konka coffee
KONKA

AMAKURU

UKWEZI

Kigali : Yabyaranye n’umukobwa we anadukira uwo babyaye nawe amutera inda

Kigali : Yabyaranye n’umukobwa we anadukira uwo babyaye nawe amutera inda
18-10-2017 saa 10:33' | By Vincent Nsengiyumva | Yasomwe n'abantu 9150 | Ibitekerezo 7

Umugabo wo mu murenge wa Gatenga, akarere ka Kicukiro mu mujyi wa Kigali yakoze amahano, aho yateye inda umukobwa yibyariye maze babyara umwana w’umukobwa nawe amaze gukura aramwadukira amutera inda ataranuzuza imyaka y’ubukure.

Uyu mugabo utatangajwe amazina mu rwego rw’umutekano w’umuryango we, yatawe muri yombi na polisi ikorera muri aka karere ka Kicukiro nyuma yo kumva amakuru y’uko yakoreye abana be aya mahano yarangiza akanabatererana.

Uyu mukobwa watewe inda na Se bakabyarana umwana, maze uwo babyaye nawe uyu mubyeyi gito akaza kumwadukira nawe akamutera inda, yavuze ko akimara kubyara mu mwaka wa 2000, ngo uyu Se yamufataga nabi cyane maze abona atashobora kuba muri ubwo buzima ahitamo kumuhunga yigira muri Uganda kuhashakira imibereho ndeste n’ibizatunga urwo ruhinja bari bamaze kubyara.

Uyu mukobwa ubwo yari muri Uganda ubuzima bwakomeje kumusharirira maze afata umwanzuro wo kugaruka mu Rwanda asanga umuryango we, dore ko n’umwana we w’umukobwa yari yabyaranye na Se yari amaze gukura kuko ngo yari afite imyaka 16.

Ubwo bageraga mu Rwanda bagiye mu muryango maze uyu mugore asigira umwana we Se akanaba Sekuru icyarimwe ndetse na Mukase maze we ajya kuba mu yindi nzu y’iwabo. Umusaza amaze kubona ko asigiwe umwuzukuru akaba n’umwana we, yaje kumwadukira nawe aramusambanya maze amutera inda.

Ubwo yaganiraga na TV 1 ndetse na Radio One dukesha iyi nkuru, uyu mukobwa watewe inda na Se ndetse akanaba yari Sekuru, yavuze ko ngo yashatse kwangira uyu musaza ko basambana ubwo yabimusabaga maze umusaza amubwira ko atajya gushaka igitsina ahandi kandi yarakibyariye, ni uko nawe aramwadukira.

Yagize ati “Naramubwiye ngo ndashaka ‘cotex’arambwira ngo nta mafaranga afite, bigeze nijoro nka saa moya mbona aje mu cyumba cyanjye arambwira ngo nimuhe. Turabitonganira nanga kumuha, arambwira ngo nta gitsina kinkomokaho kijya gushaka ahandi.”

Umusaza yaje kumusambanya ku gahato maze amutera inda, amaze kubona ko yasamye amubuza kujya agera hanze ndetse anamutera ubwoba ko najya gusura nyina ngo azamugirira nabi.

Uyu mukobwa kandi yanavuze ko ubwo yari atwite ngo uyu musaza (Papa we ndetse akaba na Sekuru) wamuteye inda ntiyigeze agira icyo amumarira kuko ngo iyo yagiraga icyo amusaba yahitaga amwuka inabi akamubwira ko agomba gutegereza igihe azabyarira.

Uyu mukobwa yavuze ko yaje gusanga nyina amutekerereza uko byamugendeye, amuhishurira ko ari Se wamuteye inda, amaze kubyara bahita bajya kumenyesha ubuyobozi iby’ihohoterwa bakorewe na Se ubabyara bombi maze polisi iza kumuta muri yombi hakaba harafashwe amaraso yabo ajyanywa gukorerwa ibizamini bakaba bategereje ibisubizo byabyo.

Umukobwa mukuru w’uyu musaza ari nawe yateye inda bwa mbere, kugeza ubu afite umuryango w’abana batandatu n’umwuzukuru umwe, bakaba batuye mu nzu y’icyumba kimwe n’uruganiriro aho batamerewe neza n’ubuzima babayemo.

Uyu niwe wabyariwe na Se maze uwo babyaye nawe arayimutera


INKURU ZA :
Tanga Igitekerezo
Ibitekerezo 7
Mbateyimboni Kuya 20-10-2017

uwo musaza nahamwa n’icyaha ahanwe.

kaka Kuya 20-10-2017

Aba bose ni indaya kko bavuga aruko babbage ??? Aho batabye ntibaryumaho bagakomezanya nuri ayomahano ???

Mbimburabigwi Aaron Kuya 19-10-2017

Uyu musaza ntakwiye mubasaza birwanda. Nahanwe yarahemutse.

Ngayaberura Kuya 18-10-2017

Uwo ntiyagakwiye umunyarwanda ukwiye uRwanda

-xxxx- Kuya 18-10-2017

nakumiro pe! bamukatire urumukwiye.

Omega Kuya 18-10-2017

Ngo ushaka kugishira ipfa aracyibyarira! ako gasaza ni danger! ni akadayimoni ubwo hari ibyo kabikuriramo.

alfa Kuya 18-10-2017

Uyu musaza ko numva ari Gashyende bavuze? Nibamwigishe ubuzima bwe basigaye. Biragaragara ko hari isomo atigeze amenya

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...