konka coffee
KONKA

AMAKURU

UKWEZI

Nyaruguru: Umugabo yasanzwe amanitse mu giti yapfuye

Nyaruguru: Umugabo yasanzwe amanitse mu giti  yapfuye
25-05-2017 saa 21:04' | By Vincent Nsengiyumva | Yasomwe n'abantu 4639 | Ibitekerezo 2

Umugabo witwa Jean Paul Ndagijimana w’imyaka 25 wo mu Murenge wa Ruramba mu Karere ka Nyaruguru, yasanzwe amanitse n’umugozi mu giti yapfuye, bikaba bigaragara ko ashobora kuba yiyahuye.

Umurambo w’uyu mugabo wabonetse mu gitondo cyo kuri uyu wa Kane tariki ya 24 Gicurasi 2017, ubwo yari amanitse mu giti cy’ipera riri hafi yo mu rugo rwe.

Ndagijimana w’imyaka 25 y’amavuko yari afite umugore ndetse bafitanye umwana umwe, uyu muryango ukaba wari utuye mu Kagari ka Gabiro mu murenge wa Ruramba mu karere ka Nyaruguru.

Urwego rw’Ubugenzacyaha mu karere ka Nyaruguru bwatangarije rwatangarije ikinyamakuru Ukwezi.com ko urupfu rw’uyu mugabo bwarumenye ndetse banavuga ko bikekwa ko yaba yiyahuye.

Yagize ati “Nibyo koko umugabo witwa Jean Paul Ndagijimana wo mu Murenge wa Ruramba muri Nyaruguru yasanzwe mu gitondo cyo kuwa Kane ari mu mugozi mu giti yashizemo umuka, bikekwa ko yaba yiyahuye ariko iperereza riri gukorwa kugirango bisobanuke neza niba ari byo koko.”

Banavuze kandi ko uyu mugabo yazindutse mu gitondo cya kare nk’ugiye mu kazi nk’ibisanzwe hanyuma umugore abyutse abona yimanitse ahita atabaza.

Amakuru aturuka mu gace uyu muryango utuyemo avuga ko nta makimbirane wari usanganwe bityo bikaba byateje urujijo rw’icyaba ari intandaro y’urupfu rw’uyu mugabo.


Tanga Igitekerezo
Ibitekerezo 2
niba Kuya 26-05-2017

niba intambara na Genocide byararangiye ! Ninde wica aba bantu ? Koko c bariyahura ?

singirankabo Theogene Kuya 26-05-2017

uwo n’umuswa turarwanira kubaho we ,akiyahura

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA