konka coffee
KONKA

AMAKURU

UKWEZI

Kigali: Hagiye kumurikwa impano z’abana, abazatsinda bakazakomeza gukurikiranwa

Kigali: Hagiye kumurikwa impano z’abana, abazatsinda bakazakomeza gukurikiranwa
2-06-2016 saa 15:33' | By Chief Editor | Yasomwe n'abantu 1643 | Ibitekerezo 1

Mwenedata Zouzou Zoulaika niwe uyobora umuryango wateguye iki gikorwa

Umuryango Women Of Will Africa wateguye igikorwa kigenewe abana kigiye kuba ku nshuro ya mbere mu mujyi wa Kigali, kikazaba ari uburyo bwiza abana bazahabwa umwanya wo kumurika impano bafite mu bintu bitandukanye, hagamijwe kubafasha guteza imbere impano bafite no gukabya inzozi zabo.

Nk’uko twabitangarijwe na Zouzou Zoulaika Mwenedata; umuyobozi wa Women of Will Africa, ubu uyu muryango watangiye kujya mu bigo by’amashuri bimwe na bimwe ushaka abana bafite impano zikwiye gushyigikirwa, hanyuma abana bazatoranywa bakazahurira mu gikorwa nyirizina kizaba tariki 1 Nyakanga 2016, abazatsinda bakazahabwa impano zitandukanye ariko bakazanakomeza gushyigikirwa kugirango impano zabo zirusheho gutera imbere.

Abana bazamurika impano zabo bakanatoranywamo abazashyigikirwa, ni abari hagati y’imyaka 3 na 17, bafite impano mu kuririmba, mu bijyanye n’ubugeni, mu bijyanye n’ubuvanganzo, kubyina n’ibindi bigaragaza impano zidasanzwe abana baba bifitemo. Muri aba batekerejweho kandi, harimo n’abana bo mu muhanda usanga baba bafite impano zabapfanye ubusa.

Uretse aba bazaturuka mu bigo by’amashuri byatumiwe, undi mwana wese wifuza kuzajya mu bazahatana, azagera ahazabera iki gikorwa mu mujyi wa Kigali nawe ahite yiyandikisha yemererwe guhatana n’abandi. Uwashaka gusobanuza birenzeho, yahamagara kuri 0785422787.


INKURU ZA :
Tanga Igitekerezo
Ibitekerezo 1
irene Kuya 2-06-2016

Murakoze kuri ayo makuru mwatubwirira aho bizabera cg mukaduha contact zabashinzwe icyo gikorwa tukazababaza. murakoze

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA