konka coffee
KONKA

AMAKURU

UKWEZI

Iposita yibutse abari abakozi bayo bazize Jenocide yakorewe Abatutsi banaremera abatishoboye

Iposita yibutse abari abakozi bayo bazize Jenocide yakorewe Abatutsi banaremera abatishoboye
3-07-2017 saa 08:47' | By Vincent Nsengiyumva | Yasomwe n'abantu 1565 | Ibitekerezo

Abakozi b’Iposita bibutse abari abakozi bayo bazize Jenocide yakorewe abatutsi muri Mata 1994, banaboneraho kuremera bamwe mu batishoboye barokotse Jenocide bo mu karere ka Kamonyi.

Kuri uyu wa gatanu Tariki ya 30 Kamena 2017, nibwo abakozi b’iposita bibutse abari abakozi bayo kimwe n’abanyarwanda bose bazize Jenocide yakorewe Abatutsi maze banaremera imiryango itishoboye yarokotse Jenocide bo mu Karere ka Kamonyi, aho bubakiye umwe barokotse uteri ufite aho aba ndetse banaha imiryango itandukanye amafunguro.

Nyuma y’igikorwa cyo kwibuka no kunamira Abatutsi bazize Jenocide Iposita y’u Rwanda yubakiye Ugiriwabo Beathe, umupfakazi wa Jenocide yakorewe Abatutsi wari umaze igihe kinini aba munzu ishaje cyane ku buryo yahoranaga impungenge z’uko izamugwaho.

Ugiriwabo Beathe wari waratakaje ikizere cy’ejo hazaza kubera ubuzima yari abayemo, yashimishijwe bikomeye no kuba yubakiwe inzu ndetse agahabwa n’ibikoresho bitandukanye.

Yagize ati “Mu by’ukuri sinagiraga aho nkinga umusaya. Inzu yari imaze igihe kinini imeze nk’aho idasakaye kuko imvura yagwaga nkabura aho nikinga. Ndashimira ubuyobozi n’abakozi b’Iposita mu Rwanda bemeye kwigomwa umwanya wabo bakaza kundemera no kumfata mu mugongo.”

Ugiriwabo Beathe yashimishijwe bikomeye n’igikorwa cy’urukundo yakorewe n’abakozi b’Iposita kuko ngo kubwe atari kuzabona umukura mu buzima bwo kubura aho aba cyane ko nta muryango yasigaranye wakabimukoreye.

Umuyobozi mukuru w’Iposita mu Rwanda Kayitare Célestin yavuze ko kwibuka ari inshingano za buri munyarwanda anashishikariza buri wese ufite ubushobozi ko yagerageza kwegera abantu barokotse jenocide batishoboye mu rwego rwo kongera kubaremamo agatima no kubaremamo ikizere cy’uko batari bonyine.

Umuyobozi w’umurenge wa Musambira Muvunyi Etienne yashimiye ubuyobozi bw’Iposita bwanze kwigira ba ntibindeba mu gufata mu mugongo abasizwe iheruhero na Jenoside yakorewe Abatutsi muri Mata 1994 anasaba aba bahawe ubufasha gukomeza kwishakamo ibisubizo ndetse no gusigasira ibyo bahawe.


Umuyobozi mukuru w’Iposita Rwanda Kayitare Célestin yunamira abari abakozi bayo bazize Jenocide yakorewe Abatutsi
Iyi niyo nzu yubakiwe Ugiriwabo Beathe utagiraga aho aba Hafashijwe abatishoboye batandukanue bo mu murenge wa Musambira


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...