konka coffee
KONKA

AMAKURU

UKWEZI

Rwamagana: Abaturage bahangayikishijwe n’imvubu zigiye gutuma bataha amara masa

Rwamagana: Abaturage bahangayikishijwe n’imvubu zigiye gutuma bataha amara masa
27-04-2017 saa 21:22' | By Akayezu Jean de Dieu | Yasomwe n'abantu 2794 | Ibitekerezo 3

Abaturage bahinga ku nkengero z’ikiyaga cya Muhazi mu kagari ka Kavumu, umurenge wa Gishari, mu karere ka Rwamagana, baravuga ko bahangayikishijwe bikomeye n’imvubu ziva mu kiyaga zikajya kubonera imyaka bakaba bamaze imyaka 2 batabaza inzego zabarenganura ariko bakabumvira ubusa.

Aba baturage bafite ibikorwa byabo by’ubuhinzi ku nkengero z’iki kiyaga bavuga ko babangamiwe bikomeye n’imvubu ziva muri iki kiyaga zikirara mu myaka yabo bakunze guhinga muri aka gace yiganjemo ibijumba, imyumbati, amasaka n’ibigori.

Mukamazimpaka Celine utuye mu mudugudu w’Uruyenzi hafi y’iki kiyaga yagize ati “Ikibazo cyabaye ni uko izi mvubu zonnye ibijumba zikabiribata, amasaka nayo zayagiyemo ziravunagura mbese ntabwo uyu mwaka tuzasarura ahubwo tuzicwa n’inzara.”

Uwitwa Ndagijimana na we yagize ati “Imvubu zaturutse muri iki kiyaga cya Muhazi ziranyonera, ubutaka bungana na hegitari 500 zose zari zihinzemo ibishyimbo zirabirya zirabimara. Ubu turi mu bihe bibi cyane nta gishyimbo tuzasarura. Mu by’ukuri ubuyobozi bukomeje kwirengagiza ikibazo dufite muri aka gace twazicwa n’inzara.”

Ibi byashimangiwe kandi n’umuyobozi ushinzwe umutekano mu mudugudu w’Uruyenzi mu kagari ka Kavumu, Wanyindo Celestini, aho avuga ko bagerageje kubimenyesha abayobozi b’inzego zibanze ariko ntihagire icyo babikoraho.

Umunyamabanga Nshingwabikorwa w’umurenge wa Gishari, Rushinisha Mark, yabwiye ikinyamakuru Ukwezi.com ko atajya abona izo mvubu, anahamya ko hashize imyaka 20 yose zidakandagira mu murenge ayoboye mu gihe ubuyobozi bw’imidugudu bwiyemereye ko izo mvubu zihari kandi zonera abaturage mu buryo bukabije.

Ku ruhande rw’ubuyobozi bw’akarere ka Rwamagana, bwo buhamya ko butari buzi neza iki kibazo, bakaba bizeza aba baturage ko bagiye kugihagurukira bakarengera imyaka ikiri mu mirima.

Umuyobozi w’Akarere wungirije Ushinzwe iterambere ry’Ubukungu mu karere ka Rrwamagana, Mudaheranwa Regis, ku murongo wa Telefone yahamirije ikinyamakuru Ukwezi.com ko bagiye gukurikirana iki kibazo kigakemurwa mu maguru mashya ku bufatanye n’inzego z’umutekano ndetse n’abaturage ubwabo.

Si ubwa mbere ikibazo cy’imvubu zonera abaturage kivugwa muri uyu Murenge wa Gishari ndetse no mu tundi duce dukora ku kiyaga cya Muhazi kuko n’umwaka ushize humvikanye abaturage bagaragaza iki kibazo.


INKURU ZA :
Tanga Igitekerezo
Ibitekerezo 3
Babu Kuya 29-04-2017

Na duke bafite imvubu zirotwana Leta ikarebera kweli
??

Babu Kuya 29-04-2017

Na duke bafite imvubu zirotwana Leta ikarebera kweli
??

John Kuya 28-04-2017

Ngo Ha 500!! aha menya wibeshye kbs

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...