konka coffee
KONKA

AMAKURU

UKWEZI

Mu Burasirazuba hatanzwe inka 1228, abazihawe bibutswa intego ya Perezida Kagame

Mu Burasirazuba hatanzwe inka 1228, abazihawe bibutswa intego ya Perezida Kagame
5-04-2017 saa 19:11' | By Akayezu Jean de Dieu | Yasomwe n'abantu 1608 | Ibitekerezo 2

Kuri uyu wa Gatatu tariki ya 05/04/2017, Guverineri w’Intara y’Uburasirazuba, Madamu KAZAIRE Judith, yasoje icyumweru cyahariwe gahunda ya Girinka Munyarwanda muri iyi ntara, umuhango wabereye mu karere ka Bugesera, mu murenge wa Mareba.

Iki gikorwa cyateguwe no mu turere twose tugize Intara y’Uburasirazuba, kikaba gisojwe hatanzwe muri rusange inka 1,228. Izi nka zikaba zije ziyongera ku zindi zirenga 86,000 zimaze gutangwa mu Ntara yose kuva iyi gahunda ya Girinka Munyarwanda yatangira mu mwaka wa 2006.

Guverineri w’Intara y’Uburasirazuba, Madamu Kazaire Judith, mu ijambo rye yasabye abahawe izi nka kuzifata neza kugirango zizabahe umusaruro ubafasha gukomeza gutera imbere nk’uko Perezida wa Repubulika abibifuriza. Yagize ati “Nyakubahwa Perezida wa Repubulika yashyizeho iyi gahunda kugirango Abanyarwanda bose banywe amata, babone ifumbire, beze batere imbere; mwe muhawe izi nka mufite inshingano yo kuzitaho, ntimuzifate nabi cyangwa ngo muzigurishe ahubwo zororoke muzoroze n’abandi”

Guverineri yongeye kwihanangiriza Abayobozi b’inzego z’ibanze ku makosa yagiye agaragara kuri bamwe bahaga izi nka abatazigenewe, asaba abaturage gutanga amakuru aho bazabona inka ya Girinka ihabwa abatayigenewe cyangwa se mu gihe hari umuntu uyifashe nabi.

Umunsi waranzwe n’ubuhamya bw’abahawe inka n’icyo zimaze kubagezaho, hamurikwa umusaruro w’Ubuhinzi bamaze kugeraho kubera ifumbire bakura mu nka, ndetse hiturwa inyana 25 muri uyu murenge wa Mareba.

Guverineri Kazaire Judith yaneretswe umusaruro abaturage bakesha gahunda ya Girinka

Iki gikorwa kitabiriwe kandi n Dr. Christine Kanyandekwe uyobora ishami rishinzwe ubworozi mu kigo cy’Igihugu gishinzwe Ubuhinzi n’Ubworozi (RAB), Abayobozi b’Akarere, abafatanyabikorwa bakorana n’Akarere ka Bugeseran mu gutanga inka n’abandi. Biteganyijwe ko umwaka wa 2017 uzarangira mu Ntara y’Uburasirazuba hamaze gutangwa inka 101,179 muri iyi gahunda ya Girinka.


INKURU ZA :
Tanga Igitekerezo
Ibitekerezo 2
Papy Kuya 6-04-2017

ni byiza

freronce Kuya 5-04-2017

nibiza,cyanepeee!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...