konka coffee
KONKA

AMAKURU

UKWEZI

Yuhi VI Bushayija yatangiye gufasha abanyeshuri b’abanyarwanda ashimangira ko ari umwami

Yuhi VI Bushayija yatangiye gufasha abanyeshuri b’abanyarwanda ashimangira ko ari umwami
21-05-2017 saa 12:53' | By Chief Editor | Yasomwe n'abantu 19116 | Ibitekerezo 21

Emmanuel Bushayija wavutse mu 1960, akaba umwuzukuru w’umwami Yuhi V Musinga ndetse akaba n’umuhungu wa Theoneste Bushayija wavaga inda imwe na Kigeli V Ndahindurwa uherutse gutanga, akomeje ibikorwa bitandukanye yiyereka amahanga nk’umwami mushya w’u Rwanda, wahawe izina rya Yuhi VI n’ubwo kugeza ubu atigeze avugwaho rumwe. Nyuma y’ibikorwa yari yagiye akora, yongeye gusubukura igikorwa cya Kigeli V Ndahindurwa atanga inkunga ku munyarwandakazi wiga mu Bufaransa, nka gahunda yo gutera inkunga uburezi yari yaratangijwe na Kigeli V Ndahindurwa akiriho.

Umuryango witiriwe umwami Kigeli uzwi nka "Kigeli Foundation" mu myaka yashize uyu mwami wa nyuma w’u Rwanda akiriho, wagiye ushyigikira ibikorwa by’uburezi aho wagiye ufasha abana b’abanyarwanda biga mu mahanga ugakora n’ibindi bikorwa byo gufasha abantu b’ingeri zitandukanye ariko cyane cyane abanyarwanda.

JPEG - 84.9 kb

Emmanuel Bushayija agenda yereka amahanga ko ari umwami mushya w’u Rwanda

Tariki 9 Werurwe 2016, nibwo umwami Kigeli V Ndahindurwa abinyujije muri uyu muryango, yatangaje ko ateganya gutera inkunga umukobwa w’umunyarwandakazi utaratangajwe amazina ariko wiga ibijyanye n’ubwubatsi muri Kaminuza yo mu Bufaransa, kugirango akomeze kugeza kure amashuri ye.

Uyu niwe mwana w’umunyarwandazi wemerewe inkunga y’amashuri na Kigeli Foundation

Nyuma y’uko Kigeli atanze uwari umujyanama we Boniface Benzinge akavuga ko Emmanuel Bushayiya ari we mwami umusimbuye ugomba guhabwa izina rya Yuhi VI ndetse bagatangira n’ibikorwa byo kwereka amahanga ko u Rwanda rufite umwami mushya, n’iyi gahunda yatangijwe na Kigeli yasubukuwe n’uyu Bushayija, ahera kuri uyu mukobwa wiga mu Bufaransa wahise ashyikirizwa ubufasha yari yaremerewe na Kigeli akiriho.

Aya ni amafoto y’uyu mwana mu bihe bitandukanye, iheruka yari akiba mu Rwanda

Nk’uko byatangajwe n’ibiro by’uwari umujyanama wa Kigeli, bagize bati: "Yuhi VI yishimiye gukomeza umurage wa se wabo Kigeli V Ndahindurwa atera inkunga uburezi bw’abanyarwanda. Mu minsi micye ishize, umuryango watangiye kurihira amashuri umunyarwanda wiga mu Bufaransa... Uyu munyarwandakazi yiga muri Kaminuza ibijyanye n’ubwubatsi kandi yagaragaje ko ari umuhanga cyane mu ishuri."

N’ubwo Emmanuel Bushayija yakomeje kugenda yerekana kenshi ko ari umwami w’u Rwanda wasimbuye Kigeli V Ndahindurwa, abo mu muryango n’abandi bari abajyanama b’umwami bagiye bagaragaza ko uburyo yimitswemo ari ibintu bidafututse byakozwe na Boniface Benzinge bagamije inyungu zabo bwite.


INKURU ZA :
Tanga Igitekerezo
Ibitekerezo 21
lendance Kuya 25-05-2017

ntaho bataniye nawa mu patiri uri mri france yashinze leta yiwe nabo nico kimw, bamwumvikanaho bareka urwanda nta mwami rukeneye ntitukire muri monarchie twinjiye mri republique barimw guta umwanya wabo

lendance Kuya 25-05-2017

ntaho bataniye nawa mu patiri uri mri france yashinze leta yiwe nabo nico kimw, bamwumvikanaho bareka urwanda nta mwami rukeneye ntitukire muri monarchie twinjiye mri republique barimw guta umwanya wabo

Habinda Kuya 24-05-2017

Umwami udafite ubushobozi bwo gufasha umunyeshuli umwe ( kuko inkuru ivuga ko ateganya....) ari mu kiciro cya kangahe cy’ ubudehe? Ni akumiro pe!! Uriya mwami niyishyire mu maboko y’ umwami Yesu amwereke icyo gukora

alfa Kuya 23-05-2017

Muraho basomyi bavandimwe. Uyu mwami nanjye ndumva akocamye. None se nyuma ya Kigeli uko byari bizwi ntihari kwimikwa Mibambwe? Ubu se uyu aganje he? Uriya we ni umu comedian gusa. Impanga yayiraritse ba Rutuku bari kumubeshya... Iwacu i Rwanda turayobowe turahatana ngo twiteze imbere nawe ngo inkunga. Ufite menshi ngo nkurangire icyaro gikeneye amashanyarazi? Imbuto wavukanye ishobora kuba yari yaramunzwe pe.

Emerita kayitesi Kuya 23-05-2017

Ibi byose icyo byerekana ni amaco y’inda: Ni uyu mukobwa umwe rukumbi urihirwa na Kigeli Foundation ariko barakubita ikinyoma ngo hafashwa abanyeshuli b’abanyarwanda. Genda Rwanda warakubititse aho umuteka mutwe asigaye yiyita umwami! ntaho ataniye n’umusazi koko!

Kiberinka odette Kuya 22-05-2017

Kandi abahindiro ari bo bamuteye utwatsi rugikubita igihe bavugaga ko ari amaco y’inda ko nta mwami w’umuntu umwe gusa (benzinge wenyine). Ndemeranywa n’abavuze ko benzinge na bushyija bombi ari abasazi. Uti kuki? kuko muri 2011 benzinge yatangaje mu kinyamakuru Umuvugizi ko bushayija emmanuel ari umusazi none yari yihaye kubeshya abanyarwanda ko umwami Kigeli V yasize avuze ko bushayija ari we uzamusimbura uretse ko abajyanama batagenzwa n’umururumba nk’uwa benzinge bahise bamwamagana bityo ahinduka umusazi kimwe n’uwo bushayija yise umusazi nuri 2011. Odette.

lg Kuya 22-05-2017

uyu nawe ntakintu yifitiye. nacungire kubazungu umwami ngo yishyurira, umwana umwe ishuri abanyamakuru bashyuha ngo yatangiye, kwishyurira, abana! !!mubivanye he! !!hari benshi aha bishyurira, abana naza kaminuza ntimubavuga leta se yishyurira bangahe ngo umwami wahe!! wande!!

mudenge Kuya 22-05-2017

umwami ubusanzwe nuwa banysrwanda bose.ndetse na Kigeli niko yabivugaga
.
none ubu uwo mwami nabamuhakanya byahindutse ubwami bwa Abahindiro.. mubireke lero bibe ibyabo..yaba Bushaija yaba undi. azakomeze abe umwami wa Abahinfiro. .mntimuzongere kugira nibyo mutubwira muzashyireho ikinyamakuru cyabo gusa

Kibukayire Domina Kuya 22-05-2017

Ariko se uyu wamaganywe n’umuryango wa Kigeli n’abajyanama b’inyangamugayo aririrwa yiruka mu banyamahanga aho bukera abo baPortuguese ntibaza gutangira guhisha ibiryo byabo dore ko ari byo we na benzinge usanga bakanuriye mu mafoto mwiboneye mwese? wa mugani n’amaco y’inda naho ibyo kwiyita umwami byo namubwira iki! hari uwabuza umusazi kwiyita icyo ashatse? Kibukayire

Ndahiro Kuya 22-05-2017

ukuntu akakana ari keza bariya banyagwa bari kugatesha agaciro bakamamaza mubikorwa byabo bigayitse uyu mbona ntiyaba umwami wabanyarwanda uretse abaye uwinyamaswa naho abantu bo wapi kbs

Yvonne kalisa Kuya 22-05-2017

ngo benzinge asigaye araraguza iyo muri amerika: agatinda kazaza ni amenyo ya ruguru. yahemukiye Umwami Kigeli V amurya utwe twose none abajyanama b’inyangamugayo bamuteye utwatsi ubwo yihaga kubeshya ko Kigeli ndahindurwa yari yarahisemo umuhungu wabo bushayija kuzamusimbura kandi ahubwo yari yaramwaganye muri 2011 ubow uyu benzinge ubwe yabwirag ikinyamakuru umuvugizi ko bushayija nta hoa ataniye n’umusazi! Benzinge asazanye iri pfunwe none ngo asigaye araraguza! Yvonne

Bitega Chris Kuya 22-05-2017

wa mugani uyu wiyita umwami udashobora gusanga n’ifoto ye ku rubuga rw’ishyaka riharanira ubwami bugendera kw’itegekonshinga ntaho ataniye n’umusazi ujya mu muhanda akavuga ko ari we utegeka igihugu cyose! Bitega chris

Ruremesha david Kuya 22-05-2017

Iyi nkuru itesha gaciro uyu wiyita umwami hehe? yatewe utwatsi na Rwigemera serge afatanije n’umuryango w’abahindiro. Abajyanama b’umwami Kigeli V nabo bahise bamwamagana we na benzige. hari imbuga nyinyi z’abanyarwanda zitigeze na limwe zita umwanya zandika kuri uyu wiyita umwami. None niba yiyamamariza ku ukwezi gusa abasomyi bagahita batanga ibitekerezo byose bimwerekana ko ntaho ataniye n’umusazi nkuko na benzige ubwe yari yamwise umusazi muri 2011, ateshejwe akahe gaciro ahubwo ko adasiba guseba imbere y’abanyarwanda! David Ruremesha

Kampayana Emile Kuya 22-05-2017

Yatangiye ibikorwa byo kwerekana ko ari umwami: uyu mwana yarasanzwe afashwa na foundation Kigeli V kandi ni we wenyine gusa nta bandi banyeshuli b’abanyarwanda bafashwa cyangwa bigeze bafashwa. uyu mwana kandi nawe yafashijwe kuko jean marie gakwaya se yikoreyemo kuko yari umujyanama w’umwami Kigeli V waryaga udufashanyo twose abazunga bikundiraga umwami Ndahindurwa babaga bamuhaye akadusangira n’igisambo benzinge cyamuririyeho igihe cyose! ibi nta kindi byerekana uretse kwereka abanyarwanda ko uyu wiyita umwami ntaho ataniye wa mugani n’umusazi ujya mu muhanda cyangwa mwisoko akavuga ko ariwe utegeka akarere abahisi n’abagenzi banyuramo!

Nyiraburyohe Kuya 22-05-2017

Namwe muri aba mbere kbs! Afasha umwe gusa bikaba inkuru. Ubwo se niyubaka ikigo cy’mashuri(...) Bizitwa iki?

Babra Kuya 21-05-2017

Hhhh ndumiwe uyumwana ndamuz 100% nahoze nganira na famille ye bumiwe nibinyoma uwo mugabo arimo kuvuga gusa

Jaffy Kuya 21-05-2017

Muraho banditsi dukunda ba UKWEZI.COM. Mbashimiye ko muducukumburira byinshi tutabasha gusoma henshi, Ariko nanone munkundire mbagaye gato, igika cya nyuma ntaho gihuriye n’inkuru mwateruye mutubwira.

Niba muri kutubwira ibikorwa byakozwe n’Umwami Yuhi Bushaija, mwisoza mutangira inkuru nshya imutesha agaciro, ahubwo nimushaka kugaragaza ko atari umwami, mujye mubikorera inkuru zabyo zihariye.

Simbigisha umwuga, sinanawize, niko mbikeka, MURAKOZE

Rose Mukakabano Kuya 21-05-2017

Uyu Bushayija n’umwami wa benzinge gusa wise umusazi uyu bushayija muri 2011 nkuko abajyanama b’umutima babitangariije Aanyarwanda ubwo umuryango w’abahindiro wateraga utwatsi uyu bushayija na benzinge! Rose Mukakabano

Rurindintwali Claude Kuya 21-05-2017

Erega uyu bushayija na benzinge ntaho bataniye n’umusazi ujya mwisoko hagati akabwira abamwunva bose ko ari we utegeka akarere iryo soko riherereyemo! Arereka amahanga ko ari umwami wande ko wunva n’abajyanama ba Ndahindurwa b’inyamugayo bamwamaganiye kure we n’icyo gisambo benzinge gishaje nabi gihetse uruda rwuzuyemo ibiryo cyariraga k’umwami Kigeli V! Claude Rurindintwali

Lisa Kuya 21-05-2017

Ariko abantu babaye bate iyo ufashije umuntu ugomba no kubirata .

Ndahiro John Kuya 21-05-2017

Benzinge n’uwo Bushayija wiyita umwami ni abatekamutwe koko nkuko bigaragarira buri wese. Uyu mukobwa ni uwa Jean Marie Gakwaya wari umujyanama w’umwami Kigeli wavuzweho byinshi byo kuba yarariye udufaranga tw’umwami afatanije na Benzinge noneho biyerurutsa barihira bourse uwo mwana ariko baterekana ko ahubwo ari uwa jean marie uwo. Biragararira buri wese ko bakorera mu mwijima kandi ko inda yabo ariyo bashyize imbere.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...