konka coffee
KONKA

AMAKURU

UKWEZI

Kamonyi : Cooperative TWIGIRE Muhinzi-Rukoma iravuga imyato ubuhinzi bw’imyumbati

Kamonyi : Cooperative TWIGIRE Muhinzi-Rukoma iravuga imyato ubuhinzi bw’imyumbati
5-09-2017 saa 18:34' | | Yasomwe n'abantu 1024 | Ibitekerezo

Cooperative TWIGIRE Muhinzi-Rukoma yo mu Karere ka Kamonyi ivuga ko yatangije ibihumbi magana arindwi (700.000 frw) mu gutangiza igihingwa cy’imyumbati, ariko ngo bizeye ko muri uyu mwaka umwe gusa bazabona umusaruro w’amafaranga asaga Miliyoni 14.

Iby’iyi nyungu byagaragarijwe abanyamakuru bakora inkuru zibanda ku buhinzi mu Rwanda (RAJA) nyuma y’urugendoshuli bakoreye mu turere dutandukanye mu gihugu ku bufatanye n’umushinga ukorera muri Minisiteri y’Ubuhinzi n’Ubworozi FAAS-Rwanda, hari hagamijwe kureba uko bamwe mu bahinzi hirya no hino mu gihugu biteje imbere.

Mu karere ka Kamonyi,abahinzi bibumbiye muri cooperative Twigire Muhinzi -Kamonyi bakaba ari abafashamyumvire mu by’ubuhinzi. Ni cooperative igizwe n’abanyamuryano 37 bahinga imbuto y’imyumbati ku buso bungana na hegitari 1. Ubuyobozi bw’iyi cooperative buhagarariwe na Rukundo Emmanuel wahoze atwara abagenzi kuri moto nyuma akaza gusanga inyungu yari ategereje itagerwaho neza maze aza kwiyegurira imirimo y’ubuhinzi n’ubworozi.

Hamwe no kwibumbira hamwe n’abahinzi bagenzi be, bashinze cooperative Twigire muhinzi-Kamonyi, maze batangiza igishoro cy’amafaranga ibihumbi 700 mu gihingwa cy’imyumbati bakaba bavuga ko biteze umusaruro ufite agaciro ka milioni ziri hagati ya 13 na 14 z’amafaranga y’u rwanda.

Ni ubwa mbere bagiye gusarura, kandi ngo uyu musaruro ushobora no kwiyongera kuko ngo n’imbuto z’imyumbati (Ingeri) bazajya bazigurisha abashaka gutera imyumbati yo mu bwoko bwa NASA yerera umwaka umwe gusa, iyi akaba ariyo bahinga.

Ikinyuranyo kiri hejuru ya milioni 11, ni inyungu buri wese uyumvise asanga ari amafaranga menshi ukurikije igishoro cyakoreshejwe, ibintu bitera buri muhinzi ubwema bwo gukomeza no gukomera ku kazi akora.

Magingo aya aba banyamuryango ba koperative bashima uburyo imbuto n’amafumbire bisigaye bibageraho vuba ubu bakaba bakora ubuhinzi bwabo nta mbogamizi bahura nazo.

Nzabonimana Emmanuel umuyobozi wungirije w’iyi cooperative we, asanga igikenewe magingo aya ku bahinzi hirya no hino mu gihugu ari amahugurwa ahanitse.

Ati " Icyo twifuza n’uko amahugurwa yaba menshi bikajyana n’ubwiyongere bw’ingendoshuli. Ubu batwita Agronome nubwo tutazi niba turi ba Agronome bato, gusa byose biterwa n’uko twahuguwe bikatwongerera ubumenyi tugenda tuvunguriraho bagenzi bacu."

Ubu aba bajyanama b’ubuhinzi bw’imyumbatsi mu karere ka Kamonyi bahanganye na bamwe muri bagenzi babo bakivangavanga ibihingwa bitandukanye ku butaka bumwe kandi bufite ubuso buto, ibi bigamije ko nabo ubwabo bagera ku nyungu itubutse nk’iyo iyi coopetative Twigire Muhinzi-kamonyi yitegura kwinjiza.


Perezida wa Cooperative TWIGIRE Muhinzi-Rukoma, Rukundo Emmanuel

Jerome Munyentwari


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...