konka coffee
KONKA

AMAKURU

UKWEZI

Abantu twese ntitwaremwe n’Imana, ntibakababeshye ngo mubyemere - Pasiteri Ezra Mpyisi

Abantu twese ntitwaremwe n’Imana, ntibakababeshye ngo mubyemere - Pasiteri Ezra Mpyisi
14-06-2017 saa 11:33' | By Chief Editor | Yasomwe n'abantu 20403 | Ibitekerezo 20

Pasiteri Ezra Mpyisi, umukambwe wamamaye cyane mu ivugabutumwa mu itorero ry’Abadivantisiti b’umunsi wa karindwi mu Rwanda, ndetse akaba amaze imyaka ikabakaba 70 avuga ubutumwa, avuga ko abantu bataremwe n’Imana nk’uko henshi babivuga, ahubwo ngo umuntu umwe gusa niwe waremwe n’Imana.

Ibi Pasiteri Ezra Mpyisi w’imyaka 95 y’amavuko, yabitangaje mu kiganiro cyihariye yagiranye n’ikinyamakuru Ukwezi.com. Yavuze ko abavugabutumwa benshi bagenda babeshya abantu ko baremwe n’Imana, nyamara ntibabasobanurire itandukaniro ry’umuntu umwe Imana yaremye n’abandi bamukomotseho.

Pasiteri Ezra Mpyisi avuga ko abavugabutumwa badakwiye kuzajya babeshya abayoboke babo ngo nabo babyemere, batabanje no gushishoza cyangwa ngo basabe ibisobanuro birambuye. Avuga ko umuntu umwe Imana yaremye ari Adamu, hanyuma ikaba yaramukuyemo umugore bivuga ko n’uwo mugore yavuye ku muntu umwe waremwe, hanyuma y’ibyo abo bombi bakaba baragiye babyara bakororoka, bityo abatuye isi bakaba barabyawe aho kuvuga ko baremwe n’Imana.

Pasiteri Ezra Mpyisi ati: "Haremwe abamalayika haremwa na Adamu, hanyuma Eva aturuka muri Adamu, Imana imumukuramo mu rubavu, irababwira iti mwororoke, ibwira Adamu na Eva. Ni uko babyara Kayini na Abeli, biba uruhererekane abantu bakagenda babyara. Urumva rero twebwe turavuka, dukomoka ku Mana ariko Imana ntiyongera kubumbabumba ishusho ngo iyihumekeremo [nk’uko yabikoze irema Adamu], turavuka mu buryo bw’Imana butangaje, ariko ntituremwa nk’uko Adamu yaremwe."

Pasiteri Ezra Mpyisi, ashimangira ko abantu twese tudakwiye kwitwa ibiremwa by’Imana ahubwo ko dukomoka ku muntu yaremye ari nawe ukwiye kwitwa ikiremwa cy’Imana. Yagize ati: "Uvuze ko turi ibiremwa by’Imana waba ukosheje, ikiremwa cy’Imana ni Adamu naho twebwe turi abana b’uwo yaremye. Icyo gihe uba ujijishije, ntuba utandukanyije uwaremwe n’uwavutse. Imana ntibyara, irarema, yaremye Adamu ari we kiremwa cy’Imana natwe tubyarwa na Adamu. Dufitanye isano n’Imana ariko twaravutse."

Ezra Mpyisi avuga ko abavugabutumwa benshi bigisha bajijisha abantu batabasobanurira uko byagenze n’uburyo bwakozwemo, akavuga ko babeshya abantu kuko batuma bafata ibintu uko bitari aho kubasobanurira ngo bamenye kubitandukanya neza.

SOMA INKURU BIJYANYE HANO:


INKURU ZA :
Tanga Igitekerezo
Ibitekerezo 20
Pasteur NYANDWI MUGISHA Cassien Kuya 26-07-2017

KAndi yaremye amahanga yose y’abantu bakomoka ku muntu umwe ibakwiza mu isi yose Ibyakozwe n’intumwa 17:26

Pasteur NYANDWI MUGISHA Cassien Kuya 26-07-2017

KAndi yaremye amahanga yose y’abantu bakomoka ku muntu umwe ibakwiza mu isi yose Ibyakozwe n’intumwa 17:26

fifi Kuya 22-06-2017

Irema ryabayeho rimwe gusa, ubundi imana iha abantu n’ibindi yaremye kororoka bikoresheje imbuto yashyize muri bo/byo. Abantu nubu ntibarasobanukirwa kabiza. Uyu musaza afite ukuri 100% ninacyo ijambo ry’Imana rigaragaza. Jyewe nshaka kuzaganira nuyu musaza kabisa gusa sinzi uko namubona

J.B Kuya 18-06-2017

Ariko ndumiwe koko! Kurema se bisobanura kubumbwa mu butaka gusa? Imana irema Adamu yakorsheje kumubumba mu butaka ariko ijambo kurema ntirisobanura kubumba mu butaka! Kuba twese tutarabumbwe ntibisobanura ko tutaremwe! Musome muri Zaburi 139:13 Kuko ari Wowe waremye ingingo zanjye, wanteranirije mu nda ya mama. 14a Ndagushimira yuko naremwe mu buryo buteye ubwoba butangaza.
Iki cyanditswe gisubije byose! Dawidi ntiyavuze ngo ndagushimira kuko nabyawe oya yavuze kuko yaremwe! Kandi tuzi neza ko ibyanditswe byose byavuye ku Mana. Imana yaraturemye twese, ntiyakoresheje uburyo bumwe nubwo yaremyemo Adamu ariko ibyo ntibikuyeho ko yaturemye! Abefeso 2:10 Kuko turi abo yaremye ituremeye imirimo myiza muri Kristo Yesu, iyo Imana yiteguriye kera kugira ngo tuzayigenderemo. Mwa bantu mwe, twese twaremwe n’Imana ahubwo duharanire kumenya iyo mirimo myiza yaturemeye kugirango tuyigenderemo.

J.B Kuya 18-06-2017

Ariko ndumiwe koko! Kurema se bisobanura kubumbwa mu butaka gusa? Imana irema Adamu yakorsheje kumubumba mu butaka ariko ijambo kurema ntirisobanura kubumba mu butaka! Kuba twese tutarabumbwe ntibisobanura ko tutaremwe! Musome muri Zaburi 139:13 Kuko ari Wowe waremye ingingo zanjye, wanteranirije mu nda ya mama. 14a Ndagushimira yuko naremwe mu buryo buteye ubwoba butangaza.
Iki cyanditswe gisubije byose! Dawidi ntiyavuze ngo ndagushimira kuko nabyawe oya yavuze kuko yaremwe! Kandi tuzi neza ko ibyanditswe byose byavuye ku Mana. Imana yaraturemye twese, ntiyakoresheje uburyo bumwe nubwo yaremyemo Adamu ariko ibyo ntibikuyeho ko yaturemye! Abefeso 2:10 Kuko turi abo yaremye ituremeye imirimo myiza muri Kristo Yesu, iyo Imana yiteguriye kera kugira ngo tuzayigenderemo. Mwa bantu mwe, twese twaremwe n’Imana ahubwo duharanire kumenya iyo mirimo myiza yaturemeye kugirango tuyigenderemo.

mata Kuya 17-06-2017

umuntu uko agenda asaza agenda amera nkumwana

Dusenayesu Kuya 17-06-2017

Ubwo hagati ye n’Imana ninde uri mu kuri???

Yesaya43:7
Nzanira umuntu wese witiriwe izina ryanjye, uwo naremeye kumpesha icyubahiro. Ni jye wamuremye, ni jye wamubumbye."

emmanuel Kuya 16-06-2017

Ibyo uwo musaza yavuze ni ukuri. turi urubyaro ruturuka ku muntu umwe waremwe(derivative).

Flora Kuya 16-06-2017

I agree 100%.
Muri Kiriziya Imwe itunganye turavuga buri gihe mu mahame y’Ukwemera ngo "YARABYAWE NTIYAREMWE ...." Baba bashaka kuvuga Yezu Christ bashimangira ngo yabyawe nk’abandi bantu ko ataremwe

GORDIEN Kuya 15-06-2017

ntimuzimire! mutandukanye ibintu! koko Imana mukurema, Adamu Yamuremy Mu Ibumba Iraheza Imuhumekera Mwo Uwmuka Wayo. Ubwo N Uburyo Bwa Mbere Yakoresheje Mukurema!!! Uburyo Bwa 2 Ni Aho Yarema Eva Mugukura Igufa Muri Adamu Igakuramwo Umuntu!!! Uburyo Bwa 3 Ni Ijambo Aho Yavuga Ga " Gende Murondoke Mwuzure Isi" Ni Nayo Mpamvu Abantu Twagiy Tugaragara Kwisi Mukuvuka Tubyawe!! Aho Rero Uwo Mukozi W Imana Ntahazimire ,Twese Turi Ibyaremwe. Iby Amadini Nabyo Ni Asome Ibyahishuriw Yohana Igice 2 na 3byose Abisome Ahita Atahura

Mushishozi Kuya 15-06-2017

None se ibyo avuze siko kuri kwa Bible
Iyo bible muvuga y’uwimerere,hari aho ivuga ko nyuma yo kurema Adam,Imana yongeye kurema
Cyangwa iyo Bible Ntabwo ivuga ko Imana yaremye Adam,Eva ikamuvana mu rubavu,hanyuma ikabaha inshingano zo kubyara bakororoka bakagwira Isi.
Uyu musaza hari ibyo avuga ari ukuri,yenda ibindi hakaziramo no gusaza.
Ariko 90% y’ibyo avuga ni ukuri.
Hari aho Bible isobanura neza ko Imana yaremye umuntu umwe.
Niyo tuvuga mu byaremye,ntabwo abantu bashyirwa mu biremwa.
Itang 1:1-Gukomeza,Bible isobanura uko ibintu byose byaremwe.
Ibyo Umusaza avuze niko kuri.

Nehemie Kuya 15-06-2017

Ariko uretse gukabya,ibyo yavuze bitari ukuri ni ibihe?ni hagire umbwira ko yaremwe cyangwa yabyawe. Uwo Imana yaremye nk’umuntu tubwirwa ni umwe Adam wakomotsweho n’abandi bavutse.Mwebwe se ntimuzi ko mwabyawe?ikindi ntahakana ubuhanga bw’Imana mu kuvuka kw’umuntu ariko muzi ko aturuka mu ntanga ngore n’intanga ngabo bihura. None se Adamu niho yaturutse? Nakisabira abanyamakuru b’uru rubuga kudakoresha Incentive Titles gusa zikabya zigahabura abantu ikindi bagakora isesengura aho batumva bakabaza kugira ngo natwe ntibaturyanishe. Imana Ibarinde bavandimwe gusa twese turi umwe kandi turi Bene Adamu waremwe, bityo dufitanye Isano n’Imana.

Kanyemu Assiel Kuya 15-06-2017

Niyo mpamvu nzigumira gaturika kuko ayo manjwe ngo y’amatora ntayo aba yo! Papaatanga musenyeri, musenyeri agatanga padiri indahiro ikaba kubaha ugukuriye! Naho ibyo bizano police na dasso..bikazamo RGB na Minaloc...ibyo si iby’Imana ni iby’abantu numuvunyi azaza ndetse na Auditor general

Kanyemu Assiel Kuya 15-06-2017

Niyo mpamvu nzigumira gaturika kuko ayo manjwe ngo y’amatora ntayo aba yo! Papaatanga musenyeri, musenyeri agatanga padiri indahiro ikaba kubaha ugukuriye! Naho ibyo bizano police na dasso..bikazamo RGB na Minaloc...ibyo si iby’Imana ni iby’abantu numuvunyi azaza ndetse na Auditor general

Nina Kuya 15-06-2017

Muzehe Mpyisi aransetsa.

Philmin Kuya 14-06-2017

Reka uriya musaza n’ibitekerezo bye wumva nabyo bimaze gusa. Theology of creation ntayo azi ndetse ntazi no gusoma bibiriya mururimi rw’umwimerere (Hebrew or Greek) Niyo mpamve exegesis yiwe aba Atari strong!!

kanimbasi Kuya 14-06-2017

ariko abamarayika nabo ntibaremwe haremwe umuntu gusa kuko niwe yabumbye mumukungugu irangije imuhuhamo umwuka wayo.

alosz Kuya 14-06-2017

Gusa mange hano turikumwe

herve Kuya 14-06-2017

ibyo avuga byo ni ukuri! ariko njya mbona ikinyamakuru cyanyu gikunze kumugendaho . sinzi impamvu kandi ibyo avuga byose ushishoje usanga ari byo.

nato Kuya 14-06-2017

that’s true

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...