konka coffee
KONKA

AMAKURU

UKWEZI

Kayonza: Impanuka ikomeye y’ikamyo yahitanye abantu babiri

Kayonza: Impanuka ikomeye y’ikamyo yahitanye abantu  babiri
29-11-2017 saa 08:22' | By Akayezu Jean de Dieu | Yasomwe n'abantu 7361 | Ibitekerezo 1

Ku mugoroba wo kuri uyu wa Kabiri tariki 28 Ugushyingo 2017, Mu muhanda Kigali-Kayonza-Rusumo, mu mudugudu wa Munini, akagari ka Cyinzovu mu Murenge wa Kabarondo, akarere ka Kayonza mu Ntara y’Uburasirazuba habereye impanuka y’imodoka yagonze abantu babiri barimo uwari utwaye igare n’uwo ryari rihetse bombi bahita bapfa.

Iyi kamyo ifite purake T419CXJ bivugwa ko yari itwawe n’uwitwa Hamadi Assuman yahise ijyanwa kuri Sitasiyo ya Polisi ya Kabarondo. Abari hafi y’ahabereye iyi mpanuka babwiye ikinyamakuru Ukwezi.com ko yari impanuka ikomeye, cyane ko aba bagonzwe bombi bahise bitaba Imana.

Abagonzwe n’iyi kamyo ni uwitwa Tuyisenge w’imyaka 20 y’amavuko ari nawe wari utwaye igare ndetse n’umusaza Karekezi Manase uri mu kigero cy’imyaka78 bombi bakaba bahise bapfa, imirambo yabo ijyanwa ku bitaro bya Rwinkwavu gukorerwa isuzuma.

Umunyamabanga Nshingwabikorwa w’umurenge wa Kabarondo, Dusingizumukiza Alfred, yabwiye ikinyamakuru Ukwezi.com ko iyi mpanuka ishobora kuba yatewe n’uburangare bw’aba batwaye igare cyane ko imodoka yabanje kubanyuraho hanyuma iza kubakubitisha igikontineri cy’inyuma.

Gitifu Alfred yagize ati “Nibyo koko iyo kamyo yagonze uwari utwaye igare n’uwo ryari rihetse bose barapfa, ariko ni kumwe umunyonzi aba atwaye igare yambaye na (Ecouteur) ekuteri mu matwi hanyuma imodoka ikamunyuraho ariko ntamenye niba yamaze guhita ubwo rero urumva ibi bimodoka biba ari birebire hari uburyo bashobora kuba bagize ngo imodoka yamaze gutambuka bagasubira mu muhanda, ari nabwo bahise bashoramo igare imodoka ihita ibagongesha icy’inyuma bombi bahita bapfa.”

Ubwo twatunganyaga iyi nkuru ntibyadukundiye kuvugana n’umuvugizi wa Polisi y’u Rwanda ishamiri rishinzwe umutekano mu muhanda dore ko inshuro zose twamuhamagaye atabashije kwitaba telefone.

Abaturiye hafi y’ahabereye impanuka bahise bahuruza Polisi iza gukora ubutabazi bw’ibanze.


INKURU ZA :
Tanga Igitekerezo
Ibitekerezo 1
Ntagozera Jmv Kuya 29-11-2017

Ababuze ababo bihangane ariko bibere isomo abanyonzi bakoresha umuhanda nabi

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...