konka coffee
KONKA

AMAKURU

UKWEZI

Kigali: Bafashwe binjiza ibiyobyabwenge muri gereza ya Mageragere

Kigali: Bafashwe binjiza ibiyobyabwenge muri gereza ya Mageragere
13-07-2017 saa 13:09' | By Vincent Nsengiyumva | Yasomwe n'abantu 3301 | Ibitekerezo

Kuri uyu wa Gatatu tariki ya 13 Nyakanga 2017 inzego zishinzwe umutekano zataye muri yombi abagore 3 ndetse n’umusore umwe bagerageza kwinjiza urumogi rwinshi ndetse n’andi matabi muri Gereza ya Mageragere iherereye mu Karere ka Nyarugenge.

Aba bantu bose uko ari 4 batawe muri yombi ku manywa y’ihangu ubwo bageragezaga kwinjiza ibi biyobyabwenge muri iyi gereza.

Muri ibi byafashwe uretse ibiyobyabwenge by’urumogi byari bifunze mu dupfunyika 1052 basanzemo n’andi moko y’amatabi nk’amapaki atanu y’Impala, ane y’Intore n’atanu y’iryitwa Premier, bikaba byagaragaraga ko byari bigiye gucururizwa muri iyi gereza.

Aba bafashwe bari bagiye gusura ababo bafungiye muri iyi grereza, bakaba basanganwe ibi biyobwabwenge ubwo hakorwaga isakwa harebwa ibigiye kwinjizwa muri Gereza.

Umuvugizi wa Polisi y’u Rwanda mu Mujyi wa Kigali , SP Hitayezu Emmanuel yatangarije Ukwezi .com ko aba bantu bafashwe bashaka kwinjiza ibiyobyabwenge muri Gereza ya Mageragere koko, akaba yanavuze ko ubu barimo gukurikiranwa.

Yagize ati “Nibyo koko kuri Gereza ya Mageragera hafatiwe abagore batatu n’umusore umwe bashakaga kwinjiza ibiyobyabwenge muri iyi gereza, bakaba barafashwe ubwo barimo gusakwa nk’uko bisanzwe ku baba baje gusura imfungwa.”

SP Hitayezu yakomeje avuga ko aba bantu bafashwe bahise bajyanwa kuri Sitasiyo ya Polisi ya Mageragere kugira ngo batangire gukurikiranwa kubyo baregwa.

Uyu muvugizi wa Polisi mu Mujyi wa Kigali yaboneyeho gushishikariza Abanyarwanda kugendera kure y’ibijyanye n’ikoreshwa ry’ibiyobyabwenge kuko ubifatiwemo wese, yaba abicuruza cyangwa se abinywa, bimugiraho ingaruka zikomeye zirimo gufungwa no gucibwa ihazabu. Ibi bihano kandi bishobora no kugira ingaruka ku miryango y’ababa babifatiwemo.

SP Hitayezu yanakomeje asaba Abanyarwanda gukomeza gutanga amakuru ku bantu baba bazwiho ibikorwa nk’ibi by’ibiyobyabwenge kandi agatangirwa ku gihe mu rwego rwo kubirandura burundu.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA