konka coffee
KONKA

AMAKURU

UKWEZI

Nyuma y’amezi macye, umubare w’intare zazanywe mu Rwanda wamaze kwikuba kabiri

Nyuma y’amezi macye, umubare w’intare zazanywe mu Rwanda wamaze kwikuba kabiri
1-06-2016 saa 12:42' | By Chief Editor | Yasomwe n'abantu 1497 | Ibitekerezo

Muri Kamena 2015, Parike y’igihugu y’Akagera yakiriye intare zirindwi zavuye muri Afurika y’Epfo, ibyo bituma iyi Parike yongera kugaragaramo izi nyamaswa zitaherukagamo guhera mu myaka irenga 15 ishize kuko izarimo zishwe izindi zigahunga uko abaturage basatiraga iyi Parike. Inkuru nziza ku bukerarugendo bw’u Rwanda, ni uko izo ntare ubu zitakiri 7 zirindwi ahubwo umubare wazo wamaze kwikuba kabiri, ubu zamaze kugera kuri 14

Mu minsi ishize, nibwo imwe muri izi ntare yabatijwe izina rya Shema, yabwaguye ibyana bitatu, ubu bikaba bimaze amezi abiri bivukiye muri Parike y’Akagera, none izindi ntare ebyiri, iyitwa Umwari n’iyitwa Kazi, nazo zamaze kubwagura ibyana bibiri kuri buri imwe, bisobanura ko izo ntare zamaze kuba 14 zose hamwe.

Ibi ni ibyana by’imwe muri izi ntare

Izi ntare u Rwanda rwakiriye zari zirimo ingore eshanu n’ingabo ebyiri, zikaba n’ubundi zari zazanywe hateganywa ko zizabyara izindi zizatuma parike y’Akagera yongera kugira intare nyinshi. Ubu ntiharashira umwaka zije mu Rwanda ariko umubare wazo umaze kwikuba kabiri.

Izi ntare zashyizwe ahitwa Magashi, mu gace gaherereye mu majyaruguru y’uburasirazuba bw’iyi Parike y’Akagera. Aha niho hari amazi, hakaba n’inyamaswa nyinshi izo ntare zikunda kurya, byongeye kandi ni mu gace kitaruye abaturage, kuburyo bizera umutekano wabo cyane ko na parike ubwayo izitiye.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...