konka coffee
KONKA

AMAKURU

UKWEZI

Kirehe yabaye indiri y’ibiyobyabwenge, ibifite agaciro ka 9.705.000 frw byatwitswe

Kirehe yabaye indiri y’ibiyobyabwenge, ibifite agaciro ka 9.705.000 frw byatwitswe
23-06-2017 saa 11:11' | By Vincent Nsengiyumva | Yasomwe n'abantu 1758 | Ibitekerezo

Akarere ka Kirehe gaherereye mu Burasirazuba bw’u Rwanda ni kamwe mu turere dukunze kugaragaramo ibiyobyabwenge bitandukanye aho ababicuruza ndetse n’ababikoresha badasiba kugaragaza ko babikura mu gihugu cya Tanzana.

Kuri uyu wa Kane tariki ya 22 Kamena 2017 ubwo hizizwaga umunsi mpuzamahanga wahariwe kurwanya ibiyobyabwenge, wabereye mu karere ka Kirehe umurenge wa Gahara akagari ka Rubimba ku rwego rw’igihugu, hamenwe ndetse hanatwikwa bimwe mu biyobyabwenge bifite agaciro k’amafaranga y’u Rwanda akabakaba muri Miliyoni 10.

Mu biyobyabwenge byafashwe bikaba byanatwitswe harimo ibiro 1200 by’urumogi byabarirwaga mu gaciro k’angana na 9.600.000 ndetse na Litiro 17 za Kanyanga zabarirwaga mu gaciro ka 105,000 frw.

Bamwe mu bakoreshaga ibiyobyabwenge babiretse bahawe umwanya wo batanga ubuhamya bw’uko bari baragizwe imbata nabyo, ndetse banaboneraho umwanya wo kugira inama bagenzi babo bakibyijanditsemo.

Maniragaba Etienne wo mu Murenge wa Mushikiri wivugira ko yari yarasabitswe n’ibiyobyabwenge, yatanze ubuhamya bw’uko yari yarabaswe nabyo ariko akaba yarabiretse ubu akaba ameze neza. Maniragaba yanaburiye bagenzi be bakiri mu buyobe ko babireka maze bagafungura amaso bagashaka icyabateza imbere ngo kuko ntakintu na kimwe bageraho bakijanditse mu biyobyabwenge.

Mugenzi we witwa Rutayisire Patrick nawe yunzemo avuga ko umuntu ukoresha ibiyobyabwenge ntacyo yageraho, anavuga ko ari ibyo kwangiza ubuzima ndetse no kwica iterambere ry’ubikoresha.

Umuyobozi w’Akarere ka Kirehe, Muzungu Gerald, yongeye kwibutsa abaturage b’aka karere ububi n’ingaruka z’ibiyobyabwenge anavuga ko hakajijwe ingamba zo kubirwanya no kubikumira aho uzajya abifatirwamo azajya ahanwa by’intangarugero ku buryo n’ababitekereza bagomba gukuramo isomo rikomeye.


Abayobozi mu nzego zitandukanye bitabiriye igikorwa cyo guhashya ibiyobyabwenge mu karere ka Kirehe

Ibiro 1200 by’urumogi byatwitswe


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...