konka coffee
KONKA

AMAKURU

UKWEZI

Ubuzunguzayi bugiye kuba amateka i Kigali, Polisi n’igisirikari bigiye kwifashishwa

Ubuzunguzayi bugiye kuba amateka i Kigali, Polisi n’igisirikari bigiye kwifashishwa
23-08-2017 saa 15:03' | By Vincent Nsengiyumva | Yasomwe n'abantu 6591 | Ibitekerezo 8

Ubuyobozi bw’Umujyi wa Kigali bwatangaje ko bugiye kwifashisha ingabo na polisi mu guca burundu akajagari gaterwa n’ubucuruzi bwo mu muhanda buzwi ku izina ry’ubuzunguzayi muri uyu mujyi, ngo kuko DASSO zari zibishinzwe bigaragara ko byazinaniye.

Ibi byagarutsweho n’umuyobozi w’umujyi wa Kigali,Pascal Nyamurinda,kuri uyu wa Gatatu tariki ya 23 Kanama 2017 mu kiganiro yagiranye n’abanyamakuru.

Pascal Nyamurinda, yavuze ko atari abacuruza mu kavuyo gusa iki cyemezo kireba kuko ngo n’abasabiriza ndetse n’abubaka mu kajagari bose bagiye gukurikiranwa mu buryo budasanzwe.

Yagize ati "[...] Twashyizeho amabwiriza yari agamije guca ubuzunguzayi ariko ntibyigeze bicika kandi abantu bakwiye kubahiriza amategeko. Ntabwo ari ibanga niba Dasso zitarabikemuye, dufite polisi ndetse n’ igisirikare kandi inzego zose z’umutekano zirafatanya."

Yunzemo ati “Ibi ntibyakwihanganirwa kuko byatuma umugi utagira isuku ndetse n’ akajagari mu gihe intego z’Umugi wa Kigali ari uko uba umugi uri smart [ukeye].Itegeko rigiye kubahirizwa uko riri, abagurira abazunguzayi n’abazunguzayi ubwabo bahanwe by’intangarugero.”

Kugira ngo kandi izi ngamba zishyirwe mu bikorwa, ngo abahawe izi nshingano zo guca akajagari mu mujyi wa Kigali bazahabwa ubushobozi butandukanye bwo kubafasha mu kubahiriza itegeko, harimo imodoka n’ibindi bitandukanye.

Umujyi wa Kigali utangaje ibi nyuma y’iminsi mike muri gare ya Nyabugogo habaye imvuruzu zatejwe na ba DASSO barwanaga n’umwe mu bazunguzayi ucururiza muri aka gace, ibintu byamaganiwe kure n’abatari bake n’ubwo akarere ka Nyarugenge
kagaragaje ko nta gikuba cyacitse.


INKURU ZA :
Tanga Igitekerezo
Ibitekerezo 8
Faustin Kuya 4-09-2017

Erega iyo wirukankanye umugabo cyane umumara ubwoba nimubarasa muzayobora bande?

hemedi Kuya 24-08-2017

Muzabanzeubaze abakuru mutazakungura

ngirinka Kuya 24-08-2017

Ndumva gukoresha intwaro atariwo muti CG ingufu z’umurengera nta ntambara ihari bisaba gushishoza kuvuga ngo dasso ntarwaro ifite abandise bo bazaba baje kurasa nukwitonda.

x Kuya 24-08-2017

Reka mbarangire Umuti (short term) w’ikibazo cy’abazunguzayi; 1. Nubwo bakeneye kubaho, 2. Umujyi nawo ukaba ugomba kurangwa n’isuku..., UMUTI NUKO BABUZWA GUCURURIZA KURI KABURIMBO!
Ibi byatuma bajya mu nkungero z’umugi bakabona aho binyagamburira hemewe, bagashakisha ubuzima! Ubwo bivuze ko uko Kaburimbo igenda ishyirwa aho bari, nabo bakigira hirya, gutyo gutyo!
Hanyuma mu buryo burambye (long term), uwafata ibigo bishamikiye kuri za Ministeri akabijyana hirya no hino mu ntara, byatuma abanyamishahara bajya kubayo, amafranga yabo, abanyacyaro (future bazunguzayi) bakayaryaho nabo mu guhahirana.

Natacha Kuya 24-08-2017

Police nize kabisa. Nabonye ukuntu abaturage bakubita Dasso umujinya uranyica. Abanyarwanda bari batangiye kwigira indakoreka nka Uganda. Bishoboka bite se umuturage akubita umuntu ushinzwe umutekano kandi yambaye uniform. Jye rwose nubwo nanjye ngurira abazunguzayi ariko ibyo bakoze bit eye ishozi.

flaaa Kuya 23-08-2017

ubu kko niko gukemura ikibazo aho kwicwa ninzara nakwicwa ni sasu mbega umujyi weee

akaftysvn Kuya 23-08-2017

Sha ntibizacika kuko aho kubirukaho nimwiruke kukibirukamo murakoze

HITIMANA THIERRY Kuya 23-08-2017

impamvu aba Dasso babasuzugura akenshi abaturage bavuga ko aba Dasso nta ntwaro bafite ikindi hari abaturage bigize ibihazi ugasanga rero aba Dasso ntabwo babongerera agaciro ikindi nuko abayobozi bagakwiye kongerera ubushobo zi Dasso kugirango abaturage babone ko byahindutse kuko akenshi babambuye agaciro aho bavugako ari local defence nta bikoresho ntcyo babatwara ugasnga rero ntabwo byoroshye gucaakajagari
murakoze

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...