konka coffee
KONKA

AMAKURU

UKWEZI

Amerika ishobora gukomanyiriza u Rwanda iruziza gahunda rwihaye yo guca caguwa

Amerika ishobora gukomanyiriza u Rwanda iruziza gahunda rwihaye yo guca caguwa
21-06-2017 saa 15:35' | By Vincent Nsengiyumva | Yasomwe n'abantu 10671 | Ibitekerezo 13

U Rwanda kimwe n’ibindi bihugu byo muri Afurika y’Uburasirazuba (EAC) birimo Uganda, Kenya na Tanzania bishobora gufatirwa ingamba zikakaye na Leta Zunze Ubumwe za Amerika nyuma y’uko ibi bihugu bifashe umwanzuro wo guca Caguwa yaturukaga muri iki gihugu.

Kuri uyu wa Kabiri nibwo ibiro by’Intumwa ya Leta Zunze Ubumwe za Amerika ishinzwe Ubucuruzi byatangaje ko Amerika irimo gusubiramo amasezerano yo guteza imbere Afurika yiswe African Growth and Opportunity Act (AGOA) nyuma y’igihe gito igaragaje ko icyemezo ibihugu bya EAC byafashe kibangamiye ishoramari ry’inganda zitunganya imyambaro yageraga mu Rwanda no muri ibi bihugu yarigeze kwambarwa.

Iyi gahunda ya AGOA ihuriwemo n’ibihugu bisaga 30, yashyiriweho guha amahirwe ibihugu bitandukanye byo muri Afurika yo gukorana ubucuruzi na Amerika, maze ibicuruzwa bikorerwa muri ibyo bihugu bakabyoherezanya nta musoro utanzwe.

Ibi Leta Zunze Ubumwe za Amerika zirimo kubikora nyuma y’uko ihuriro ry’inganda zitunganya imyambaro muri Amerika ryanditse rivuga ko gukuraho caguwa kw’ibi bihugu byabangamiye bikomeye inganda zabo bityo bagasaba Leta gufatira imyanzuro ikakaye ibi bihugu birimo u Rwanda.

Iri huriro ry’inganda ryitwa Secondary Materials and Recycled Textiles Association (SMART), ryanamaze kwerekana ko ibi bihugu by’u Rwanda, Uganda na Tanzania byakoze ibihabanye n’amabwiriza agize amasezerano ya AGOA yo guteza imbere no guha amahirwe Afurika.

Umuyobozi w’ihuriro rya SMAR,T Jackie King, yavuze ko ikibazo gihari atari uko ibi bihugu byarenze ku mazezerano gusa ngo ahubwo ibyo bakoze byanabateje igihombo gikomeye aho abakozi basaga ibihumbi 5 bakoraga mu bigo byigenga bitunganya imyambaro ndetse n’abandi basaga ibihumbi 19 bo mu bindi bigo bitandukanye bamaze kubura akazi.

Guca caguwa ni gahunda yahawe imbaraga cyane, aho imisoro kuri caguwa yazamuwe cyane aho igiciro cy’umusoro ku myenda yinjizwa mu Rwanda cyazamutse kikava ku madorali 0,2 kikagera ku madorali 2,5 naho inkweto za caguwa nazo umusoro ukava ku madorali 0,2 yishyurwaga kikagera ku madorali 4,5.

Bimwe mu bihugu byo muri EAC birimo u Rwanda ,Kenya, Uganda, Tanzania na Sudani y’Epfo biherutse gufata umwanzuro w’uko muri 2019 nta mwambaro n’umwe wa caguwa uzongera kwinjizwa muri ibi bihugu mu rwego rwo guteza imbere inganda zabyo.

Binyuze muri AGOA, u Rwanda, Tanzania na Uganda byohereje muri Amerika ibicuruzwa bifite agaciro ka miliyoni 43 z’amadolari muri 2016 bivuye kuri miliyoni 33 z’amadolari ku byari byoherejwe muri 2015.

Ibicuruzwa Amerika yari yohereje mu Rwanda, Tanzania na Uganda mu mwaka wa 2015 byageraga kuri miliyoni 257 z’amadolari naho mu mwaka wa 2016 birazamuka bigera kuri miliyoni 281 z’amadolari .


INKURU ZA :
Tanga Igitekerezo
Ibitekerezo 13
theoneste Kuya 2-07-2017

nimuyice Wenda tuzasubire kuruhu cg ishabure basogokuru ko bambyambaye ntibaturushije kurama

Kabosi Kuya 1-07-2017

jyewe mbona caguwa itaba imbogamizi yo kwigira nizanywe mu Rwanda ndabizi neza ko abanyarwanda nabo bazi icyo bashaka Wenda imyumvire yazazamuka bakamenya guhitamo igikwiye

ndagijimana ernest Kuya 27-06-2017

Niba ibyo bashaka kuduha aribyiza baretse nacaguwa ikaza ? Tugahitamo nitwe tutazi kureba ibyiza?

ndagijimana ernest Kuya 27-06-2017

Niba ibyo bashaka kuduha aribyiza baretse nacaguwa ikaza ? Tugahitamo nitwe tutazi kureba ibyiza?

ndagijimana ernest Kuya 27-06-2017

Niba ibyo bashaka kuduha aribyiza baretse nacaguwa ikaza ? Tugahitamo nitwe tutazi kureba ibyiza?

Dada Kuya 24-06-2017

Sha n’ubwo byagenda gute caguwa n’umwenda. uzarebe ibintu mu Rda bari kudukorera , ubundi c bayiretse nayo wenda tukayigira, iyi yo murwanda urayambara igahita icika, sha mwaradutuburiye rwose, Mutubabarire mugarure caguwa rwose,nayambaye kuva ndi umwana yambarwa na buzukuru, ubwo ubwo c muram

Kk Kuya 23-06-2017

Caguwa irakenewe

uwa clau Kuya 23-06-2017

remy ntacyo ubeshyeho caguwa ntacyo itwaye

anonymous Kuya 22-06-2017

Mwiriwe,

Abo bazungu ntanisoni bagira,ngo badufatiye ibihano.ahubwo bari baratinze. Nyakabahwa Perezida yaravuze ati nibabima umwanya azaba ariyo mahirwe yacu yo kubyaza umusaruro ibyiwacu. Naho rero reka agaciro duhora tubwirizwa guharanira kabe mungiro. ERega imana yaturemeye kimwe ntampamvu yokutugira ibikoresho byabo nkaho twe tutari abantu. Ariko mujye muretekereza ukuntu badufta vrmt,ngo bazadufatira ibihano kubera ko tubakomatanirije kutuzanira imyanda yabo.nibagumanae nubundi bataraza twariho

Wise man Kuya 22-06-2017

Banyarwanda,banyarwandakazi na mwe birabura dusangiye ubucakara bw abazugu.Ntago dushobora dutera imbere ngo twigobotore ubucakara no gukandamizwa n abazungu niba tugitekereza haf kandi niba tudashyize hamwe ngo dutahirize umugozi umwe wo kwigobotora umuzungu.Guca caguwa ni inzira imwe yo kwiga uburyo natwe twagera kure no kugabanya dependance z abazungu.India,China, Malaysia, Singapore ,Japan n ibihugu byateye imbere binyuze muri iyi nzira yo kumenya gukoresha iby iwabo .Tuve mubujiji no kureba hafi...tuve mumoko n inzika bidafashe bituruka kumuzungu...umwanzi wacuu ni umwe ni umuzungu....Iyaba abayobozi bacu ba Africa bashyiraga hamwe bagafata ingamba bakanga gukoreshwa n abazungu bica abo basangiye isano n uruhu...Africa twatera imbere....Muzabimenye umwanzi wabirabura ni umwe ,ni umuzungu ubaryanisha ....Nibo bashaka kuturimbuza Ebola(case nshyashya muri Congo yatewe na Bill Gates),nibo batuzaniye Sida.Nashimira abayobozi bo muri EAC bashyize hamwe bakamagana ubucuruzi bwa Bill Gate na Milinda Gates foundation. ...kubera irindi gerageza rya Ebola barimo gutegura kurimbuza Africa(guhera Congo)

Rugondoza Kuya 22-06-2017

Ariko usibye kwirengagiza kubona n igihugu nka Sudani yepfo kibarirwa muri bibiri bikennye kurusha ibindi ku isi gica caguwa ....murumva hatarimo ikibazo koko ? No mu rwanda ndetse na TZ Ugqnda na Kenya hose caguwa iracyakenewe

remi Kuya 22-06-2017

Bwana Fred ndagirango nkubwire ko america iramutse if as he umwanzuro WO kujya isoresha ibicuruzwa twoherezayo mpamyako aritwe twahomba kurusha uko bahobye kandi nizo caguwa ntacyo zari zitwaye ibyo guteza imbere inganda zacu nabyo nibyiza ariko nubundi Nibazikora imyenda myiza ntibizatuma zitagurisha ngoni ccaguwa kuko nubundi nkubu ntawe uyobewe ko igitenge kiza kiba tanzaniya cg ipataronziza

fred.m Kuya 21-06-2017

Ariko badushako iki kweli!! ndumva ari uburenganzira bwacu kwambara ibyodushaka. bacuruze ibindi batuvaneho inzara yabo baragakizwa.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...