konka coffee
KONKA

AMAKURU

UKWEZI

AMAFOTO: KIM University yamuritse umuhigo yesheje mu birori byashimiwemo abahaminurije

AMAFOTO: KIM University yamuritse umuhigo yesheje mu birori byashimiwemo abahaminurije
13-10-2017 saa 13:39' | By Chief Editor | Yasomwe n'abantu 2290 | Ibitekerezo 1

Kuri uyu wa Gatanu tariki 13 Ukwakira 2017, nibwo muri Kaminuza ya KIM yamuritse umuhigo yesheje, nyuma y’uko ku nshuro yayo ya mbere, hamuritswe abanyeshuri bayiminurijemo bakabona impamyabumenyi z’icyiciro cya gatatu cya Kaminuza (Master’s Degree) mu mashami atandukanye, byajyanye n’abahawe impamyabumenyi zabo z’icyiciro cya kabiri cya Kaminuza (A0).

KIM University, mu mwaka ushize wa 2016 nibwo yatangije icyiciro cya gatatu cya Kaminuza mu mashami yibanda ku by’icungamutungo, imari, ibaruramari n’ibindi. Kuri uyu wa Gatanu tariki 13 Ukwakira 2017, nibwo umuhigo wayo wayesheje, imurika ku mugaragaro abanyeshuri bayo bagera kuri 11 barangije icyiciro cya gatatu cya Kaminuza, mu mashami ya MBA Accounting and Finance; MBA Strategic Management; MBA Logistics, Procurement na Supply Chain Management.

Uretse aba kandi, hanamuritswe ku mugaragaro abanyeshuri 576 barangije icyiciro cya kabiri cya Kaminuza muri KIM University, mu mashami atandukanye ajyanye n’icungamutungo, imari n’ibaruramari, nka Accounting, Finance and Banking, Finance na Procurement & Logistics.

Abanyeshuri ba KIM University bashimiwe ko bitwaye neza mu masomo yabo

Mu birori byo kumurika abahawe izi mpamyabumenyi, Umuyobozi w’icyubahiro (Chancellor) wa KIM University, Prof Rugege Geoffrey, yashimye ubwitange no gushyira hamwe kw’abanyeshuri b’iyi Kaminuza byatumye bagera kuri iyi ntambwe, anashimira abarimu n’abakozi ba Kaminuza ku bw’umurava no kuba hafi abanyeshuri byatumye besa umuhigo bari barihaye.

Umuyobozi w’icyubahiro (Chancellor) wa KIM University, Prof Rugege Geoffrey

Umuyobozi wa Kaminuza, Prof Peter John Opio, nawe yashimye umuhate w’abanyeshuri barangije muri iyi Kaminuza, anavuga ko ari intangiriro y’urugendo rushya rw’ubuzima bwabo, ruzatuma bagira uruhare rukomeye mu iterambere ry’igihugu n’imiryango yabo.

Abayobozi ba Kaminuza hamwe na Minisitiri w’Uburezi mu Rwanda

Minisitiri w’Uburezi mu Rwanda, Dr Papias Malimba Musafiri wari umushyitsi mukuru muri ibi birori, yashimiye cyane abayobozi ba KIM University, abarimu, abanyeshuri ubwabo n’ababyeyi babo ndetse n’undi wese wagize uruhare mu kuba iyi Kaminuza yabashije gutera iyi ntambwe.

Minisitiri w’Uburezi, Dr Papias Musafiri Malimba

Abanyeshuri bitwaye neza kurusha abandi muri buri cyiciro, bahembwe n’ubuyobozi bwa Kaminuza. Uwarangije icyiciro cya gatatu cya Kaminuza, yemerewe kuzarihirwa muri Kaminuza ikomeye ku isi izwi nka Havard, agakomeza kuminuza mu masomo ye, Uwahize abandi mu cyiciro cya kabiri cya Kaminuza, we yemerewe kuzarihirwa igice mu cyiciro cya kabiri cya Kaminuza muri KIM.

KIM University yashinzwe muri 2003 yitwa International College of Accountancy and Management. Muri 2005, abagize inama y’Ubutegetsi bafashe umwanzuro wo kuyita Kigali Institute of Management (KIM), maze muri 2016 ihabwa izina rya KIM University. Kugeza ubu, imaze guha impamyabumenyi abanyeshuri baharangije inshuro 6 ku barangije icyiciro cya kabiri cya Kaminuza, n’inshuro imwe ku barangije icyiciro cya gatatu cya Kaminuza.

Umuyobozi mukuru wa Equity Bank yijeje ubufatanye iyi Kaminuza, cyane ko ayobora banki yigishwamo iby’imari n’ibaruramari

Ibirori byo kumurika abahawe impamyabumenyi za Kaminuza ya KIM byari bibereye ijisho


INKURU ZA :
Tanga Igitekerezo
Ibitekerezo 1
patrick Kuya 16-10-2017

congraturation to all graduant you make a big deal but you can not forget that you start another life outside there.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...