konka coffee
KONKA

AMAKURU

UKWEZI

Perezida wa Sena yashimangiye ko Jenoside yashobotse kubera abanyapolitike babi

Perezida wa Sena yashimangiye ko Jenoside yashobotse kubera abanyapolitike babi
13-04-2017 saa 14:10' | By Vincent Nsengiyumva | Yasomwe n'abantu 1040 | Ibitekerezo

Perezida wa Sena, Bernard Makuza, yavuze ko icyatumye Jenoside ishoboka ndetse ikanashyirwa mu bikorwa, ari uko u Rwanda rwari rufite Abanyapolitike babi ndetse na Politike yabo ipfuye.

Ibi Perezida wa Sena Makuza yabigarutseho kuri uyu wa Kane tariki ya 13 Mata 2017 mu muhango wo gusoza icyumweru cyo kunamira Abatutsi bishwe muri Jenocide, wabereye ku rwibutso rwa Rebero rushyinguyemo Abanyapolitike, rukaba ruruhukiyemo imibiri y’abasaga ibihumbi 14.

Senateri Makuza, yasobanuye ko kugira ngo Jenocide itegurwe kandi igerweho byatewe n’abanyapolitike babi bari bayoboye igihugu kandi bayoboje politike ipfuye.

Yagize ati “Jenocide yashobotse kubera Politike mbi ndetse n’abanyapolitike babi boretse abanyarwanda bakabatoza urwango bakabigisha amacakubiri ndetse bakanagira uruhare mu kwica Abatutsi b’Abanyarwanda.”

Senateri Makuza yanagaragaje ko Politike iriho ubu ari iyo guhuza abanyarwanda, kubaka igihugu ndetse no guharanira iterambere ryacyo bakirinda uwo ariwe wese washaka kugisubiza mu mateka cyavuyemo.

Yagize ati “ Twebwe nk’Abanyapolitike bariho ubu tugomba kudatatira igihango dufitanye n’igihugu cyacu cy’u Rwanda, twuzuza inshingano zacu.”

Senateri Makuza yasabye Abanyarwanda bose gukomera ku muco nyarwanda bashyigikirana muri byose, mu rwego rwo gutera intambwe idateze gusubira inyuma.

Urwibutso rwa Rebero rwasorejweho icyumweru cy’icyunamo, rushyinguyemo imibiri y’abantu basaga ibihumbi 14, barimo abanyapolitike 12 bishwe bazira ibitekerezo n’ubutwari bwabo bwo kurwanya ingoma y’igitugu.

Aba banyapolitike bashyinguye muri uru rwibutso uko ari 12, ni Kavaruganda Joseph wari Perezida w’Urukiko rusesa imanza, Rucogoza Faustin wari Minisitiri w’itangazamakuru, Ndasingwa Landoald wari waragenewe kuba Minisitiri muri guverinoma y’Inzibacyuho, Kayiranga Charles wigeze kuba Umuyobozi w’Ibiro muri Minisiteri y’Ubutabera, Niyoyita Aloys wari waragenwe kuba Minisitiri w’Ubutabera muri Guverinoma y’Inzibacyuho, Kabageni Venantie wari watorewe kuba Umudepite muri Guverinoma y’Inzibacyuho.

Hashyinguye kandi,Kameya Andre, wari Umunyamakuru akaba yarigeze no Umunyamabanga mukuru w’Ishyaka PL, Rutaremara Jean de la Croix yabaye umujyanama muri Minisiteri y’Ubucuruzi n’Inganda, Rwayitare Augustin wigeze kuba Visi Perezida wa’Ishyaka PL, Nzamurambaho Frederic wari Minisitiri w’Ubuhinzi n’Ubworozi, Ngango Felicien wari umunyamabanga Mukuru muri Minisiteri y’Ubutabera ndetse na Mushimiyimana Jean Baptiste wari umujyanama mu bya Politike muri “MINITRAPE”.

Perezida wa Sena, Bernard Makuza yahaye icyubahiro abanyapolitike ndetse n’abandi bose bashyinguye mu rwibutso rwa Rebero Minisitiri w’Umuco na Siporo, Uwacu Juliene, yashyize indabo kuri uru rwibutso Minisitiri w’Ububanyi n’Amahanga,Louise Mushikiwabo, nawe yitabiriye uyu muhango Uyu muhango witabiriwe n’abayobozi bo mu nzego zitandukanye Musenyeri Antoine Kambanda wa Diyoseze ya Kibungo yari mu batumiwe Uyu muhango kandi witabiriwe n’abantu b’ingeri zose


Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA