konka coffee
KONKA

AMAKURU

UKWEZI

REB Yemereye inguzanyo yo kwiga muri kaminuza abasaga 7000- Reba urutonde

REB Yemereye inguzanyo yo kwiga muri kaminuza abasaga 7000- Reba urutonde
18-09-2017 saa 12:58' | By Akayezu Jean de Dieu | Yasomwe n'abantu 2870 | Ibitekerezo

Kuri iki Cyumweru tariki 17 Nzeri 2017, Ikigo gishinzwe uburezi mu Rwanda (REB) cyahaye inguzanyo yo kwiga muri Kaminuza y’u Rwanda mu mwaka w’amashuli 2017/2018 abanyeshuri bagera ku 7821. Bikaba biteganijwe ko aba bemerewe inguzanyo bahita batangira amasomo mu mashami boherejwemo tariki 9 Ukwakira 2017.

Urutonde rw’abemerewe amafaranga y’inguzanyo atangwa na Leta agamije gufasha abanyeshuli mu myigire yabo’ rugaragaraho abanyeshuri 7821 gusa muri aba hakabamo abanyeshuri 1066 bemerewe inguzanyo ariko bafite ibyangombwa basabwa kubanza gutanga. Mu byangomba bamwe basabwa harimo ikigaragaza icyiciro cy’Ubudehe usaba arimo ndetse n’ibaruwa itangwa na Kaminuza. Hari kandi n’abandi banyeshuri 677 basabye kwiga muri Kaminuza y’u Rwanda ariko batigeze bandika basaba kwaka inguzanyo.

Aba banyeshuri bemerewe guhabwa inguzanyo batoranijwe mu bagera ku11027 bemerewe kwiga muri iyi kaminuza y’u Rwanda gusa mu bari babisabye basagaga ibihumbi 13. Ibyagendeweho mu gutanga inguzanyo nk’uko bigaragara ku rubuga rwa REB, harimo kuba uyisaba yaragize amanota menshi, kuba ibyo agiye kwiga ari ibijyanye n’ubumenyingiro bimuha andi mahirwe no kuba aba mu cyiciro cya mbere cyangwa icya kabiri cy’ubudehe bimwongerera amahirwe.

Mu basaga ibihumbi 13 bari basabye kwiga muri kaminuza y’u Rwanda mwaka w’amashuri 2017/2018, abemerewe kwiga ni 11027 naho abazahabwa inguzanyo ni 7821. Mu mwaka w’amashuri wa 2016/17 hasabye abanyeshuri 24,205 barimo 9,121 bifuzaga kwiga ibijyanye n’ubumenyi n’ikoranabuhanga, hemererwa gusa 17,165, barimo 6 899 bahawe kwiga ubumenyi n’ikoranubuhanga.

Abanyeshuri bashya bemerewe kwiga muri Kaminuza y’u Rwanda bari mu mashami yayo atandukanye nk’uko aherutse kuvugururwa arimo Koleji yigisha amategeko, ubukungu n’imiyoborere, CLEG (College of Law, Economics and Governance);Koleji y’Ubuvuzi n’Ubumenyi mu by’ubuzima, CMHS (College of Medicine and Health Sciences), Koleji yigisha iby’ubumenyi n’ikoranabuhanga, CST (College of Science and Technology), Koleji y’uburezi n’imicungire y’ububiko bw’inyandiko CELS (College of Education and Library Sciences) na Koleji yigisha ubuhinzi, ubumenyi mu buvuzi bw’amatungo n’ibidukikije, CAEVM (College of Agriculture, Environment and Veterinary Medicine).

Kanda hano urebe abemerewe inguzanyo, amabwiriza yagendeweho batoranywa ndetse n’abatemerewe inguzanyo


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
  • Kwezi https://www.tga.gov.au/alert/man-king-capsules, mukareba aho yabuzanyijwe muri Australia. Uzi ubwenge azabiteketezaho.

    ">Nshuti zanjye, byaba byiza mugiye mugira inama abafite ikibazo bose bakajya kwa muganga (...)
  • Loading...
    IZINDI NKURU WASOMA
    Loading...