konka coffee
KONKA

AMAKURU

UKWEZI

Kigali: Umusore yimanitse mu mugozi arapfa, intandaro ni nyirabuja wamwanduje SIDA

Kigali: Umusore yimanitse  mu mugozi arapfa, intandaro ni nyirabuja wamwanduje SIDA
6-07-2017 saa 15:43' | By Vincent Nsengiyumva | Yasomwe n'abantu 18670 | Ibitekerezo 5

Umusore w’imyaka 23 witwa Nsengiyumva Dieudonne wo mu mudugudu wa Nyarutovu akagari ka Karama Umurenge wa Kanombe bamusanze yimanitse n’umugozi mu giti yapfuye. Uyu musore ngo kuwa Kabiri yashatse kwiyahura akoresheje umuti w’imbeba biranga, bikaba bivugwa ko intandaro yabyo ari Nyirabuja wari waramwanduje Sida.

Mu gitondo cyo kuri uyu wa kane tariki ya 6 Nyakanga, nibwo abaturage bo mu mudugudu wa Nyarutovu uyu musore yari asanzwe atuyemo bamusanze yapfuye yimanitse mu giti akoresheje umugozi. Bavugaga ko uyu musore yimanitse mu gihe kuwa kabiri tariki ya 4 Nyakanga yari yarusimbutse ubwo nabwo yageragezaga kwiyahuza umuti wica imbeba.

Umunyamabanya nshingwabikorwa w’umurenge wa Kanombe, Nirere Marie Rose yabwiye Ukwezi.com ko amakuru y’urupfu rwa Nsengiyumva bayamenye mu gitondo ariko ko bataramenya neza impamvu nyayo yatumye yiyahura.

Yagize ati “Nibyo koko iby’urupfu rw’uwo musore twabimenye mu gitondo. Yapfuye yimanitse koko ariko ubu dufatanyije n’inzego za polisi turi mu iperereza kugira ngo tumenye neza icyabiteye.”

Abaturanyi b’uyu musore wiyahuye bemezaga ko azize umugore yafashaga gucuruza mu Kabari (nyirabuja) byavugwaga ko yari yaramwanduje Sida bikaba aribyo byatumye afata umwanzuro wo kwiyahura.

Umugabo witwa Nzeyimana wo muri uyu Mudugugu yavuze ko nabo batangiye kumva amakuru y’uyu musore kuwa Kabiri ubwo yashakaga kwiyahura akoresheje umuti w’imbeba aho byavugwaga ko yari yabitewe n’uko nyirabuja yari yamucitse kandi yari yaramusezeranyije kuzakomeza kumwitaho kubera ko yari yaramwanduje Sida.

Yagize ati “Ku wa kabiri ejobundi nibwo nyakwigendera Nsengiyumva yari yanyweye ibinini byica imbeba ariko ku bw’amahirwe bamusanga akiri muzima bamujyana kwa muganga aba arusimbutse atyo.Uwo munsi nibwo twatangiye kumva amakuru y’uko yabitewe no kuba uwari umukoresha we mu kabari yamucitse kandi yaramwanduje Sida. Twagize ngo byarangiriye aho kuko yabonaga ko avuye mu rupfu ariko twatunguwe no kumusanga yimanitse.”

Uyu nyakwigendera Nsengiyumva Dieudonne yavukaga mu Karere ka Gisagara mu Majyepfo akaba yarageze muri Kigali aje gushaka ubuzima ubwo yari azanye n’uyu wari umukoresha we bivugwa ko ari nawe wamwanduje Sida.


INKURU ZA :
Tanga Igitekerezo
Ibitekerezo 5
Nsekanabo valens Kuya 8-07-2017

Bibaho nkatwe urubyiruko tugombakubiboneraho isomo twirinde bashugamami rubyiruko amagara arasekantayorwa

dadi Kuya 7-07-2017

Musomyi ndagushimye cyane kubwo igitekerezo utanze kdi nawe jeanne uri uwo kugawa kuko umuntu yifatira ikemezo wenyinye kuko baravugango umusore umuhana avayo ntumuhana ajya kuko ntiyakumva

umusomyi Kuya 7-07-2017

ikintu bari bakwiye kwigisha abant
u nukumenya kubqnza gutekereza kubyo ugiye gukora ingaruka zabyo niba uzanabyirengera ugafata ikemezo.mbere yo kumanura ipantalo musose cg nawe nkumi. nahubundi uwiyishe ntaririrwa. sida nindwara wabana nayo ikindi kwiyahura rwose nawe wagize uruhare ndakekako batagufashe kungufu so abandi babone isomo

jeanne Kuya 7-07-2017

Hari hakwiye kujyaho ingamba ku abantu banduza urubyiruko babigambiriye kuko ubu se urwanda rwejo ntirumara kwandura rwose iki gihugu kizayoborwa n’abande mu myaka iri mbere kandi ntimwiyibagize ko icyo ukoze ntawe uwawe acyigirirwa byanze bikunze ijuru riri bugufi

Leon Kuya 6-07-2017

Niyiruhukire abapfakazi bari hanze aha bameze nabi

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...