konka coffee
KONKA

AMAKURU

UKWEZI

Kayonza:Umwarimu yatawe muri yombi azira gusambanya umunyeshuri ku ngufu

Kayonza:Umwarimu yatawe muri yombi azira gusambanya umunyeshuri ku ngufu
23-10-2017 saa 09:34' | By Akayezu Jean de Dieu | Yasomwe n'abantu 6505 | Ibitekerezo 2

Polisi y’igihugu ikorera mu Ntara y’Uburasirazuba yataye muri yombi umwarimu wigishaga ku ishuri ry’imyuga riherereye mu karere ka Kayonza ‘Kayonza Vocation School’ azira gufata ku ngufu umwana w’umukobwa w’imyaka 20 yigishaga ubwo yari amusanze mu cyumba cya Resort Hotel iherereye mu karere ka Gatsibo ari kwimenyereza umwuga.

Uyu mugabo wafashwe tariki 18 Ukwakira 2017 bivugwa ko afite inkomoko muri Uganda ni we wakoreshaga aba banyeshuri nk’ushinzwe ku bagenzura (Supervisor) ufasha abanyeshuri gushyira mu bikorwa no kwimenyereza umwuga ujyanye n’ibyo baba barize mu ishuri (Stage) akaba kuri ubu ari mu maboko ya Polisi aho akurikiranweho iki cyaha.

Umuvugizi wa Polisi mu Ntara y’Uburasirazuba, IP Jean de Dieu Kayihura yahamirije ikinyamakuru Ukwezi.com iby ‘iri tabwa muri yombi ry’uyu mwarimu ndetse anavuga ko kugeza ubu uyu mwarimu ari kuri Sitasiyo ya Polisi ya Kabarore aho biteganijwe ko ashyikirizwa ubushinjacyaha kuri uyu wa Mbere.

IP Kayihura yagize ati “Uyu mwarimu wakoze ibi twaramufashe ndetse ubu ari kuri polisi, uburyo ibi byabayemo rero umunyeshyuri yarimo akora stage muri hotel iri muri Gatsibo hanyuma umwarimu ni we wari ushinzwe kureberera (Supervisor) aba banyeshuri, ubwo yasanze mu cyumba uyu mukobwa yarimo akoramo imirimo yo kwimenyereza gusasa hanyuma undi ahita amufata ku ngufu umukobwa aratabaza ba nyiri hotel barabyumva”

IP Kayihura kandi yakomeje avuga ko abanyeshuri bakwiye kujya bamaganira kure abarimu bameze nk’aba batesha agaciro umwuga bakora n’imiryango yabo badasize n’igihugu.

Iki cyaha cyo gufata ku ngufu kiramutse kimuhamye, yahanwa hakurikijwe ingingo ya 197 mu gitabo cy’amategeko ahana ibyaha mu Rwanda, ivuga ko ukoresha imibonano mpuzabitsina ku gahato umuntu ufite nibura imyaka 18 y’amavuko ahanishwa igifungo kuva ku myaka itanu kugeza ku myaka irindwi.


INKURU ZA :
Tanga Igitekerezo
Ibitekerezo 2
olyx Kuya 24-10-2017

uwo mwarimu nawe sinzi uko ateye, ntibikwiriye rwose

Pasi Kuya 23-10-2017

Igihano mwavuzeiriyongera iyo uwakoze icyaha ari umurezi wuwo yagikoreye

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...