konka coffee
KONKA

AMAKURU

UKWEZI

Yuhi VI Bushayija yongeye kwereka amahanga ko ari we mwami mushya w’u Rwanda

Yuhi VI Bushayija yongeye kwereka amahanga ko ari we mwami mushya w’u Rwanda
28-03-2017 saa 13:18' | By Chief Editor | Yasomwe n'abantu 18676 | Ibitekerezo 34

Emmanuel Bushayija wavutse mu 1960, akaba umwuzukuru w’umwami Yuhi V Musinga ndetse akaba n’umuhungu Theoneste Bushayija wavaga inda imwe na Kigeli V Ndahindurwa uherutse gutanga, akomeje ibikorwa bitandukanye yiyereka amahanga nk’umwami mushya w’u Rwanda, wahawe izina rya Yuhi VI n’ubwo kugeza ubu atigeze avugwaho rumwe. Nyuma yo kujya muri Portugal, no mu Bwongereza aho aba arimo kwigaragaza nk’uhagarariye ubwami bw’u Rwanda

Kwitabira ibikorwa bitandukanye biri ku ruhando mpuzamahanga yitwa umwami w’u Rwanda, gutanga ubutumwa ku bami no ku bwami bw’ibindi bihugu bitandukanye, ni byo bikomeje kuranga Emmanuel Bushayija wiyita umwami w’u Rwanda wasimbuye Kigeli V Ndahindurwa watanze mu mpera z’umwaka wa 2016.

Kuwa Mbere tariki 9 Mutarama 2017, Boniface Benzinge wari umujyanama akaba n’umuvugizi w’umwami Kigeli V Ndahindurwa, yatangaje ko Emmanuel Bushayija mwene Theoneste Bushayija, wavutse mu 1960, akaba umwuzukuru w’umwami Yuhi V Musinga, ari we mwami mushya w’u Rwanda, wahawe izina rya Yuhi VI kandi ngo yemejwe n’Abiru.

JPEG - 84.9 kb

Uyu mwami ariko ntiyigeze yemerwa n’umuryango w’umwami ndetse n’abandi bajyanama be, ariko we yatangiye kujya akora ibikorwa byo kwimenyekanisha no gushimangira ko ari we mwami mushya w’u Rwanda wasimbuye Kigeli V Ndahindurwa.

Nk’uko bikunze kugaragara ku rubuga rwari rusanzwe rushyirwaho amakuru n’ibindi byerekeye umwami Kigeli V Ndahindurwa, uyu Bushayija akomeje kugenda gukora ibikorwa binashyirwa kuri uru rubuga, aho agenda yereka amahanga ko byanze bikunze ari we mwami w’u Rwanda wasimbuye Kigeli V Ndahindurwa.

Tariki 22 Werurwe 2017, Bushayija yandikiye ubwami bw’u Bwongereza avuga ko ubwami bw’u Rwanda bwifatanyije nabo mu kababaro k’igitero cyagabwe ku ngoro y’Inteko Ishinga Amategeko iri i London, agaragaza ko ubwami bw’u Rwanda bwifatanyije na bo.

Ibi kandi byabaye nyuma y’aho kuva tariki 2 kugeza tariki 5 Gashyantare 2017, uwiyita umwami Yuhi V Bushayija ari kumwe n’umujyanama we Boniface Benzinge hamwe n’umuvandimwe we Ben Benzinge, basuye igihugu cya Portugal mu rwego rwo gukomeza umubano hamwe n’ubundi bwami.

Ben Benzinge, Boniface Benzinge na Bushayija Emmanuel (Yuhi VI) muri Portugal

Muri urwo ruzinduko, hari n’abahagarariye ubwami bwa Misiri na Hawai, na bo biyemeje kugirana ubufatanye n’ubwami bw’u Rwanda ariko by’umwihariko na Yuhi VI Bushayija wiyerekanye nk’umwami mushya w’u Rwanda. Mu byo bakoze muri urwo ruzinduko bari hamwe, harimo no gufata umwanya wo kunamira no kwibuka umwami Kigeli V Ndahindurwa uheruka gutanga mu mpera z’umwaka wa 2016.

REBA VIDEO BARI MURI PORTUGAL HANO:


INKURU ZA :
Tanga Igitekerezo
Ibitekerezo 34
Numira Kuya 16-04-2017

Ese urwanda rukeneye umwami

Concessa rangira Kuya 5-04-2017

Burya koko ukuri guca mu ziko ntigushya! Twiboneye twese amafuti y’iyi ntangondwa benzinge yahemukiye ubwami bw’u Rwanda n’Umwami Ndahindurwa Jean Baptiste.. Imana ishimwe kuko ibuye ryagaragaye ritaba rikishe isuka. Ubwami abanyarwanda bifuza ntaho buhuriye n’iyi ntagondwa benzinge itigeze ihinduka. Concessa Rangira

Christine Kuya 5-04-2017

Kweri benzinge yabaye mpemuke ndamuke! Asazanye igki gisebo! bariya Bajyanama babereye infura Umwami Kigeli Ndahindurwa bagize neza gutuma tumenya aya mafuti ya benzige!

Budesiyana Kuya 5-04-2017

Burya koko ngo agatinda kazaza ni amenyo ya ruguru. Benzinge yarategereje iyi mivumo kugirango ayirage uyu muhungu we. Akabaye icwende ntikoga koko, niyo koze karanuka. Budesiyana Bernadette

Emeliyana Kuya 5-04-2017

Yewe nibyo koko umubyeyi Kigeli Ndahindurwa yashaje neza atanduranyije none uyu benzinge asazanye uyu muvumo. Ni akazi ke! Aski we... Emeliyana

Helena Kuya 5-04-2017

Umwami Kigeli V yigendeye neza naho uyu benzinge wamuririyeho nkuko ikirondwe cyuma ku ruhu rw’inka kiyinunuza amaraso asazanye uyu muvumo w’abakunda ubwami. uyu muhungu we na emmanuel wiyita umwami bikoreye ingasire y’ubuhemu uyu benzinge yakoreye umwami Kigeli V. Helena

Rwanyonga Kuya 5-04-2017

Ntaho ngihuriye n’iki gisaza cy’inda nini benzinge. Kizapfane iri pfunwe cyonyine. Absnyarwanda bakunda ubwami ntibaszongera gucurikwa n’ibinyenda nini kuburyo uriya muhungu we kamubayeho kuko ibuye ryagaragye ntiriba rikishe isuka!!! Rwanyonga

Kamali Kuya 5-04-2017

Ibi byose maze gusoma kuri benzinge n’amafuti ye binyeretse ko ari we watumye ubwami budindira kubera ibitekerezo bye bishaje bitakijyanye n’igihe tugezemo. Yahemukiye Umwami Kigeli V n’abanyarwanda kubera umururumba we n’ubutagondwa bwe! Ndamugaye bidasubirwaho. Kamali

Verediyana Kuya 5-04-2017

Kigeli Ndahindurwa yarakomeye we wagoswe n’iki kirura Benzinge iriya myaka yose. Imana ihora ihoze. Uyu benzinge nta bona ko nta muntu numwe umusonera kubera ikinyoma cye cyahise cyamaganwa n’abasjyanama b’inyamugayo Umwami Kigeli yari afite! Verediyana

Anita Kuya 5-04-2017

Kera twabonaga kajugujugu hejuru y’ishuli tugasoka twiruka abarimu nabo ahubwo bakadukurikira, ikagwa ku kibuga tuyishungerye umukungugu wayo winjira mu bihaha byacu tukayiguma iruhande mpaka yongeye guhaguruka, amasomo twayataye. Erega n’abazungu twarabashidukiraga nkuko! Birababaje kubona Benzinge yaragumye gutyo kugeza igihe yibwira ko niyifotozanya we na bushayija n’abazungu, agahimba amafuti akayagereka ku Mwami Kigeli wigendeye iwabo wa twese, abanyarwanda bazahita bayamira bunguri none kiramwogamye! Asazanye iryo pfunwe! Ahwa! Anita

Karambizi Charles Kuya 5-04-2017

Benzinge yari yibwiye ko we na emmanuel n’ibifozanya n’abazungu bakereka abanyarwanda ko basangira n’abazungu bizatuma abanyarwanda babafata nk’ibihangange none ahubwo byabaviriyemo gukwenwa. Ngo kera nta munyarwanda winjiraga kuri hotel faucon i Butare keretse umwami Rudahigwa kugeza igihe yiyamiye abazungu noneho abanyarwanda bandi batangira kuyinyweramo. Umwami Rudahigwa yatanze atarahata inshyi Benzinge kuburyo iyi mentalite ishaje asazanye iba yaramuvuyemo!!! Karambizi

Viviane Mukashema Kuya 5-04-2017

Uyu wiyita umwami ko mbona akanuriye isahani yazitabiriye irushanwa ryo kurya we na benzinge hano mu Rwanda ko mbona ari byo bashoboye! unva ko Nzaramba isiga abantu ari amagufa! Byayitwara imyaka myinshi kugabanura inda z’aba bagabo bombi mbona bakanuriye ibiryo bya baPortugais!! Viviane

Anata Mukasine Kuya 4-04-2017

Aba baryi bahaze ikimwaro pe! Ese nti babona ko abanyarwanda bahindutse? Bibwira ko ari nka kera babonaga umuzungu bagahurura, bagata amasuka n’inka, inzoga, ubukwe, birukankira umuzunga ngo ni akataraboneka! Yewe, benzinge ni umunyamafuti usazanye igisebo cyo kuba yarahemukiye Umwami Kigeli Ndahindurwa n’ubwami. uwavuze ko ari mpemuke ndamuke ntiyabeshye!

Cyigenza Kuya 4-04-2017

IYO USESENGUYE IBITEKEREZO BYATANZWE USANGA KOKO BENZINGE YARAHEMUKIYE UBWAMI N’UMWAMI KIGELI NDAHINDURWA KUBERA INDA NINI YE! NI NKAHO UMWAMI KIGELI YARI INFUNGWA YE KUKO YARAGAMIJE KUMURIRAHO GUSA. IMANA NTIRENGANYA ARIKO KUKO UBUHEMU BWE BUGARAGARIYE BURI WESE!, NI N’UMUHENZA NGUNI KANDI WIBWIRA KO ABANYARWANDA BASHIDUKIRA ABA BAZUNGU BABA BAMUDUDUBIZA IBIRYO BYABO ARIKO BAMUHEMA MUCYAYENGE!

Mporanyi Kuya 4-04-2017

Ese uyu bushayija ari mu maki? Uwapfuye yarihuse koko. Aho kujya mu Banyarwanda akaba aribo aheraho akerekakana ko ashagawe ariruka mu bazungu! Wamugani w’abahindiro bene wabo ni amaco y’inda koko dore ko anikundira kurya we na benzinge nkuko bigaragara ku mafoto ! Mporanyi E.

Karuta Ubusa Kuya 3-04-2017

Kuba umututsi cga umuhutu si I sura ahubwo ni abo ukomoka ho. Mureke impaka zidahwitse. Abo BAHINDIRO MUVUGA Ni IBIGARASHA by’Inda Nini gusa. Kuki banga E. Bushayija ntibimike undi. Turabazi batinya Leta! Ni baceceke rero. Kuki mwumvise ubwoko mugahahamuka? IKIBAZO cyacu si ubwoko ahubwo ni politiki mbi. UwanditsI nawe azakosore ko Patrick Karegeya atarashwe ahubwo yahotowe! Mwirinde ku go reka ibintu Dore ko ntawe ukwise umuhotozi.

KAMATARI Kuya 2-04-2017

Umwami Kigeli V yakoze akazi ke neza igihe asaba itangazamakuru kwamagana kumugaragaro amafuti y’umuhungu wabo emmanuel mwene bushayija muri 2011. Hanyuma umwami Kigeli V amaze gutanga abajyanama b’inyangamugayo bamaganira kure benzinge boniface wari wihaye kubeshya abanyarwanda n’amahanga ko Umwami Kigeli V yari yaragenye uwo muhungu wabo emmanuel kuzamusimbura. umuryango w’abahindiro ushyiraho akarusho ubwo noneho wavuze n’ijwi rimwe ko wamaganye amafuti ya benzinge na bushayija emmanuel kubera amaco yinda! burya rero ngo amagambo aryoha asubiwemo kandi ngo ukuri wagucurika uka ushaka ariko kugeraho kukigaragaza. Uretse umusazi gusa nta wundi munyarwanda wakwita emmanuel umwami. naho emmanuel bushayija kwiyita umwami n’amaco y’inda dore ko n’amafoto yashyizwe ku mbuga zitandukanye akimara kwiyita umwami yerekanaga gusa inda ye!!! Mwarabyiboneye mwese. Kamatari

MARIA Kuya 2-04-2017

Wamugani wa Marita twese twavukanye imbuto. Ariko ikigaragarira buri munyarwanda n’uko bushayija na benzinge bo bavukanye ubutiriganya, kubeshya, ubuhemu n’umururumba. Umwami Kigeli V akomeje kubatamaza aho yibereye mu bwami bw’Imanana kubera abajyanama banze gutatira igihango bereka abanyarwanda n’isi yose amafuti yaba banyamururumba bombi. Ngo akomeje kwereka amahanga ko ari we mwami w’u Rwanda? Yabanje se akemerwa n’abanyarwanda ahereye ku muryango w’abahindiro wahise umutera utwatsi dore ko uyu umuryango wari wacitsemo ibice kubirebana n’itabarizwa ry’Umwami Kigeli V ariko byagera mukwamagana bushayija n’umunyenda nini benzinge bose bagahuriza hamwe. Niba hari ikintu cyatumye abahindiro bavuga rumwe ni ukwamagana amafuti ya benzinge na bushayija: bati na amaco y’inda nta mwami w’umuntu umwe!!!! Tujye tuvuga ibintu uko biri kandi ngo akabi gasekwa nka keza! Maria

Marita Kuya 1-04-2017

Yewe, aho bigeze najye mbaye umwamikazi! Nta bushayija, twese twavukanya imbuto. Njyewe kandi sinzakangisha abazungu ngo ngaho abanyarwanda nibabona nifotozanya n’abazungu bizatuma banyemera. Oya ye! Sinzabura abanyarwanda bankikiza ndetse banshyigikire kumugaragaro. Bitabaye gutyo nzemera ntungwe naduke aho kwisebya aka bushayija.. Marita

Liu Hu Kung-fung Kuya 1-04-2017

No Longer At Ease !!!

Mucyo Kuya 31-03-2017

Ngo umwami w’u Rwanda? uruhe Rwanda? nonese ko tuziko umwami aba afite ahantu ayobora n’abaturage. uriya we abaye umwami mubigenze bite? apuu nanjye ubu mpise mba umwami asyee

sharangabo Kuya 31-03-2017

uRwanda se rugizwe nabantu batatu gusa?kereka hakozwe ubushakashatsi.kdi ubwami ntibutorerwa ngo turebe ugira amajwi menshi ure
tse ko kwitwa umwami ntanicyo byamumarira!
w
.

Kamanzi Peter Kuya 30-03-2017

Wari wabona umwami w’abantu babiri? Ayo ni amaco y’inda ya Bushayija na Benzinge wari wise Emmanuel Bushayija umusazi muri 2011 mu kiganiro yagiranye n’ikinyamakuru umuvugizi ku busabe bw’Umwami Kigeli V kubera yari yihaye gukura Benzinge uwo ku mwanya wa Chancellier. None bombi bihaye amenyo ya rubanda biha kubeshya ko umwami kigeli V yari yaramugenye kuzamusimbura. Bibagirwa ko Umwami Kigeli V yarebga kure kandi yari afite abajyanama b’umutima ari nabo bashyize ahagaragara ayo mariganya ya Benzinge na bushayija we! Barasebye nta kindi navuga

Celestin Kuya 30-03-2017

Ndumiwe koko sinarinziko hari abantu bigitekereza gutya kuburyo byagera naho babyandika ahantu nkahangaha hasomwa na buri wese.
Cyakoze ibitekerezo nkibi ntibyakabaye bigaragara izo ngengabitekerezo bajye bazigumanira ba Ruto na Cyambarantana

Emmanuel Kuya 30-03-2017

Ruto rero kuba uvuga ko Bushayija asa n’umuhutu nibyo bikwereka ko bigoye gutandukanya umuhutu n’umututsi,kuko kubona uyoberwa Bushayija mwene Musinga wa Rwabugiri byagatumye ushyigikira politike y’igihugu ko twese turi ABANYARWANDA, naho ibindi n’inda nini!

pcni Kuya 29-03-2017

@Ruto.Wariye ingoma zingahe ngo utubwire uba umwami uwo ari we?

kuro Kuya 29-03-2017

Imana ifite ubuhe bwoko Adam na Éva nubuhe mû Rwanda haracyakeneye imbaraga z,Imana.

NDUMUNYARWANDA Kuya 29-03-2017

UYU WIYITA CYAMBARANTAMA, NAMENYEKO NTAMWAMI DUKENEYE
AHUBWO RETA NIREBE UBURYO YAGUKURIRANA BAKUMAREMO IYO NGENGA BITEKEREZO YUZUYEMO AMOKO IGUSHIREMO ,ABANTU NKAMWE NTITUKIBAKENEYE,CYANGWA USABE IMBABAZI .

kaka Kuya 29-03-2017

Hanyuma se woe uvuga ngwarasa n’umuhutu, umuhutu asa ate? ese ubona umuhutu we abaye umwami atategeka ra? mwagiye mureka ingengabitekerezo yanyu

gakwekure Kuya 28-03-2017

ese murikubibwirwa niki ubwoko aturukamo? bazabigisha kugeza ryari koko. 23ans mwigishwa kuturi abanyarwanda. ntimwumva? kuki mukomeza kurushya umusaza? NDUMUNYARWANDA ntacyo ibabwira. plz mwekutuvangira. p

gakwekure Kuya 28-03-2017

ese murikubibwirwa niki ubwoko aturukamo? bazabigisha kugeza ryari koko. 23ans mwigishwa kuturi abanyarwanda. ntimwumva? kuki mukomeza kurushya umusaza? NDUMUNYARWANDA ntacyo ibabwira. plz mwekutuvangira. p

Cyambarantama Kuya 28-03-2017

Ntamwami wumuhutu dushaka rwose, Benzigye yabyiciye rimwe yimika umuhutu kandi ntaho byabaye. Byatumye nabari bamushyigikiye benshi babonako arumutekamutwe

Evariste Ndayiziga Kuya 28-03-2017

Jewe simbona ikiguhangayishije ww wanditse iyo nkuru,none nimba yiyita Umwami,ikosa ririhe ? KO twe tuzi Président,igihugu kikaba ari République atari royaume ,urababazwa Niki ?mbega wibaza KO bariya bandi bami KO batazi Président du Rwanda?? Naw ushobora kuba ukorera mukwaha kwubutegetsi !!!

Ruto Kuya 28-03-2017

Bushayija ko asa n umuhutu .Hadi umwami w umuhutu wabayeho ?

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA