konka coffee
KONKA

AMAKURU

UKWEZI

Kaminuza y’u Rwanda yafunze burundu amashami yayo 4 yabarizwaga mu Ntara

Kaminuza y’u Rwanda yafunze burundu amashami yayo 4 yabarizwaga mu Ntara
13-09-2017 saa 05:36' | By Akayezu Jean de Dieu | Yasomwe n'abantu 12291 | Ibitekerezo 2

Ubuyobozi bwa Kaminuza y’u Rwanda bwatangaje amavugururwa yakozwe hagamijwe impinduka aho zimwe muri Koleji z’iyi Kaminuza zahujwe ndetse izindi zigafungwa burundu, kuri ubu amashami 4 arimo irya Byumba, Kabgayi, Kibungo na Nyamishaha yose yigishaga ibijyanye n’ubuvuzi yafunzwe burundu ndetse abanyeshuli bayigagamo bakaba bagiye kwimurirwa mu yandi mashami atandukanye.

Aya mavugururwa yakozwe muri Kaminuza y’u Rwanda yatumye amwe mu ma koreji yayo ahurizwa hamwe n’andi mashuli agahagarikwa agamije kugabanya igiciro cy’amafaranga ya Leta yajyaga muri iyi Kaminuza no gukarishya ireme ry’uburezi n’ubumenyi butangwa n’iyi Kaminuza nk’uko byatangajwe n’ubuyobozi bwayo.

Mu kiganiro yagiranye na The New Times, Umuyobozi Wungirije muri iyi Kaminuza y’u Rwanda ushinzwe amasomo n’ubushakashatsi, Prof Nelson Ijumba, yavuze ko nta yindi mpamvu ituma izi mpinduka ziba usibye gushaka kugabanya ikiguzi cyatakazwaga kuri bimwe bitari ngombwa muri iyi kaminuza ndetse no kuzamura umusaruro.

Prof Nelson Ijumba yagize ati “Kaminuza y’u Rwanda yifuza kunoza imikorere yayo no kugabanya amafaranga yakoreshwaga bitari ngombwa, ari nayo mpamvu twayihuje ikitwa Kaminuza imwe byose byari ugushaka uko umusaruro wakwiyongera kandi tukanoza ireme ry’ubumenyi butangwa na Kaminuza y’u Rwanda

Mu mpinduka zakozwe kandi muri iyi kaminuza, uyu muyobozi yavuze ko harimo Koleji yigishaga amasomo y’ubumenyi rusange, CASS (College of Arts and Social Sciences) yakomatanyijwe n’iyigishaga ibijyanye n’ubukungu, CBE (College of Business and Economics) bibyara Koleji nshya yigisha amategeko, ubukungu n’imiyoborere, CLEG (College of Law, Economics and Governance).

Koleji y’Ubuvuzi n’Ubumenyi mu by’ubuzima, CMHS (College of Medicine and Health Sciences) yo nta cyahindutse kimwe na koleji yigisha iby’ubumenyi n’ikoranabuhanga, CST (College of Science and Technology). Muri Koleji y’uburezi, CE (College of Education) ubu ikaba yongereweho imicungire y’ububiko bw’inyandiko CELS (College of Education and Library Sciences), na koleji yigishaga ibijyanye n’ubuhinzi n’ubumenyi mu buvuzi bw’amatungo, CAVM (College of Agriculture and Veterinary Sciences) yongerwaho ibijyanye n’ibidukikije, ihinduka CAEVM (College of Agriculture, Environment and Veterinary Medicine).

Uyu muyobozi kandi akomeza avuga ko nta ngaruka zihambaye zizaba ku banyeshuli bagezweho n’impinduka mu bijyanye no kwimuka bava ku makoreji bigagaho bajya ahandi bimuriwe cyane ko byose bizarangira mu kwezi k’Ukwakira 2017 bakaba bamenyeshejwe hakiri kare ngo bitegure. Umuyobozi Wungirije muri iyi Kaminuza y’u Rwanda ushinzwe amasomo n’ubushakashatsi, Prof Nelson Ijumba /Photo:TNT


INKURU ZA :
Tanga Igitekerezo
Ibitekerezo 2
Twagirayezu sylvanus Kuya 16-09-2017

Gusa abanyeshuri baratugoye cyane .baradufatiranye ntagihe baduhaye gihagije ngo twitegure.Gusa dutegereje icyemezo aba minisitiri bazafata,nabo nababyeyi nibadutabare.

Twagira Heritier Kuya 13-09-2017

Nonese ko bataduha final list yabemerewe inguzanyo yokwiga kugira umuntu yitegure niba banayimwimye akiyandikisha muri private abishoboye igihe kitararenga mutubarizi igihe kbx kuko hari ama pravates zatangiye kd kwiyishyurira M1.5 cg M2 rwf muri leta birakaze murakoze mutugerereyo kbx

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...