konka coffee
KONKA

AMAKURU

UKWEZI

Kagugu: FPR yakiriye abanyamuryango basaga 400, barahirira kutazatatira igihango bagiranye nayo

Kagugu: FPR yakiriye abanyamuryango basaga 400, barahirira kutazatatira igihango bagiranye nayo
26-06-2017 saa 08:56' | By Vincent Nsengiyumva | Yasomwe n'abantu 1763 | Ibitekerezo

Kuri iki cyumweru tariki 25 Kamena 2017 umurwango wa FPR/Inkotanyi mu kagari ka Kagugu, wakiriye abanyamuryango bashya basaga 400 barahiriye gukorera uyu muryango no kutazatatira igihango bagiranye nawo. Nyuma yo kurahira bahawe impanuro maze nabo bashimangira ko bagiye gufatanya n’umuryango gusigasira ibimaze kugerwaho.

Abanyamuryango bashya barahiriye kwinjira mu muryango wa FPR muri aka kagari ka Kagugu, baturutse mu midugudu 9 igize aka kagali bakaba biyongereye ku basaga 12300 bari basanzwe muri uyu muryango.

Umuyobozi w’Umurwango wa FPR mu kagali ka Kagugu, Twagiriyaremye Jean Damascene yavuze ko ibikorwa by’umuryango muri aka Kagali byivugira bikaba aribyo bituma abaturage bitabira kwinjira mu muryango.

Yagize ati “Imigabo n’imigambi ndetse n’ ibikorwa by’umuryango nibyo bibakurura bakaza kwisabira kuba abanyamuryango. FPR ishingira cyane cyane kuri Demokarasi ntabwo dushobora gukurura abantu ku ngufu.”


Umuyobozi w’Umurwango wa FPR mu kagali ka Kagugu, Twagiriyaremye Jean Damascene

Mme Kamuzinzi Solange Mubaraka ushinzwe ubukangurambaga mu muryango wa FPR mu Karere ka Gasabo yarahije aba banyamuryango bashya bo muri aka Kagali ka Kagugu aboneraho no kubaha impanuro zizabafasha kugendana neza n’amahame agenga umuryango.


Mme Kamuzinzi Solange Mubaraka ushinzwe ubukangurambaga mu muryango wa FPR mu Karere ka Gasabo niwe warahije abanyamuryango bashya

Kamuzinzi Solange yagarutse ku mahame y’umuryango wa FPR aho yashimangiye ko Demokarasi iri ku isonga kuko umuturage yahawe ijambo ku buryo na wawundi wo hasi atanga igitekerezo cye kandi kigahabwa agaciro.

Yagize ati “Demokarasi yacu itandukanye n’izo mu mahanga. Demokarasi zo mu mahaganga usanga niba hari ibitangenda, niba hari icyo mushaka kumvikanisha kitagenda mujya mu muhanda mukamenagura ibintu bikaza kubagora kuzongera kubyubaka.Twe rero Demokarasi ya FPR ni ijambo rihabwa umuturage. Amahame ya FPR kugira ngo igere ku rwego rw’igihugu byose bihera ku mudugudu.”

Uretse kurahiza aba bashya binjiye mu muryango muri aka kagari ka Kagugu, bari no mu gikorwa cyo kwishimira ibikorwa bamaze kugeraho birimo kwiyubakira imihanda 2 ku bufatanye n’abanyamuryango hanubakwa ibiro bya polisi byamaze kuzuzwa.


Ibyishomo byari byose ku banyamuryago ba FPR bo mu kagari ka Kagugu bungutse amaraso mashya

Abasaga 400 nibo barahiriye kwinjira mu muryango Iyi niyo ndahiro basubiragamo


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...