abantu 2440 | Ibitekerezo 2

Mu gitondo cyo kuri uyu wa Kabiri tariki ya 18 Nyakanga 2017, ibihumbi by’abarwanashyaka ba FPR bazindukiye kuri Stade ya Ngororero mu murenge wa Ngororero mu Karere ka Ngororero aho baje gushyigikira umukandida wabo Paul Kagame. Abantu ni benshi mu ngeri zitandukanye bose bategeranyije amatsiko kwakira umukandida wabo, mu mbyino n’indirimo zitandukanye ziganjemo ubutumwa bukubiyemo ibigwi by’umukandida wabo ndetse n’ishyaka ayoboye.

Abantu ibihumbi n’ibihumbo bo muri aka karere ka Ngororero bazindukiye kuri iyi Stade ya Ngororero, aho bose bari kunga mu rya bagenzi babo bo mu turere 7 two mu Ntara y’Amajyepfo uyu mukandida yamaze kunyuramo yiyamamaza mu mpera z’icyumweru gishize.

Amabendera hejuru, amajwi aranguruye, imbyino zidasanzwe bikoza ibicu, amagambo avuga ibigwi bya Paul Kagame n’ishyaka rya FPR ayoboye nibyo byiganje kuri Stade ya Ngororero ndetse no mu karere ka Ngororero muri rusange ku mihanda hagaragara ibirango bya FPR.

Yaba mu Ruhango, Nyanza, Nyaruguru , Gisagara , Nyamagabe, Huye, Kamonyi kimwe na Ngororero hose abaturage baho bagerageje kugaragaza kuzindukira aho igikorwa cyo kwiyamamaza kibera cyane ko abenshi batangira kwerekeza aho igikorwa kibera mu masaha ya saa cyenda za mu gitondo.

Akarere ka Ngororero kabaye aka Munani, Paul Kagame n’ishyaka ayoboye bagiye gukoreramo ibikorwa byo kwiyamamaza, aho muri 7 yagezemo twose twagaragayemo ubwitabire budasanzwe bishobora guha ikizere uyu mukandida n’ishyaka ahagarariye.

Ibikorwa byo kwiyamamaza bizamara igihe kigera ku byumweru 2, aho buri mukandida azazenguruka igihugu cyose agaragaza imigabo n’imigambi ye ishobora kumufasha mu kwigarurira imitima y’abanyarwanda bikazanamufasha mu matora ategerejwe tariki ya 3 Kanama ku banyarwanda baba mu Mahanga na 4 Kanama ku bari imbere mu gihugu.

Abakandida 3 bahatanira uyu mwanya w’umukuru w’igihugu ni Kagame Paul wa RPF-Inkotanyi , Dr Frank Habineza wa Green Democratic Party of Rwanda na Philippe Mpayimana wiyamamaza nk’umukandida wigenga.

Abahanzi b’ibyamamare mu Rwanda nabo bageze Muri Ngororero, bakaba batangiye gususurutsa abaturage bo muri aka karere baje gushyigikira umukandida wabo, bikaba bigaragara ko buri wese uko ashoboye yanyeganyeze.

Abahanzi baje kwifatanya n’abaturage ba Ngororero mu gikorwa cyo kwamamaza Paul Kagame, ni Kitoko Bibarwa, King James, Butera Knowless, Senderi, Jay Polly na Dream Boyz.

Ku isaha ya saa tanu n’iminota 50 nibwo umukandida wa FPR inkotanyi Paul Kagame yageze kuri stade ya Ngororero yakirwa bidasanzwe n’abari baje kumushyigikira n’amadarapo hejuru na Morale bigaragara ko bari bafite inyota yo kumubona amaso ku maso.



Buri wese yavuye hasi mu mbyino zigaragaza ibyishimo n’urugwiro bafitiye umukandida wabo

Abantu ni benshi cyane bari kuri Stade ya Ngororero

JPEG - 345.9 kb
JPEG - 60 kb

INKURU ZA :
Tanga Igitekerezo
Ibitekerezo 2
Uwamahoro Adeline Kuya 20-07-2017

Komerezaho Twese Tukurinyuma Twiteguye Kugushyigikira Buriwese Narebe Uzatugeza Kumajyambere Kagame Poul Oyeee Oyeee Oyeee! FPR oyeee oyeee oyeee! Urasobanutse

JOHN Kuya 18-07-2017

KOMEZA UTSINDE KANDI TUKURI INYUMA!
FPR OYEE, OYEE, OYEE
KAGAME PAUL OYEEEEE URASOBANUTSE!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...