konka coffee
KONKA

AMAKURU

UKWEZI

Leta y’u Rwanda yikomye abavuga ko imbabazi Kiliziya Gatolika yasabye zidahagije

Leta y’u Rwanda yikomye abavuga ko imbabazi Kiliziya Gatolika yasabye zidahagije
4-04-2017 saa 12:54' | By Vincent Nsengiyumva | Yasomwe n'abantu 5043 | Ibitekerezo 2

Minisitiri w’Ububanyi n’Amahanga akaba n’Umuvugizi wa Guverinoma y’u Rwanda, Louise Mushikiwabo, yavuze ko imbabazi Papa Francis yasabye Leta y’u Rwanda ari iz’agaciro gakomeye anaboneraho kunenga abantu bakomeje gukwirakwiza amakuru avuga ko Kiliziya Gatolika itasabye imbabazi.

Ibi Minisitiri yabitangaje kuri uyu wa Kabiri tariki 4 Mata 2017 mu kiganiro yagiranye n’itangazamakuru kigamije kwerekana aho u Rwanda ruhagaze mu mibanire n’ibihugu bitandukanye.

Minisitiri Mushikiwabo yavuze ko Leta y’u Rwanda yanyuzwe n’imbabazi Nyirubutungane Papa Francis yasabye kuko ngo na mbere hose abamubanjirije batigeze babitekerezaho kuko bagiye babisimbuka ariko we akaba ateye intambwe ikomeye yo kuzisaba.

Ati “Imbabazi zisabwa mu buryo butandukanye, ushobora kuzisaba mu magambo, cyangwa mu bikorwa ariko ushobora no kuzisaba utavuze. Twe nka Leta y’u Rwanda twanyuzwe n’uburyo Papa Francis yateye intambwe akemera ko Kiliziya Gatolika yakoze amakosa akabisabira imbabazi.”

Minisitiri yakomeje avuga ko Papa Francis atari we wa mbere uyoboye Kiliziya Gatolika kuva Jenoside yakorewe abatutsi yabaho, avuga ko byonyine byerekana ubushake bucye abamubanjirije bagize mu kwegera u Rwanda bagasaba imbabazi.

Yakomeje avuga ko mu biganiro Papa yagiranye na Perezida Kagame havuyemo ibintu bitatu birimo kuba byaragaragaje ko Kiliziya Gatulika ibabajwe n’ibyabaye mu Rwanda bigizwemo uruhare na bamwe mu bayoboke bayo, ikavuga ko yakoze ikosa nka Kiliziya ndetse inavuga ko itazahwema kwifatanya n’Abanyarwanda babuze ababo muri kiriya gihe.

Minisitiri kandi yanenze cyane abavuga ko Imbabazi zasabwe na Paapa Francis mu izina rya Kiliziya Gatolika zidahagije, avuga ko abumva bataranyuzwe ko ibitekerezo byabo bidafite agaciro ahubwo ko u Rwanda rwanejejwe n’iyi ntambwe.


Minisitiri Mushikiwabo avuga ko Abanyarwanda bazarushaho kwisanga muri Kiliziya

JPEG - 188.8 kb

Iki kiganiro cyitabiriwe n’ibitangazamakuru bitandukanye


INKURU ZA :
Tanga Igitekerezo
Ibitekerezo 2
Simon Kuya 4-04-2017

Inkono ihira igihe

peter Kuya 4-04-2017

ariko abagaye izo mbabazi za bwa mbere ni umuyobozi mukuru wa CNLG dr.jean damascen bizimana sinzi niba ari leta uri kwivuguruza

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA