konka coffee
KONKA

AMAKURU

UKWEZI

Kamonyi: Ubumenyi n’ubuhanga abana bagaragaje byanyuze benshi, intego ni uguhiga ab’i Kigali

Kamonyi: Ubumenyi n’ubuhanga abana bagaragaje byanyuze benshi, intego ni uguhiga ab’i Kigali
20-11-2017 saa 17:13' | By Chief Editor | Yasomwe n'abantu 2292 | Ibitekerezo

Mu mudugudu wa Kabasanza, mu kagari ka Gihara ko mu murenge wa Runda mu karere ka Kamonyi, ni hamwe mu duce turi mu nkengero z’umujyi wa Kigali, aho usanga hagaragara nk’aho umujyi wagiye wagukira. Ni agace gatuwe ahanini n’abahoze bari mu mujyi wa Kigali, bakomeza kuhimukira bakahubaka amazu agezweho. Kimwe mu bigaragaza iterambere riri muri aka gace, harimo amashuri yigenga yaba abanza n’ay’incuke, atanga uburere n’uburezi ababyeyi babona ko bizatuma bahangana n’amashuri yo mu mujyi wa Kigali.

Kuri iki Cyumweru tariki 19 Ugushyingo 2017, nibwo muri Top Care Academy, ikigo giherereye aha mu murenge wa Runda, basoje ku mugaragaro umwaka w’amashuri, hamurikwa ubumenyi n’ubuhanga abana bafite haba mu masomo yabo ya buri munsi, mu bijyanye n’umuco ndetse n’ubuvanganzo. Abayobozi batandukanye mu nzego bwite za Leta, ababyeyi n’abafatanyabikorwa mu by’uburezi bari bitabiriye ibi birori, banyuzwe n’intera iki kigo kigezeho.

REBA VIDEO IGARAGAZA IMYIYEREKANO Y’ABANA HANO:

Aba ni abana barangije icyiciro cy’amashuri y’incuke bagiye gutangira abanza

Abafashe ijambo batandukanye, bashimye Munyaneza Emmanuel washinze iki kigo, hamwe n’abayobozi mu nzego bwite za Leta barishyigikiye, rikaba ritanga uburezi bufite ireme kuburyo ababyeyi bivugira ko basanga ntacyo ibigo byo mu mujyi wa Kigali birusha iki kigo, bakurikije ubumenyi buhambaye basanga abana babo bakura muri Top Care Academy.

Ababyeyi banyuzwe cyane n’ubuhanga n’ubumenyi aba bana bagaragaza

Imfura zo muri iki kigo cy’amashuri y’incuke n’abanza, zizakora ikizamini cya Leta gisoza amashuri abanza mu mwaka utaha wa 2018, kandi ababyeyi biyemeje gushyigikira abarimu n’ubuyobozi bw’iki kigo kuburyo ubufatanye bwabo buzatuma baba ikigo cya mbere kizatsinda neza kurusha ibindi byo mu karere ka Kamonyi, bakitwara neza bakarusha ibigo bitandukanye by’i Kigali ndetse no ku rwego rw’igihugu bakaba bashobora kuzaza mu ba mbere.

Munyaneza Emmanuel washinze Top Care Academy, asanzwe n’ubundi akora akazi k’uburezi

Uhagarariye ababyeyi yashimangiye ko banyurwa no kubona abana babo bari ku rwego rushimishije mu myigire

Munyankindi Pierre Celestin (uri hagati), ni umuyobozi mu murenge wa Runda ushinzwe imari n’ubutegetsi. Yavuze ko uburezi bwiza abana bahabwa, ababyeyi bishyujwe ibingana n’agaciro kabwo batabona amafaranga


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...