konka coffee
KONKA

AMAKURU

UKWEZI

Uwubakishaga umuhanda Butaro-Base -Kidaho yatawe muri yombi ashinjwa kurigisa akayabo k’amafaranga

Uwubakishaga umuhanda Butaro-Base -Kidaho yatawe muri yombi ashinjwa kurigisa akayabo k’amafaranga
11-09-2017 saa 09:36' | By Akayezu Jean de Dieu | Yasomwe n'abantu 6031 | Ibitekerezo 2

Polisi y’u Rwanda yataye muri yombi Niyonsaba Thaddée, wari umukozi wa Kompanyi ya NPD ashinzwe kubakisha (Enjeniyeri) umuhanda uhuza Butaro- Base na Kidaho akekwaho konona umutungo w’iyi Kompanyi ugizwe w’ibiti byatemwe mu nkengero zawo n’amabuye yawucukuwemo akabigurisha; hanyuma amafaranga abivuyemo akayakoresha mu nyungu ze.

Aya makuru y’itabwa muri yombi rya Thadee yemejwe na Polisi y’u Rwanda ikorera mu Ntara y’Amajyaruguru, ikaba yahamije ko iperereza ry’ibanze rigaragaza ko yagurishije amabuye yuzuye amakamyo 30 n’ibiti byuzuye FUSO eshatu bingana n’amasiteri 50.Kuri ubu uyu Niyonsaba afungiwe kuri Sitasiyo ya Polisi ya Rusarabuye, mu karere ka Burera mu gihe iperereza rikomeje.

Umuvugizi wa Polisi muri iyi Ntara IP Innocent Gasasira yagize ati," Ba nyiri ibyo biti n’amabuye bahawe ingurane yabyo. Ni ukuvuga ko byari umutungo wa NPD; bityo icyo byari gukoreshwa byari kugenwa n’iki Kigo. Kubigurisha atabiherewe uburenganzira ni icyaha."

IP Innocent Gasasira yakomeje avuga ko Niyonsaba akurikiranyweho kandi gushyira uwitwa Ndayisaba ku rutonde rw’abakozi ba nyakabyizi bakora kuri uwo muhanda igihe cyo guhemba cyagera akamusinyira, akanafata umushahara we kandi atarigeze akora n’umunsi n’umwe.

Uyu mugabo Niyonsaba yafashwe amaze guhembwa ibihumbi 34 by’amafaranga y’u Rwanda byitwa ko ari umushahara w’ukwezi w’uwo mukozi wa baringa (Ndayisaba) yashyize ku rutonde rw’abakora mu muhanda.

Niyonsaba aramutse ahamwe n’ibyaha ashinjwa azahanishwa igifungo kuva ku mwaka umwe (1) kugeza ku myaka ibiri (2) n’ihazabu y’amafaranga y’u Rwanda kuva kuri miliyoni imwe (1.000.000) kugeza kuri miliyoni eshanu (5.000.000) cyangwa kimwe gusa muri ibyo bihano nk’uko biteganywa n’ingingo ya 344 yo mu gitabo cy’amategeko ahana ibyaha mu Rwanda.


INKURU ZA :
Tanga Igitekerezo
Ibitekerezo 2
Habimana Kuya 13-09-2017

Yego nabambwe ni imbwa. Azize ko yariye make. Ibitekerezo n’amabuye??????apuuu azaheremo. Abarya ibigaragara ntacyo baba.

GATO Kuya 11-09-2017

UWO AZIZE IBITI NAMABUYE

MUSONI UREBERA IBIKORWA REMEZO BIPFA ABISHINZWE YAKOZWEHO IKI? IMIHANDA BARUBAKA UTUYIRA, AMAZI YARABUZE HAFI UMUGI WOSE ABONEKA RIMWE MUKWEZI

HAAAAAAAAAA

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...