konka coffee
KONKA

AMAKURU

UKWEZI

Kenya yavuye ku izima isubizaho caguwa, u Rwanda rwo rwakomeye ku cyemezo rwafashe

Kenya yavuye ku izima isubizaho caguwa, u Rwanda rwo rwakomeye ku cyemezo rwafashe
28-06-2017 saa 11:24' | By Vincent Nsengiyumva | Yasomwe n'abantu 12337 | Ibitekerezo 19

Leta ya Kenya yisubiyeho ku cyemezo yari yarafashe cyo guhagarika imyambaro yambawe [caguwa] ituruka hanze ikinjizwa imbere mu gihugu nk’uko uyu mwanzuro wari wafatiwe hamwe n’ibihugu by’Afurika y’Uburasirazuba. U Rwanda rwo rwakomeye ku cyemezo rwafashe kugirango hatezwe imbere ibikorerwa imbere mu gihugu.

Ibi byatangajwe n’umunyamabanga muri Minisiteri y’ubucuruzi n’inganda muri Kenya Dr Chris Kiptoo nyuma y’igihe gito Leta Zunze Ubumwe za Amerika itangaje ko igiye gufatira imyanzuro ikakaye ibihugu birimo u Rwanda, Uganda, Tanzania , Kenya na Sudani y’Epfo nyuma y’uko bifatiye hamwe imyanzuro yo guhagarika burundu ibicuruzwa bya caguwa bituruka mu mahanga.

Kuwa Kabiri tariki 20 Kamena nibwo Ibiro by’Intumwa ya Amerika ishinzwe Ubucuruzi, Robert Lighthizer, byatangaje ko bigiye gusuzuma niba u Rwanda, Tanzania Uganda na Kenya byakomeza kwinjiza ibicuruzwa bimwe na bimwe ku isoko rya Amerika bidaciwe umusoro, muri gahunda izwi nka AGOA (African Growth and Opportunity Act).

Dr Chris Kiptoo yavuze ko nyuma yo kubyigayo basanze bakwiye gukomeza gukorana neza na gahunda ya AGOA maze bagakomeza kwakira ibituruka hanze biciye muri iyi gahunda nabo bakohereza ibikorerwa mu gihugu cyabo nta nkomyi.

Kenya, Uganda, Rwanda, Burundi, Tanzania ana Sudani y’Epfo byari byamaze gushimangira ko mu mwaka wa 2019 bagomba kuba barahagaritse burundu caguwa mu rwego rwo guteza imbere inganda ziri imbere muri ibi bihugu zitunganya imyambaro.

Leta y’u Rwanda yo yakunze kugaragaza ko ikomeye ku cyemezo yafashe aho bamwe mu bayobozi bakuru bagize icyo bavuga nyuma y’uko Leta Zunze ubumwe za Amerika itangaje ko igiye gukomanyiriza ibi bihugu birimo n’u Rwanda kubera icyemezo byafashe.

Mu kiganiro yagiranye n’abanyamakuru nyuma gato y’uko Leta Zunze Ubumwe za Amerika isohoye itangazo ryo kuburira ibi bihugu kubera icyemezo byafashe ku guhagarika caguwa, Perezida Kagame yavuze ko amahitamo y’Abanyarwanda ari yo agomba guhabwa agaciro muri uru rwego kurusha kumva amahitamo y’abandi.

Yavuze ko atakwirengagiza ko AGOA ifitiye akamaro abanyafurika yashyiriweho ndetse no kuri Amerika yayitangije anongeraho ko yari gahunda nziza n’ubwo ngo bishoboka ko abayungukiyemo ari bacye cyane kuri uyu mugabane wa Afurika kurusha Amerika.

Yagize ati “Ku bwanjye, aho u Rwanda ruhagaze, sinavuga ko hari inyungu ikomeye twavanyemo kurusha bariya bacukura peteroli cyangwa abafite ibindi bintu abashyizeho AGOA bakeneye kurusha ibyo twe dutanga.”

Yakomeje agira ati “Niba rero ngiye gushyiraho uburyo inganda zacu zabasha gutera imbere zirimo n’izikora imyenda, umuntu akavuga ati ‘Oya’ nubikora ndaguhana kubera ko ibyumvikanweho muri AGOA [nubwo bidafitanye isano na gato] ugomba kuba ingarani ya caguwa, kugira ngo ujye ku rutonde rw’ibihugu dukorana muri AGOA, twe aho hari ukundi tubyumva.”

Perezida Kagame kandi yanashimangiye ko umuntu aba agomba guhangana n’ingaruka zaturuka ku mahitamo ye kugira ngo abashe gutera imbere.

Guca caguwa ni gahunda yahawe imbaraga cyane, aho imisoro kuri caguwa yazamuwe cyane aho igiciro cy’umusoro ku myenda yinjizwa mu Rwanda cyazamutse kikava ku madorali 0,2 kikagera ku madorali 2,5 ku kilo naho inkweto za caguwa nazo umusoro ukava ku madorali 0,2 yishyurwaga ku kilo bikagera ku madorali 4,5.

Binyuze muri AGOA, u Rwanda, Tanzania na Uganda byohereje muri Amerika ibicuruzwa bifite agaciro ka miliyoni 43 z’amadolari muri 2016 bivuye kuri miliyoni 33 z’amadolari ku byari byoherejwe muri 2015.

Ibicuruzwa Amerika yari yohereje mu Rwanda, Tanzania na Uganda mu mwaka wa 2015 byageraga kuri miliyoni 257 z’amadolari naho mu mwaka wa 2016 birazamuka bigera kuri miliyoni 281 z’amadolari .


INKURU ZA :
Tanga Igitekerezo
Ibitekerezo 19
nkurunziza Gabriel Kuya 15-07-2017

guca caguwa siwo muti umuti washakirwa ahandi!

Mungwarakarama Didace Kuya 7-07-2017

Ndabona guca caguwa atariwo muti Ahubwo inganda zacu nizikore imyenda iri Qualite’ nukuvuga imyenda myiza kandi ikomeye ntabwo wagura caguwa ubona imyenda myiza ikomeye noneho urangura caguwa nazizana ntibamugurire ntazongera kurangura naho ingada nikora ibintu bidakomeye ntabakiriya zabona.

Alpha Kuya 7-07-2017

Amahitamo y’abaturage se sha
Ubishyize mu matora se byatubuza gutora 100% icyemezo cy’abakuru??!

mukomeze Kuya 2-07-2017

erega kenya nigihugu gisheshakanguhe muterambere ntarinkurwanda ruri kwirukanka vuba vuba kndi rutazi iyorugana iterambere abaturage bakennye bimaze iki c.amaherezo abaturage mumyakairimbere bazigumura bange ububuyobozi urunuka muzabibonakndi umunsi umwe bazarya amavubi

Vuguziga Kuya 1-07-2017

Umurengwe usig ’inzara

Olivier Kuya 30-06-2017

Ibyo mu gihugu nge mbona ari bike cyane,ahubwo ku isoko usanga ubu hari kuza za magasin z abashinmwa zivuye mu bishinwa n’ubundi ugasanga zihenze kd zitanakomeysle byibura

x Kuya 29-06-2017

ngewe rwose mbona caguwa ntacyozitwaye kbs. uzikujya mubukwe ukahasanga abantu nka 30 mwambaye ibisa nkaho muri korari!! ntacyo tuzajya gutuma Kenya wamugani.

Dj Kuya 29-06-2017

Ese nkubu mbabaze ko twavutse tugasanga basogokuruza bacu bakoresha iyo caguwa u iki ? ubwo c ingaruka nitwe zigiye kugerahora? sha mwagiye mureka gukabya koko ahubwo nyine rubanda rugufi nitwe tugiye kubihomberamo ntakundi akaje karemerwa

Dj Kuya 29-06-2017

Ese nkubu mbabaze ko twavutse tugasanga basogokuruza bacu bakoresha iyo caguwa u iki ? ubwo c ingaruka nitwe zigiye kugerahora? sha mwagiye mureka gukabya koko ahubwo nyine rubanda rugufi nitwe tugiye kubihomberamo ntakundi akaje karemerwa

Nyawera Kuya 29-06-2017

Guteza imbere ibyo mu gihugu ni byiza ntawe ubyanze, ariko se harebwe n’ubushobozi bw’abaturage. Jye nari narashimye icyemezo cyo guca caguwa y’imyenda y’imbere, ariko caguwa muri rusange ku bwange mbona ywihuse hataragera.

Rukweto Kuya 29-06-2017

Kwifatira ibyemezo turarabizi da...ariko twifatira ibyemezo bidahwitse.Kubona nka Sudani yepfo igihugu cya nyuma gikennye ku isi yose gihitamo guca caguwa...birashakeje

Rukweto Kuya 28-06-2017

Kwifatira ibyemezo turarabizi da...ariko twifatira ibyemezo bidahwitse.Kubona nka Sudani yepfo igihugu cya nyuma gikennye ku isi yose gihitamo guca caguwa...birashakeje

fkaaa Kuya 28-06-2017

aba bakunda abaturanjye babo naho abacu banze ko inganda basyizemo cash zabo zihomba badutegeka kwambara nkabanyeshuri ariko ubwo kenya yabivanyeho umunu azajya atumayo agapanaro kamwe kamwe cyereka nibasyiraho ko utazajya yambara made in rwanda bazajya bayimwambura mumuhanda

sasa Kuya 28-06-2017

uwajya kwihahira muri kenya ra?

Pantoufle Kuya 28-06-2017

Sha nibarekure imyenda twiyambarire,ubuse amezi yose ashize barabifunze nuruhe ruganda rwakoze ikoboyi byibuze imwe Ngo turebe...Sikuriya bari kubikora.

uwayo Kuya 28-06-2017

ahubwo kwirarira kwacu kuzadukoraho reba ijambo ministri w’imari yagejeje kuba depite ubwo yatangaga ingengo y’imari wumve ukuntu ibiciro bigiye gutumbagira mu myaka 2 iri imbere wongereho no gukumira ibyo twoherezaga muri AGOA umbwire aho tugana nyamara ubugabo butisubiraho.... ubuse caguwa z’imodoka,z’indege,za computer ko nkizibona ese mubona uwabuze Mutuelle azabona 5000 by’ishati itari caguwa ?????nkwibutse ko 1/4 cy’abanyarwanda bahabwa Mutuelle na Leta ntabwo ibatangira 2000 aho gutanga 3000 nk’abandi aho bukera baragurirwa n’imyenda da

c Kuya 28-06-2017

Ikibabaje kurusha ibindi ni ukuba EAC inaniwe gushyira hamwe.

c Kuya 28-06-2017

Ikibabaje kurusha ibindi ni ukuba EAC inaniwe gushyira hamwe.

Nsoscare Kuya 28-06-2017

Intege nke z’abanyafurika ntacyo zizabagezaho , igihe cyose ntidushobora kwifatira ibyemezo .

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...