konka coffee
KONKA

AMAKURU

UKWEZI

Inzira y’umusaraba Zula Karuhimbi wahishe abantu 150 muri Jenoside yanyuzemo

Inzira y’umusaraba  Zula Karuhimbi wahishe abantu 150 muri Jenoside yanyuzemo
8-04-2017 saa 18:19' | By Vincent Nsengiyumva | Yasomwe n'abantu 9417 | Ibitekerezo 5

Umukecuru witwa Zula Karuhimbi, wo mu mudugudu wa Musa, Akagali ka Gaseke Umurenge wa Ruhango mu Karere ka ruhango avuga inzira y’umusaraba yanyuranyemo n’abantu 150 yari ahishe mu gihe cya Jenocide yakorewe abatutsi 1994 cyane ko interahamwe zari zizi neza ko abahishe.

Uyu mukecuru ufatwa na benshi nk’intwari kubera igikorwa gikomeye yakoze, avuga ko icyamufashije kurokora aba bantu bose yari ahishe mu nzu ye ari uko yabwiraga interahamwe zahoraga iwe zije kubica ko afite nyabingi mu nzu ye akababwira ko uwakibeshya kwinjiramo atahasohoka amahoro.

Uyu mukecuru avuga ko guhisha abahigwaga icyo gihe nta gihembo yaharaniraga ko ahubwo yabikoze ku bw’umutima we gusa, akanavuga ko aba bicaga babitewe n’inda n’ini ndetse n’ubugome bari barigishijwe igihe kinini.

Umukecuru Zula kand avuga ko muri abo bantu yarokoye uko bari 150, harimo abatutsi basaga 100, abahutu bagera kuri 50 barwanyaga ubu bwicanyi ndetse n’abazungu 3 bose bakaba bari mu nzu ye yari ifite ibyumba 4 aho buzuyemo abandi bakajya mu mwobo yari yaracukuye mu gikari cy’iyo nzu ye.

Zula kandi ngo uretse kubahisha yagiye anabarwanaho mu rwego rwo kubashakira ibyo barya aho yakoreshaga uko ashoboye akababonera byibura duke two kubaramira kugira ngo baticwa n’inzara.

Zula yitwaje Nyabingi mu gutera ubwoba ibitero byazaga gushaka abantu yari ahishe

Umukecuru Zula avuga ko kugirango arokore aba bantu bose yarwanye urugamba rukomeye aho yanarurwanye mu bwenge buhambaye aho yahimbye imitwe yo kuzajya abwira interahamwe ko afite Nyabingi munzu kandi ko uwinjiramo wese atahasohoka.

Yagize ati “Baje bavuga ngo turashaka abantu ufite ngo tubice, nanjye nti munzu yanjye harimo za nyabingi.N’uko nkora ibyo nari narateguye nkazunguza akantu kagahamagara abari imbere maze nabo bakitaba. Ubwo interahamwe zibibonye ziti ‘uyu mugore afite nyabingi koko’ bagahita bagenda.”

Uyu mukecuru avuga ko yakomeje gukina imitwe interahamwe, aza kubona Inkotanyi zitabaye, aba bantu bose barokoka batyo ibintu nawe atariyumvisha neza uko batabamwiciye mu maso cyangwa ngo nawe bamwice.

Umukecuru Zula yahawe imidari myinshi y’ishimwe n’abantu batandukanye kubw’igikorwa cy’indashyikirwa yakoze, hakaba harimo n’uwo yiherewe na Perezida Paul Kagame.


INKURU ZA :
Tanga Igitekerezo
Ibitekerezo 5
Amen Kuya 11-04-2017

Imana ihe umugisha uyu mubyeyi pe

Amen Kuya 11-04-2017

Imana ihe umugisha uyu mubyeyi pe

Maurice Kuya 10-04-2017

Ni ukuri Ushoborabyose azahe umugusha utagabanije uyu mukecuru. Ni intwali pe.

Esther Kuya 9-04-2017

Nukuri uwomukecuru nintwari iyaba abantubose bameze nkawe urwanda ntamacakubiri yakongera kuba murwanda murakoze uwiteka abarinde.

Furaha Kuya 8-04-2017

Yego mamaa, Imana izaguhe umugisha nukuri wakoze ibishoborwa nabake pee

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...