konka coffee
KONKA

AMAKURU

UKWEZI

Perezida Kagame yagiranye inama n’abayobozi b’Ingabo anazamura mu mapeti abofisiye 407

Perezida Kagame yagiranye inama n’abayobozi b’Ingabo anazamura mu mapeti abofisiye 407
7-04-2017 saa 18:55' | By Chief Editor | Yasomwe n'abantu 9005 | Ibitekerezo

Kuri uyu wa Kane tariki 6 Mata 2017, Perezida wa Repubulika y’u Rwanda, Paul Kagame, akaba n’Umugaba w’Ikirenga w’Ingabo z’u Rwanda, yayoboye Inama Nkuru ihuza abayobozi b’ingabo z’u Rwanda (High Command Council). Iyo nama yabereye ku cyicaro gikuru cy’Ingabo z’u Rwanda ku Kimihurura. Ubuyobozi bw’Ingabo kandi bwatangaje ko yazamuye mu ntera abofisiye 407.

Aganira n’abayobozi b’Ingabo, Perezida wa Repubulika yabashimiye akazi keza bakora ko kurinda ubusugire bw’igihugu ari nako bita ku mibereho myiza y’abaturage (human security); ibi bikaba binagaragarira mu mutekano igihugu gifite ubu, bikaba binafitanye isano kandi n’ibihe twinjiyemo byo kwibuka Jenoside yakorewe Abatutsi, igomba kurwanywa kugira ngo itazongera kubaho ukundi.

JPEG - 584.3 kb
JPEG - 601.1 kb
JPEG - 614.1 kb
JPEG - 434 kb
JPEG - 804 kb
JPEG - 620.8 kb
JPEG - 595.7 kb

Perezida Paul Kagame mu nama n’abayobozi bakuru b’Ingabo z’u Rwanda

Umukuru w’Igihugu yasabye abari mu nama Nkuru y’Ingabo muri rusange gukomeza kwita ku nshingano zabo barangwa n’imyifatire myiza (discipline) yo nkingi nyamukuru Ingabo z’u Rwanda zishingiyeho. Abari muri iyi nama nkuru ya Gisirikare bunguranye ibitekerezo kandi na Nyakubahwa Perezida wa Repubulika ku bijyanye no kunoza inshingano zabo no guteza imbere imibereho myiza y’Abanyarwanda.

JPEG - 620.8 kb

Gen Patrick Nyamvumba, Umugaba mukuru w’Ingabo z’u Rwanda

Itangazo ryashyizwe ahagaragara na Lt Col René Ngendahimana, umuvugizi w’Ingabo z’u Rwanda, rivuga kandi ko Perezida wa Repubulika akaba n’umugaba w’Ikirenga w’Ingabo z’u Rwanda, yazamuye mu ntera abofisiye bagera kuri 407. Muri abo harimo 26 bari basanzwe bafite ipeti rya Lieutenant bahawe ipeti rya Captain ndetse n’abandi 381 bari bafite ipeti rya Second Lieutenant bahawe ipeti rya Lieutenant.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...