konka coffee
KONKA

AMAKURU

UKWEZI

Kigali: Imodoka yafashwe n’inkongi irakongoka n’izari ziyegereye zirashya

Kigali: Imodoka yafashwe n’inkongi  irakongoka n’izari ziyegereye zirashya
22-10-2017 saa 14:01' | By Vincent Nsengiyumva | Yasomwe n'abantu 9125 | Ibitekerezo

Mu gitondo cyo kuri iki cyumweru tariki ya 22 Ukwakira 2017, imodoka yo mu bwoko bwa Rav4 yari mu igarage yitwa ‘Full Technico Garage’, yafashwe n’inkongi y’umuriro irashya irakongoka kugeza ubwo yafatishije n’izari ziyegereye nazo zirashya.

Iyi mpanuka y’inkongi y’umuriro yabereye mu igarage ya ‘Full Technico Garage’ iherereye mu mudugudu w’Ubumanzi akagali ka Rugenge Umurenge wa Muhima ahagana saa yine za mugitondo.

Iyi modoka yakongotse yari imaze gukorwa n’abakanishi bo muri iyi garaje hanyuma bamaze kuyisuzuma basigaje kuyitera irangi babona umwatsi utangiye gucumbeka uturukamo imbere abari aho batangira kuzimya arimo ikibatsi cyawo kiraganza ku buryo yaje kugurumana cyane igakongeza n’izari zziyiri impande.

Umunyamabanga nshingwabikorwa w’umurenge wa Muhima Nkunda Evariste yatangarije ukwezi iby’iyi mpanuka yabereye muri uyu Murenge avuga ko yahiriyemo imodoka 4, ariko imwe murizo ikaba yahiye igakongoka aho izizndi zahiye byoroheje kuko hahise hagera ubutabazi.

Yagize ati “ Inkongi yafashe imodoka zari muri garage ya ‘Full Technico Garage’, ubwo imodoka ya Rav4 yari ivuye mu isuzzumwa ‘essaiyage’ yahiye igakongoka maze n’izindi zari hafi aho zirafatwa zirashya.”

Uyu muyobozi yakomeje avuga ko imodoka ya kizimyamoto yaje gutabara ariko ihagera iya Rav4 imaze gukongoka ku buryo ntacyo kuramira cyari gihari, gusa ngo nyir’iyi garage yari afite ubwishingizi.

Imodoka zzari muri iyi garage zari zimazze gufatwa n’inkongi abantu barahagoboka

Abantu batabaye n’izindi zimaze gufatwa

Imodoka yo mu bwoko bwa Rav4 yahiye irakongoka


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...