konka coffee
KONKA

AMAKURU

UKWEZI

Uburyo abarenga 5000 biciwe umunsi umwe muri Paruwasi ya Mukarange byabaye iyobera

Uburyo abarenga 5000 biciwe umunsi umwe muri Paruwasi ya Mukarange byabaye iyobera
12-04-2017 saa 18:06' | By Akayezu Jean de Dieu | Yasomwe n'abantu 5667 | Ibitekerezo 2

U Rwanda n’Abanyarwanda bari mu cyumweru cyahariwe kwibuka ku nshuro ya 23 Jenoside yakorewe Abatutsi muri Mata 1994. By’umwihariko ku itariki ya 12 Mata ni umunsi wabayeho ubwicanyi ndengakamere kuri Paruwasi ya Mukarange iherereye mu karere ka Kayonza aho abantu barenga ibihumbi bitanu bishwe umunsi umwe. Minisitiri Stella Ford Mugabo n’abandi bayobozi bananiwe kwiyumvisha uburyo abo bantu bose bishwe umunsi umwe.

Padiri Kayisabe Vedaste, umwe mu barokokeye kuri iyi Paruwasi, yasobanuye iby’ubwicanyi ndengakamere bwabereye i Mukarange aho yavuze ko ku itariki 12 hishwe Abatutsi basaga ibihumbi bitanu ndetse agahamya ko na we atabashaga kubisonukirwa, gusa akavuga ko kugirango arokoke na we byamubereye nk’inzira y’umusaraba kugeza n’uyu munsi atarasobanukirwa.

Padiri Kayisabe Vedaste, umwe mu barokokeye kuri iyi Paruwasi

Mu butumwa yatanze kuri uyu wa Gatatu ubwo yifatanyaga n’abatuye mu karere ka Kayonza by’umwihariko abaturiye iyi Paruwasi ya Mukarange, Guverineri w’intara y’Uburasirazuba, Kazaire Judith, yasabye abaturage gufata mu mugongo Abacitse ku icumu rya Jenoside yakorewe Abatutsi mu 1994.

Guverineri w’intara y’Uburasirazuba, Kazaire Judith

Minisitiri Ushinzwe imirimo y’Inama y’Abaminisitiri, Stella Ford Mugabo nawe wari muri uyu muhango, mu ijambo rye yongeye kugaruka by’umwihariko ku bwicanyi ndengakamere bwabereye i Mukarange, agaragaza ko ari amayobera uburyo abantu barenga 5000 bishwe umunsi umwe ndetse anagaya cyane abakoze ubwo bwicanyi.

Minisitiri Ushinzwe imirimo y’Inama y’Abaminisitiri, Stella Ford Mugabo

Muri iki gikorwa kandi hashyinguwe imibiri 23 yiyongera ku mibiri 8684 yari isanzwe iruhukiye muri uru rwibutso rwa Mukarange, aba bose bakaba ari Abatutsi biciwe kuri iyi Paruwasi ya iherereye mu Murenge wa Mukarange, Akarere ka Kayonza, mu Ntara y’ Uburasirazuba.


INKURU ZA :
Tanga Igitekerezo
Ibitekerezo 2
Bikorimana samuel Kuya 15-04-2017

Ibyabaye mu Rwanda mu igihe cya genocide yakorewe abatutsi biteye agahinda gakabije cyane ariko ibyabaye Mukarange kayonza byo byarandenze kuko nanjye ndabyemeza ko abasaga 5000 bishwe umunsi umwe gusa kuko nanjye ndi umwe mubarokokeye Mukarange muburyo bitari byoroshye namba.

Bikorimana samuel Kuya 15-04-2017

Ibyabaye mu Rwanda mu igihe cya genocide yakorewe abatutsi biteye agahinda gakabije cyane ariko ibyabaye Mukarange kayonza byo byarandenze kuko nanjye ndabyemeza ko abasaga 5000 bishwe umunsi umwe gusa kuko nanjye ndi umwe mubarokokeye Mukarange muburyo bitari byoroshye namba.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...