konka coffee
KONKA

AMAKURU

UKWEZI

Kigali: Uruganda rukora impapuro z’isuku (SUPA) rwibasiwe n’inkongi y’umuriro

Kigali: Uruganda rukora impapuro z’isuku (SUPA) rwibasiwe n’inkongi y’umuriro
22-08-2017 saa 17:12' | By Vincent Nsengiyumva | Yasomwe n'abantu 5006 | Ibitekerezo

Uruganda rukora impapuro z’isuku rwitwa SUPA rukorera mu Karere ka Kicukiro, Umurenge wa Kicukiro rwafashwe n’inkongi y’umuriro igice cyububiko ndetse n’imashini zikora izi mpapuro hamwe n’ibyo bari bamaze gukora byose byahiye. Icyateye iyi nkongi ntabwo kiramenyekana.

Ibice by’uru ruganda byahiye cyane ni ikirimo imashini ndetse n’ububiko bw’uru ruganda aho abakozi barwo bahise batangira gusohora ibikoresho bimwe na bimwe byarimo kugira ngo hatangirika byinshi.

Bamwe mu bakozi b’uru ruganda iyi nkongi yibasiye batangarijre Ukwezi.com ko imodoka ya Polisi ishinzwe kuzimya inkongi yahageze mu masaha ya saa kumi n’iminota mike maze imirimo yo kuyizimya ihita itangira gukorwa.

Umwe mu bakozi b’uru ruganda yagize ati "Mu masaha ya saa Cyenda n’igice twagiye kubona tubona umuriro uturutse mu bubiko bw’ibikoresho biba byamaze gutungana hanyuma duhita dutabaza polisi ari nako natwe dushaka uburyo turengera ibyari bituri hafi."

Binwe mu bikoresho byakongokeye muri uru ruganda harimo papiers hygiéniques, serviette , cotex n’amamashini yifashishwaga mu kubitungana.

Uru ruganda rumaze imyaka 15 rukorera impapuro z’isuku mu Rwanda ubu abakozi barwo bakaba bari kwibaza uburyo bagiye kubaho dore ko uru ruganda rwakongotse bikomeye.

Polisi yahise iza kuzimya ariko isanga hamaze kwangirika byinshi

JPEG - 486 kb
JPEG - 426.8 kb
JPEG - 416.7 kb

Bamwe batangiye kuvuga ko iyi nkongi yatewe n’insinga z’amashanyarazi Umuriro wibasiye igice cy’ububiko bw’uru ruganda harakongoka


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...