konka coffee
KONKA

AMAKURU

UKWEZI

Ba basirikare bishe umuturage i Gikondo bahawe iminsi 30 y’igifungo cy’agateganyo

Ba basirikare bishe umuturage i Gikondo bahawe iminsi 30 y’igifungo cy’agateganyo
27-06-2017 saa 10:34' | By Vincent Nsengiyumva | Yasomwe n'abantu 6607 | Ibitekerezo 8

Muri iki gitondo, Urukiko rwa Gisirikare rwategetse ko Pte Claude Ishimwe na Pte Jean Pierre Nshimiyumukiza bafungwa by’agateganyo iminsi 30 mu gihe iperereza rikomeje ku byaha bitanu baregwa bishingiye ku kwica umuturage bamurashe.

Aba basirikare uko ari 2 bakurikiranyweho kurasa umuturage witwa Ntivuguruzwa Aime Yvan agahita apfa, tariki 10 Gicurasi 2017 mu masaha ya nijoro ubwo bari ku burinzi I Gikondo ahazwi nka SGM.

Mu masaha ya saa tatu z’igitondo kuri uyu wa Kabiri nibwo umucamanza yatangiye gusoma urubanza, aho aba bashinjwa ubwicanyi baburanishirizwa mu cyumba mberabyombi cy’ishuri ribanza riri Rwampala i Gikondo SGM, mu ruhame rw’abaturage baje kurukurikirana.

Mu iburanisha riheruka, aba basirikare bombi bashinjwa kwica bahawe umwanya wo kwiregura maze Ishimwe yemera ibyaha byose yashinjwe, avuga ko yarashe nyakwigendera bitewe n’uko yari abonye atuye hasi mugenzi we ndetse ashaka kumwambura imbunda.

PTE Nshimyumukiza Jean Pierre nawe yemeye icyaha kimwe cy’ubufatanyacyaha mu bwicanyi, maze avuga ko yarashe uwo mugabo kuko yari abonye ko atangiye kubambura imbunda maze we ashimangira ko yabikoze mu rwego rwo kwitabara.

Urukiko rwavuze ko kimwe mu byaha baregwa harimo icyaha cy’ubufatanyacyaha mu bwicanyi kandi gihanishwa hejuru y’imyaka ibiri.

Urukiko kandi rwanavuze ko aba bagabo batarekurwa ‘nk’uko bo babisaba’ hashingiwe ku ngingo ya 96 y’amategeko ahana.

Mu iburanishwa rihereruka ku bijyanye n’ifungwa n’ifungurwa by’agateganyo, Claudine Umuhoza umugore wa Ivan Ntivuguruzwa wishwe n’aba basirikare yavuze ko we yishimiye ubutabera ari guhabwa ashingiye ku kuba abamwiciye bari kuburanishirizwamu ruhame aho ngo byamuhaye ikizere ko hazabaho ubutabera bwuzuye maze abakoze ibyaha bakabihanirwa.


Tanga Igitekerezo
Ibitekerezo 8
Sulaiman Kuya 9-07-2017

NONESE MUGIRANGO BARINDE UMUTEKANO WABANDI BASIGE UWABO NANJYE NAMURASA AHUBWO MUBAREKURE BASUBIRE MUKAZI VUBA

samson madiba Kuya 28-06-2017

Abobasirikare mubabarire rwose.kuko abaturage bamwe nabamwe turiyenza pee.

Mimi Kuya 28-06-2017

Erega burya umuntu ninkundi ese iyo batamurasa akayibaka byaribugende bite Ahhhhhhh nyamara mbona bararengeye benshi rahira ko atari bumare umudugudu wose numujinya yari afite natwe abaturage tujye twumva ko umuntu ufite imbunda ntago aba afite igiti cyo kureberaaaaa gusa iricaaa ntikina biriya niba haricyo bapfuye yagombaga kubarega bagahanwa hatabayeho kubarwanya ngaho ubutabera nibukore ibyabwo Ark bibuke rubanda rwari bubigwemo iyo Ayibaka. Murakoze

Tuyisenge Innocent Kuya 27-06-2017

mwababariye abo basirikare ko bemeye icyaha.ese uwo musivire yashakaga imbunda yiki we?

koni Kuya 27-06-2017

IZI NKORAMARASO MUZIFUNGE

Nonda Kuya 27-06-2017

Aah ni danger!! Mureke uburatabera bukore akazi kabwo

ERIc Kuya 27-06-2017

INGABO ZACU ZIFITE UBUPFURA N’UBUNYANGAMUGAYO MUBYUKURI BAGIYE KUMWICA YABAREMBEJE,ESE UWO MUSIVIRE IMBUNDA YASHAKAGA IYIKI? MUBANZE MUMENYE IMPAMVU BAMWISHE.MUDUFASHE ABO BAHUNGU BACU MUBAFUNGURE RWOSE.AKAZI KABO BARAKAZI.MUBABABARIRE

james Kuya 27-06-2017

nimurekure abobana rwose, none se mwagirango babigenze gute kweli, barimukazi bashinzwe kumutekano, none se muzi icyo uwo washakaga kubambura imbunda yashakaga kuzikoresha? ingabo zacu zigira displine rwose nimukazisebye. ntago barigupfa kumurasa gusa. kandi nizera ko icyaha kigomba gukumirwa kitaraba.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA