konka coffee
KONKA

AMAKURU

UKWEZI

Ruhango: Ibintu byahinduye isura nyuma y’urupfu rw’uwo batsinze mu myumbati

Ruhango: Ibintu byahinduye isura nyuma y’urupfu rw’uwo batsinze mu myumbati
7-10-2017 saa 13:21' | By Chief Editor | Yasomwe n'abantu 11813 | Ibitekerezo 4

Nyuma y’uko mu ijoro ryo kuwa Kane tariki 5 rishyira kuwa Gatanu tariki 6 Ukwakira 2017, umusore witwa Kwizera Jean Baptiste yafatiwe mu myumbati y’uwitwa Ntakirutimana Thimothée, agakubwitwa kugeza ashizemo umwuka, ibintu byahinduye isura muri uyu murenge aho abaturage benshi bakwiriye imishwaro batinya gutabwa muri yombi, naho ubuyobozi bwo bukaba bwafashe ingamba bunatangira ubukangurambaga bwo gusaba abaturage ko bazajya bitondera kwihanira.

Ubu bwicanyi bwabereye mu mudugudu wa Kigabiro, mu kagari ka Nyakarekare ko mu murenge wa Mbuye mu karere ka Ruhango mu Ntara y’Amajyepfo, ahagana saa saba z’ijoro, ubwo Kwizera Jean Baptiste yafatwaga yiba imyumbati mu murima wa Ntakirutimana Thimothée, abantu benshi bakamwadukira bakamukubita kugeza ashizemo umwuka.

Nyuma yo kubona ko Kwizera apfuye, abantu benshi bakurikiranyweho ko ari bo bamukubise kugeza apfuye barimo uwayirindaga witwa Nathan, bahise batoroka kugeza n’ubu ntawuzi aho baherereye, mu gihe Polisi ikorera muri aka karere yatangiye iperereza ari nako abo bantu bashakishwa ngo bakorweho iperereza.

Kubera uburyo abaturage benshi bari bahuriye ku gukubita nyakwigendera, abatari bacye bariye karungu basaba ko umuryango we wahabwa ubutabera, ababigizemo uruhare barimo abo batorotse bagashakishwa bakabiryozwa.

Hagati aho ariko, Byiringiro Jean Paul, Umunyamabanga Nshingwabikorwa w’Umurenge wa Mbuye, yatangarije Ikinyamakuru Ukwezi.com ko nyuma y’ibyabaye, ubuyobozi bw’Umurenge bwatangiye ubukangurambaga bwibutsa abaturage ko batagomba kuzajya bihanira ahubwo ko bakwiye kujya bitabaza ubuyobozi bakanagana abunzi n’inkiko igihe hagize ubononera, kuko kwihanira bishobora kubagiraho ingaruka zikomeye.

Byiringiro Jean Paul avuga ko ubuyobozi bwababajwe cyane n’ibyabaye kandi bukaba burimo gukora ibishoboka byose ngo ibintu nk’ibi ntibizongere kubaho, ndetse akavuga ko nk’ubuyobozi barimo gufata mu mugongo umuryango wa nyakwigendera, umurambo we ukaba ugomba gukurwa mu buruhukiro bw’ibitaro bya Kinazi ugahita ushyingurwa.

Ingingo y’151 mu gitabo cy’amategeko ahana ibyaha mu Rwanda, ivuga ko Iyo gukubita cyangwa gukomeretsa umuntu ku bushake byateye urupfu, uwakoze icyaha ahanishwa igifungo kuva ku myaka icumi (10) kugeza ku myaka cumi n’itanu (15). Iyo yakoze urwo rugomo yabigambiriye cyangwa yabanje gutega igico, ahanishwa igifungo cya burundu.

Ntakirutimana Thimothée ni we wibwe inyumbati ariko yari afite umukozi uyirarira ari nawe wafashe nyakwigendera. Aha yari kumwe n’umugore we, ni muri Mutarama uyu mwaka ubwo bari bagabiwe inka 26 icyarimwe

JPEG - 63.6 kb

Aha ni ku biro by’umurenge wa Mbuye, umwe mu mirenge y’akarere ka Ruhango karangwamo cyane igihingwa cy’imyumbati


INKURU ZA :
Tanga Igitekerezo
Ibitekerezo 4
TWAGIRIMANA ARUFOSI Kuya 18-10-2017

GUHANANIBYO,ARIKOSUKWICA!ABAGIZURUHAREMURURWORUPFU,BAZAHANWE!

kiki Kuya 15-10-2017

igica ibisambo nukubyica nanjye ngize icyonsanga mubitoki byanjye nuguhita ngitema ijosi kuko barabimaze nagihita ngikata ijosi nkareba iyo police ahoyamfatira

I AM OK Kuya 9-10-2017

IBISAMBO BAJYE BABIHASHA ,YARI AGIYE MURI IYO MYUMBATI SE YARI IYE?ko we se agiye kuyiba atabanje kubinyuza mubuyobozi?

Uwifashije Hoziana Kuya 7-10-2017

Kwihanira bakenda aho bamwica gs bakabije ubutabera bubakurikirane nabo bahanwe

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
  • Kwezi https://www.tga.gov.au/alert/man-king-capsules, mukareba aho yabuzanyijwe muri Australia. Uzi ubwenge azabiteketezaho.

    ">Nshuti zanjye, byaba byiza mugiye mugira inama abafite ikibazo bose bakajya kwa muganga (...)
  • Loading...
    IZINDI NKURU WASOMA
    Loading...