konka coffee
KONKA

AMAKURU

UKWEZI

Abasaga ibihumbi 30 bari barakatiwe TIG baburiwe irengero

Abasaga ibihumbi 30 bari barakatiwe TIG baburiwe irengero
7-06-2017 saa 16:56' | By Vincent Nsengiyumva | Yasomwe n'abantu 6317 | Ibitekerezo 1

Minisiteri y’Ubutabera yatangaje ko hari abantu barenga ibihumbi 30 bari barakatiwe gukora imirimo nsimburagifungo ifitiye igihugu akamaro (TIG) ariko bakaba baraburiwe irengero batayikoze ngo bayirangize.

Umunyamabanga wa Leta muri Ministeri y’ubutabera ushinzwe Itegeko Nshinga n’andi mategeko, Uwizeyimana Evode yavuze ko abantu bari barahawe ibihano by’imirimo nsimburagifungo n’inkiko gacaca bari hagati y’ibihumbi 84 na 106 ariko hakaba hari abamaze gutoroka batarangije igihano bari bahawe.

Yagize ati “Twabaruye abantu barenga bihumbi 30 birenga baburiwe irengero, batazwi ahantu bari kuko ni abantu bagiye bakatirwa rimwe na rimwe badahari. Hari abantu batazwi aho bari ariko barahawe TIG. Twasabye inzego zibishinzwe ko zikomeze kubakurikirana kugira ngo bagarurwe barangize ibihano byabo.”

Minisiteri y’Ubutabera kandi inavuga ko hakiri imanza zerekeranye n’imitungo zitararangira kugeza ubu, aho yasonbanuye ko ahanini byatewe n’uko hari abakatiwe kwishyura badafite ubushobozi bikaba aribyo byabidindije.

Me Uwizeyimana yagarutse ku batorotse batarangije ibihano byabo ashimangira ko bahagurukiye kubashakisha bafatanyije n’inzego zinyuranye kugira ngo bafatwe babanze kurangiza ibihano bahawe.

Yagize ati “Hari abantu bakatiwe badafunze, twe rero nta biziriko twari tuziritse umuntu bituma atagenda. bagiye batarangije TIG ariko inzego zibishinzwe zirimo kugerageza gushakisha abo bantu cyane ko amadosiye yabo ahari.”


INKURU ZA :
Tanga Igitekerezo
Ibitekerezo 1
iganze Kuya 8-06-2017

Kuba bayikora cyangwa batayikoze ntacyo bimariye uwo biciye, byose ni kimwe

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...