konka coffee
KONKA

AMAKURU

UKWEZI

ADEPR iri mu mazi abira kubera umwenda wa banki, abayoboke bo bararira ayo kwarika

ADEPR iri mu mazi abira kubera umwenda wa banki, abayoboke bo bararira ayo kwarika
25-04-2017 saa 16:02' | By Chief Editor | Yasomwe n'abantu 22486 | Ibitekerezo 25

Itorero rya ADEPR muri ibi bihe ntiryorohewe n’umwenda ba banki y’iterambere mu Rwanda, BRD, nyuma y’uko abayoboke b’iri torero bakeneshejwe no kwishyura uwo mwenda bakagera aho batabasha kwishyura amafaranga y’imisanzu yasigaye bari barategetswe n’itorero, ndetse bamwe muri bo bakaba bakibaswe n’imyenda ya banki bafashe ku giti cyabo kugirango babashe kubona imisanzu y’itorero yo kubaka Hoteli ya Dove iherereye ku Gisozi mu mujyi wa Kigali.

Amakuru yizewe Ikinyamakuru Ukwezi.com gikesha umwe mu bakozi b’itorero rya ADEPR utashatse ko amazina ye atangazwa, ashimangira ko iri torero ritorohewe n’umwenda wa banki ryafashe muri BRD, kuburyo iyi banki iherutse kwandikira ADEPR ibasaba kwishyura ibirarane inabamenyesha ko hari ibihano by’ubukererwe bamaze gufatirwa kandi ibasaba kwishyura n’undi mwenda neza. Ikindi avuga ni uko ubuyobozi bwa ADEPR bwakoze inama, bugaragaraza ko bubangamiwe cyane n’ikibazo cy’ubukene, kuburyo n’amafaranga yari agenewe gushinga televiziyo yabuze burundu, ayari yabonetse agakoreshwa mu kwishyura imyenda ya banki ariko akaba iyanga.

Nk’uko yabisobanuye kandi akabigaragaza akoresheje inyandiko zitandukanye zirimo n’ibaruwa BRD yandikiye ADEPR tariki 19 Mata 2017 ndetse Ikinyamakuru Ukwezi.com tukaba twabashije kuyibonera Kopi, ubu iri torero risabwa kwishyura ibirarare rikanagirwa inama yo kwitegura kwishyura umwenda w’ukundi kwezi bitarabakomerana.

Uyu mukozi agira ati: "Inguzanyo bayihawe mu byiciro bibiri. Muri 2014 bahawe miliyari 2 na miliyoni 150, hanyuma muri 2015 BRD yongera guha ADEPR icyiciro cya kabiri cy’inguzanyo. Noneho inguzanyo yose igera kuri miliyari 3,309,474,000 z’amafaranga y’u Rwanda. Mu mwaka wa 2017, ideni risigaye kwishyurwa ni 2,255,453,960 Fwf, hanyuma ikirarane cy’ ukwezi kwa gatatu kwa 2017 ni 35,255,017 Frw. Kugeza mu kwa kane hagiyeho inyungu, ni ukuvuga ko ikirarane kigeze kuri 39,757,050. Inguzanyo ya BRD igomba kuzarangira kwishyurwa muri 2025."

Uyu mukozi wa ADEPR kandi agaragaza ko kuri konti ya ADEPR yo muri Banki ya Kigali (BK) igenewe gukusanyirizwaho imisanzu yo kwishyura iyi nguzanyo ya BRD, hari amafaranga menshi abaturage batanze ariko kugeza ubu asigaye kuri iyo konti akaba atagera no ku bwishyu bw’ukwezi kumwe, bitewe n’uko abayoboke ba ADEPR bamwe barambiwe guhora bakwa aya mafaranga abandi bakaba baragiye mu bukene budashira kubera iyo misanzu.

Aha agira ati: "Ibiri kuri konti yo gukusanyirizaho imisanzu yo muri BK bigaragaza ko amafaranga yakusanyijwe yagombaga kwishyura umwenda, ayavuye mu bakirisitu ni 3,563,364,994 kugeza mu kwezi k’Ukuboza 2016. Amafaranga yakuwe kuri iyo konti angana na 3,558,465,324 kugeza mu kwezi k’Ukuboza 2016, naho kugeza tariki 31/03/2017 kuri yi konti hari hasigayeho 4,935,230 kandi ayo ntanashyitse ubwishyu bw’ukwezi kumwe."

Bishop Tom Rwagasana; umuvugizi wungirije wa ADEPR, yatangarije ikinyamakuru Ukwezi.com ko n’ubwo habayemo ibirarane, imyaka bagomba kumara bishyura banki nk’uko babyumvikanye mu masezerano igihari. Avuga kandi ko batabuze ibyo bishyura n’ubwo adasobanura neza impamvu yatumye bagira ibirarane kandi batarabuze ubwishyu.

Iyi nyubako yatwaye asaga Miliyari eshanu nk’uko ubuyobozi bwa ADEPR bubitangaza, ifite Hoteli yiswe “Dove Hotel” y’ibyumba 72 byo kuraramo, birimo 12 by’abanyacyubahiro cyane (VIP). Bamwe mu bayubatse ubu baracyarira ayo kwarika bavuga ko batishyuwe, mu gihe aka kayabo kavuye mu misanzu y’abaturage nako kashegeshe benshi, ndetse hari n’abo iyi misanzu yatumye banga iri torero burundu barivamo, abandi bajya mu bibazo by’uruhuri birimo n’imyenda ya banki.

Urugero ni aho umuvugabutumwa (Evangeliste) Nsengimana Juvenal wo mu itorero rya ADEPR muri Paruwase ya Muyange mu karere ka Nyagatare, ndetse n’umugore we w’umudiyakoni muri iri torero, muri Gashyantare bari mu mazi abira ndetse bendaga guterezwa cyamunara bitewe n’umwenda batse kugirango habashe kuboneka umusanzu wo kubaka hoteli Dove yo ku Gisozi, uwo musanzu ukaba ari uwo ubuyobozi bwa ADEPR bwari bwaragennye ko abayoboke bo hirya hino mu gihugu bazatanga kugirango inyubako yuzure. Uyu yaje kwishyurwa bigoranye, ndetse bibanje no gusakuza, kuko yitabaje ubuyobozi bukuru bw’itorero akabwandikira abugaragariza ko umuryango we uri mu kaga gakomeye.

Mu ibaruwa Nsengimana Juvenal yabanje kwandikira umushumba wa Paruwasi ya Muyange tariki 15 Mutarama 2017, atakamba ngo bamutabare, yagaragazaga mu by’ukuri uko ikibazo giteye ndetse n’icyo yifuza ko bamufasha. Muri iyi baruwa n’umugore we yasinyeho, yagiraga ati: "Nk’uko biri mu mpamvu y’ibaruwa, tubandikiye dusaba itorero kudutabara kubera ikibazo dufite kidukomereye cyane. Ni ikibazo gifitanye isano n’umusanzu wa Gisozi (Dove Hotel), mu gihe watangwaga twafatiye umudugudu wa Rukiri umwenda ungana n’amafaranga ibihumbi magana acyenda (900.000 frw) yunguka 5%, twayafashe mu ishyirahamwe ABISHYIZEHAMWE.

Mu bwumvikane bwacu n’umufasha wanjye, twatanze ingwate; iyo ngwate ikaba ari inzu n’isambu, twishyizeho n’izo nyungu. Twatekerezaga ko ari igikorwa kitazarenza amezi atatu tukishyura inyungu nkeya zishoboka, none inyungu zimaze kugera ku mafaranga 648,656 frw bitewe no kutishyura neza, bikaba rero birenze ubushobozi bwacu. Akaba ari yo mpamvu tubandikiye nk’uko tutahwemye kubibabwira, kandi ntagikozwe bagurisha umutungo wari ugize umuryango, bityo njyewe n’umuryango wanjye tukajya mu kaga gakomeye. Twizeye ko mwasubiza amaso inyuma mukibuka umurava, ishyaka n’ubutwari twerekanye tugaragaza ko dukunze inzu y’Imana no guhesha ishema itorero ryacu n’ubuyobozi bwaryo, mukadukorera ubutabazi umutungo wacu utazatezwa cyamunara. Tubibutse ko iyo nguzanyo twayifashe tariki 14/05/2016. Dusoje tubashimira."

Si aba gusa kuko hari benshi barira ayo kwarika bitewe n’uko bazahajwe n’iyo misanzu ndetse byanatumye iri torero ricikamo ibice, bamwe mu bayoboke banzura kurivamo, cyane ko buri muturage yasabwaga kwishyura amafaranga menshi hatitawe ku bushobozi afite. Dufashe urugero, umudugudu wa Nyarugenge mu mujyi wa Kigali, wari waciwe miliyoni 62 z’amafaranga y’u Rwanda, kugirango aya mafaranga aboneke buri mukirisito yaba ukize yaba ukennye akaba yarasabwe akayabo, ndetse hari na bacye banze kuyatanga bibagiraho ingaruka mu itorero, barabagaya abandi bamburwa inshingano.


INKURU ZA :
Tanga Igitekerezo
Ibitekerezo 25
Uwizera Hosiana Kuya 3-05-2017

Imishinga myinshi igira imbogamizi ariko ubwo dove yuzuye ikorerwamo haracyarigihe bazishyura.

John Kuya 2-05-2017

ni urukoza soni idini rijya kwishyiraho imyenda ingana kuriya Kubera iki. koko yari ikeneye kubaka amahoteri ahenze kuriya igikorwa kitanajyanye n’ishingano zo kwigisha Imana. Biriya ni ubusambo n’irari...gukenesha abayoboke si byiza...niba kandi nabo bemeye gukamwa nk ’ingweba nibakomeze bakize ba bishop n’aba pasteuri batagaguza za miliyari...kandi ntacyo ni ukurya miliyari utavunikiye

Salomon Kuya 1-05-2017

Hakwiye ubugenzuzi bwimbitse muri ADEPR kdi nziko nayo igengwa na Leta kandi abayoboke ba ADEPR ni abaturage b’igihugu bakwiye kwitabwaho bagasobanurirwa imikoreshereze ya Frw baba batanze doreko yagombye kubakura mu bukene

Saja Kuya 30-04-2017

Abakozi v’Imana ba nyabo bahihobikanira gushaka aho abayoboke bazasengera niba barashyize abantu ho umutwaro ngi bubake inzu z’ubusambanyi bagomba kwitegura ingaruka zizabivamo. Imana yaravuze ngo ibyo byose murakomeza mukabyigaraguramo mukagira ngo mpwanyije namwe ubwenge ariko mba mbareba. Ntibikabe kumva itorero ry Imana kubaka inzu zikorerwamo amabo kandi insengero zidahagije kwisi . Baratandukiriye niyo mpamvu Imana itazakomeza kwihangana izabateza ibyago ibyo bakekaga ko bizabungukira bizabavira umuvumo uzabakurikirana nurubyaro rwabo . INama: Nibagabanye ibikorwa by ubucuruzi bongere ibikorwa byo gufasha no kugeza ubutumwa bwiza henshi hashoboka ubundi bareke ibyaha.

Tumaini Mathieu Kuya 29-04-2017

Twese tuzi neza ko
twarangije kwishyura ahubwo turi gutangira ibindi.

Twayigize Joseph Kuya 27-04-2017

Nibyiza yuko dukorera Imana. Ariko nanone dukore uko imbaraga zacu zingana. Kuki umuntu yarinda kujya mumyenda atazishyura. Ese ubwo yatabaraga iki yabonaga kigiye gupfa? Nimubura ubwenge Imana izabareka kandi mumenye yuko KU Mana ikijya mbere si amafaranga ahubwo ni ugukora ibyo Imana ishaka apana ibyo abayobozi bashaka. Niba mwarakoreraga Imana murimo kwishyuza ibiki? Niba mwarashakaga gushimwa yuko mwarangije mbere ngirango barabashimye ibisigaye mwihangane.

alphonse Kuya 27-04-2017

abantu ntibakemera kuyoborwa nimana ahubwo bariyobora,ndumva kubaka umurimo wimana bitakagombye gusenya imiryango bitabaye ibyo itorero rizasenyuka kd imana ibibabaze

Bwanakweri Kuya 27-04-2017

uretseko twunguts’abashumba ba rwiyemezamirimo(nib’ar’impano y’IMANA simbizi)bakaba bashishikajwe n’amafranga(itera mbere)kurush’ubugingo bw’intama,ariko n’ababanga barahari kuko nk’ibi byo kubava imuzi nabyo s’umuco w’umugenzi ujya mw’ijuru,kuko harimo system yo kubasenya nabyo s’ubukristo;kuri jye mwese nta mwiza,ari rwiyemezamirimo utitaye kuby’umwuka(kuko amagambo bigisha bihenura s’Imana iba yabatumye)ari n’ababanga byose kimwe

Rugabirema Kizigenza Kuya 27-04-2017

Ngaho Tom na Jean batubwire neza kandi baziko ibyo bavuga Imana ibyandika batubwire aho ziriya miliyari 3.5 bazishyize niba ubwo bivugisha ko ADEPR ntakibazo ifite cyo kwishyura umwenda ko amafrw ahari maze batubwire ukuntu idini ryarinda kujya mu kirarane barebera. Ariko Imana yaremye ijuru n’isi yihangana nta kindi iduciye uretse kugirango abantu bihane ariko nibatihana bagakomeza kugendera ku kinyoma, uburiganya, ubusahuzi, ubugambanyi, icyenewabo, ruswa n’ibindi byishe abantu muri iki gihe Tom na Jean ntibazibwire ko Imana izakomeza kurebera. Mana yaremye ijuru n’isi dukubise hasi imyuka yose y’ubujura irwanyije itorero/idini, dufashe mpiri ibyishyize hejuru byose bitagonda ijoshi, ibyigometse byose tubihambiriye ikuzimu mu kidaturwa, turatesheje umwuka w’ubujura ubwo aribwo bwose. Turasenya indiri za satani mu idini/itorero tuzimanuye ikuzimu mu izina rya Yesu Kristo w’i Nazareth. Tumesheje imyuka mibi yose irwanya ukuri ku Imana ikimika ikinyoma mu itorero ryayo. Dushwanyuje ibizira byose byinjiiye mu idini/itorero byose birimburwe mu itorero/idini ry’Imana mu izina rya Yesu Kristo w’i Nazareth.

vestine Kuya 27-04-2017

Imana iri mugihugu cyo mu Ijuru ntiyakwemerako abayikorera bakorwa nisoni,ibarwanirire pe niba batarubatse iyo dove bihimbaza ,

vestine Kuya 27-04-2017

Imana iri mugihugu cyo mu Ijuru ntiyakwemerako abayikorera bakorwa nisoni,ibarwanirire pe niba batarubatse iyo dove bihimbaza

mukundente addy Kuya 26-04-2017

NONE BURIYA ZIRIYA MILIYARI BAZIROTIYE NTIZISHYURA ZIJYAHE? NULURI ABAKIRISITU BENSHI BO BARAHANGAYITSE PEEE! TEKEREZA KO YESU ARAJE ASANGA IMITIMA YABIZERA BE ITARI HAMWE KUBERA UMWENDA WINZU IDAFITE ICYO IBUNGURA MUBYUBUGINGO.! GUSA NUBWO ARI AMAJYAMBERE ARIKO NAMAJYAMBER ANGWINGIZA ABAKIRISITU GUSA BIRABABAJE KANDI BITEYE AGAHINDA!

felicien Kuya 26-04-2017

reka byose tubiharire i MANA kuko niyo ishobora byose
niyo hotel yagenda ntakizatubuza kuba aboturibo nambere yuko yubakwa twarasengaga kandi ADEPR ntago ari izina rya bussines

thierry Kuya 26-04-2017

ikibazo kiri mu bayobozi hagati yabo , nkiriya baruwa iri confidential iba yageze mu itangazamakuru gute , ko BRD ita copia media , mwe ubwanyu mwifitemo umwanzi kdi ntacyo byageraho , nibagiwe umugani bavuga ngo arimo ,,,, ntavura

Nzobonariba Kuya 26-04-2017

Idini rifata imyenda? Mwigeze mwumva Yezu afata umwenda cg Yohani cg Petero?

Ernest dukuze Kuya 26-04-2017

mbega abakristo!!!???

Sheja Clovis Kuya 26-04-2017

Nta birimo Rwagasana byareka guhomba no guteza ibibazo by’imyenda n’ubwambuzi. Muramwibagiwe igihe yari rwiyemezamirimo se ukuntu yayogoje abantu n’ibintu?

Sheja Clovis Kuya 26-04-2017

Nta birimo Rwagasana byareka guhomba no guteza ibibazo by’imyenda n’ubwambuzi. Muramwibagiwe igihe yari rwiyemezamirimo se ukuntu yayogoje abantu n’ibintu?

haha Kuya 26-04-2017

Ariko Mana isumbabyose nabose!!! Wadufashije koko ko ntacyakunaniye ukagarura isura yumurimo nyawo, ariko benedata reka mbabaze munsubize (twatumwe kubaka imiturirwa mwisi cg twatumwe guhindurira benshi kubukiranutsi no gufasha abakene, abarushye, abaremerewe..??? ) muzirikane ko ibyo byose mwubaka kumunsi w’Uwiteka ntabuye rizasigara rigeretse kurindi.aheza ni mu ijuru kubazagerayo. Mugire amahoro y’Imana.

pastor ben Kuya 26-04-2017

Ese koko buriya dove hotel ifite agaciro ka ziriya miliyari zose. Bariya bahungu barayamize, babakande bayaruke bayishyure banki. Bigora abakristo batazi iyo biba niyo bijya.

mutamba Kuya 26-04-2017

ADEPR we?????????!!!kristo uzaze usobanure ibidasobanutse

gasombe mamesa Kuya 25-04-2017

nzaba mbarirwa mbanda nyiramasombe mwene mamesa

DIACONE SILAS Kuya 25-04-2017

RWOSE BIRABABAJE NYAGATARE ESE HOTEL NIGURISHWA BAZATUBWIRIKI?KO EPA ARIKWIMIKA ABASHUMBA NGO BAQANGIJE GISOZI MBERE NONE BAZISHURA UYUMWENDA?NZAHURA TORERO NIHABWE UBUYOBOZI VUBA AMAZI ATARARENGA INKOMBE

ndoramaherezo Kuya 25-04-2017

Tomuweeeeee
Koitorero muririye koko Imana muzayisobanurira iki koko?

JP Kuya 25-04-2017

MANA WE TABARA UBWOKO BWAWE BWATANDUKIYE INZIRA! IVUGABUTUMWA SI UBUCURUZI NO KURYA

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...