konka coffee
KONKA

AMAKURU

UKWEZI

Video: FPR ikomereje i Nyamagabe, ibyishimo ni byose ku bihumbi bitegereje umukandida

Video: FPR ikomereje i Nyamagabe, ibyishimo ni byose ku bihumbi bitegereje umukandida
16-07-2017 saa 09:47' | By Vincent Nsengiyumva | Yasomwe n'abantu 2014 | Ibitekerezo 3

Mu gitondo cyo kuri iki cyumweru tariki ya 16 Nyakanga 2017, ibihumbi by’abarwanashyaka bazindukiye kuri Stade ya Nyagisenyi mu murenge wa Gasaka mu Karere ka Nyamagabe aho baje gushyigikira umukandida wabo Paul Kagame. Abantu ni benshi mu ngeri zitandukanye bose bategeranyije amatsiko kwakira umukandida wabo.

Abantu ibihumbi n’ibihumbo bo muri aka karere ka Nyamagabe bazindukiye kuri iyi Stade ya Nyagisenyi aho bose bari kunga mu rya bagenzi babo bo mu turere 4 two muri iyi Ntara y’Amajyepfo uyu mukandida yamaze kunyuramo yiyamamaza.

Amabendera hejuru, amajwi aranguruye, imbyino zidasanzwe bikoza ibicu, amagambo avuga ibigwi bya Paul Kagame n’ishyaka rya FPR ayoboye nibyo byiganje kuri Stade ya Nyagisenyi ndetse no mu karere ka Nyamagabe muri rusange.

Yaba mu Ruhango, i Nyanza, Nyaruguru , Gisagara ndetse na Nyamagabe hose abaturage bahagera mu mu gitondo cya kare kuko abenshi batangira kwerekeza aho igikorwa kiri bubere mu masaha ya saa cyenda za mu gitondo.

Akarere ka Nyamagabe kabaye aka Gatanu Paul Kagame n’ishyaka ayoboye bagiye gukoreramo ibikorwa byo kwiyamamaza nyuma y’Akarere ka Ruhango, Nyanza, Nyaruguru na Gisagara twose duherereye mu ntara y’Amajyepfo.

Abahanzi b’ibyamamare mu Rwanda nabo bageze muri Nyamagabe, bakaba bari gususurutsa abaturage bo muri aka karere baje gushyigikira umukandida wabo bikaba bigaragara ko buri wese uko ashoboye yanyeganyeze.

Ku isaha ya saa Tanu n’igice Perezida Kagame yageze kuri Stade ya Nyagisozi mu Karere ka Nyamagabe, abarwanashyaka ibihumbi n’ibihumbi bari bamutegereje bamwakirana urugwiro rudasanzwe mu mbyino n’amashyi menshi aho buri wese yifuzaga kuba yasimbuka akamukoraho.


INKURU ZA :
Tanga Igitekerezo
Ibitekerezo 3
jajo h Kuya 17-07-2017

Bavandi nkunda kagame Paul !

jajo h Kuya 17-07-2017

Bavandi nkunda kagame Paul !

NKUNDA KAGAME Kuya 16-07-2017

komera biganza bigaba amariza tuzagutora bariya biyitirira ibyo badashoboye ubsige basigare basiganuza

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...