konka coffee
KONKA

AMAKURU

UKWEZI

Abanyeshuri ba kaminuza ya Jomo Kenyata mu marira n’agahinda nyuma y’uko ifunzwe burundu

Abanyeshuri ba kaminuza ya Jomo Kenyata mu marira n’agahinda  nyuma y’uko ifunzwe burundu
10-11-2017 saa 09:11' | By Vincent Nsengiyumva | Yasomwe n'abantu 3404 | Ibitekerezo 3

Amarira n’agahinda gakomeye nibyo byaranze abanyeshuri ba Jomo Kenyatta University of Agriculture and Technology (JKUAT) riherutse gufungwa burundu n’Inama Nkuru y’Amashuri Makuru na Kaminuza (HEC) nyuma yo gusanga itujuje ibisabwa ngo ibe Kaminuza.

Aba banyeshuri ba JKUAT bagaragaje agahinda kabo kuri uyu wa 9 Ugushyingo 2017, ubwo bari batumiwe mu nama rusange kugirango basobanurirwe byimbitse icyatumye Kaminuza yabo ifungwa burundu ndetse n’ikigiye gukorwa kugira ngo ababishaka babe bakomeza.

Aba banyeshuri basobanuriwe ko bagoimba gukomeza amasomo yabo bifashishije uburyo bwa Internet bakoresheje uburyo bwa Online cyangwa bakoroherezwa kujya gukomereza amasomo yabo Nairobi muri Kenya.

Mu gahinda gakomeye aba banyeshuri bagaragaje igihombo gikomeye bagiye guhura nacyo, aho bavuga ko kuzajya bakora ingendo bajya gukomeza amasomo yabo muri Kenya batazabishobora ngo kuko batabona amikoro.

Abandi bagaragaza ko baguye mu gihombo gikabije kuko hari ngo abenshi babangikanyaga amasomo n’akazi kugira ngo babone amafaranga yo kwishyura ishuri bakaba bavuga ko kujya muri Kenya batabishobora kuko bata akazi kandi ariko kabishyuriraga.

Uwitwa Uwimana Claude yabwiye Ukwezi.com ko bamwe muri bo bagiye gucikiriza amasomoo yabo ngo kuko ubu buryo babwiwe ko bazajya bigamo ari ukubananiza kuko bo nta mikoro babona yo kujya kwigira muri Kenya.

Yagize ati “Batubwiye ko tuzajya tujya kwigira no gukorera ibizamini muri Nairobi Kenya ku itike yacu, bamwe muri twe amafaranga y’ishuri twayabonaga ku mushahara w’akazi twakoraga, kureka akazi ingo tujye kwiga iyo ngiyo urumva ko amafaranga yo kwishyura ntayo twabona rwose.”

Abandi bamaganira kure uburyo babwiwe bwo kwigira kuri Internet kugira ngo bakomeze amasomo yabo, bavuga ko babona ari ukubikuraho, ngo kuko n’ubundi bagiye kwiga muri iyi Kaminuza ubu buryo bazi ko bubaho.

Umuyobozi w’Inama Nkuru y’Amashuri Makuru mu Rwanda HEC, Muvunyi Emmanuel, yasobanuriye abanyeshuri basaga 300 bigaga muri iyi kaminuza ko yafunzwe burundu nyuma yo kutubahiriza ibyo yari yasabye gukosora mu gihe kitarenze amezi atatu.

Yavuze ko JKUAT yazize gutanga amasomo amwe atemewe mu Rwanda ndetse ikagira abarimu bake n’ibikoresho bidahagije ugereranyije n’amashami ndetse n’abanyeshuri bafite.

Yagize ati “Isuzuma ryacu ryasabye ko bongera abarimu kandi bakazana abafite ubushobozi bujyanye n’amasomo bigisha. Ikindi batari bafite ni laboratwari y’ubumenyi n’iy’ikoranabuhanga kandi zari ngombwa, icya gatatu ntibari bafite ibitabo byaba iby’impapuro cyangwa ibyo kuri internet.”

Agahinda ni kose ku banyeshuri basaga 300 bigaga muri JKUAT

Aba banyeshuri bavuga ko bakorewe akarengane ngo kuko Kaminuza yabo itahawe igihe gihagije cyo kwitegura gufungwa


INKURU ZA :
Tanga Igitekerezo
Ibitekerezo 3
Rutagengwa François Xavier Kuya 16-11-2017

Abo banyeshuri bihangane, ahubwo bagishe inama .

Umusaza Kuya 11-11-2017

@Dada, ivugire sha utabumera abwita....

dada Kuya 10-11-2017

Abanyeshuri ntimubitindeho reta irifuzako mwakwiga neza bizabagirira akamaro.mwisunge abajuje ibisabwa amasomo akomeze.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...