konka coffee
KONKA

AMAKURU

UKWEZI

Abanyamadini n’imiryango ya Gikristo bagiye kongera guhabwa ibihembo bya SIFA Rewards

Abanyamadini n’imiryango ya Gikristo bagiye kongera guhabwa ibihembo bya SIFA Rewards
25-09-2017 saa 14:04' | By Chief Editor | Yasomwe n'abantu 1327 | Ibitekerezo

Ku nshuro ya 5 mu Rwanda hagiye gutangwa igihembo “SIFA REWARDS” kigamije guhemba abantu cyangwa se ibigo byakoze ibikorwa by’indashyikirwa hagamijwe kubaka Sosiyeti Nyarwanda. Nk’uko bitangazwa n’umuyobozi wa Isange Corporation Bwana Ntigurirwa Peter uhagarariye iki gikorwa, ngo iki gihembo kibanda ku guhemba ibikorwa by’ivugabutumwa ritari iryo ku munwa, riherekejwe n’ibikorwa bifatika biba byarakozwe hatarebwe ku nyungu z’ubikora.

Ni muri urwo rwego mu bihe byatambutse hagiye hahembwa abantu batandukanye barimo nka Musenyeri Mbonyintege Smalagde, Past.Dr Byiringiro Hesron, Past.Mpyisi Ezra, Padiri Filepo Ndagijimana, Polisi y’u Rwanda, RGB, Kaminuza ya AUCA n’abandi. Ntigurirwa yakoje atangaza ko kuva iki gihembo cyatangira gutangwa mu 2013 byatanze umusaruro ufatika kuko abagiye bahembwa batanga ubuhamya bw’uko byabongereye imbaraga mu byo bakoraga mu rwego rwo guhindura imibereho y’abanyarwanda muri rusange.

Abajijwe agashya kazaranga iki gikorwa, Ntigurirwa yasubije ko kuri iyi nshuro hazahembwa ibyiciro (Categories) 15 bishya bidafite aho bihuriye n’ibyahembwe mu myaka ishize. Yongeyeho ko kandi hagabanijwe umubare w’abahembwa mu rwego rwo kongerera agaciro igikorwa. Ikindi ngo iki gikorwa kizitabirwa n’abanyacyubahiro bakomeye bikaba byarabaye ngombwa ko gitegurirwa muri Mariott Hotel kuri iyi nshuro.

Yasoje atangaza ko iki gikorwa kizaba kuwa 1/10/2017 muri Kigali Mariott Hotel ku isaha ya Saa Cyenda, ahamagararira abanyarwanda kuzakitabira mu rwego rwo guha agaciro izi ndashyikirwa dore ko kwinjira bizaba ari ubuntu.

Mu bihembo byo mu gihe cyashize nabwo hahembwe abantu n’inzego zitandukanye

Abahanzi bazaririmba muri iki gikorwa ni Israel Mbonyi, Deo Munyakazi ucuranga inanga, Korali Seraphim ya AEBR na Korali Rugamba Cyprien ndetse nitsinda ry’ababyinnyi ryitwa Amasimbi n’Amakombe.

DORE URUTONDE RW’ABAZAHABWA IBIHEMBO

1. Urwego rw’igihugu rushinzwe imfungwa n’abagororwa RCS: Rworohereje ibikorwa by’ivugabutumwa mu magereza

2. Umuryango wa Gikristu Caritas Rwanda : Wagize uruhare mu iterambere ry’abaturage

3. Umuryango wa Gikristu ADRA Rwanda : Uruhare wagize mu gufasha impunzi

4. Amasezerano Community Banking: Ikigo cy’imali cya gikristo cyagize Uruhare mu guhindura ubuzima bw’abaturage

5. Lycee de Notre Dames de Citeaux: Ishuli ryagize uruhare mu burezi bw’umwana w’umukobwa

6. Pastor Nyamutera Joseph (Umuyobozi wa Rabagirana Ministries) : Yagize uruhare yagize mu gutangiza imishinga igamije kubaka Isanamitima, Ubumwe n’ubwiyunge.

7.Umuryango Women Foundation Ministries: Uruhare yagize kuremera abatishoboye binyuze muri ThanksGiving.

8.Margret Rwandamura: Umugore wagize uruhare rukomeye mu ivugabutumwa ryo ku maradiyo.

9.Korali Serafim yo mu Itorero ry’Ababatisita (AEBR): Uruhare igira mu gikorwa cyo gutanga amaraso ku bayakeneye.

10.Itorero Inkurunziza: Uruhare ryagize mu gutangiza amasengesho yo mu gihe cy’ikiruhuko cya saa sita – Lunch Hour

11.Musenyeri Kolini Emmanuel: Yagize uruhare mu gusigasira ubusugire bw’Itorero ry’u Rwanda.

12.Prof Rwigamba Balinda: Rwiyemezamirimo wa mbere watangije Kaminuza yigenga akanafasha abatishoboye abishyurira.

13.Rugamba Cyprien: Umuhanzi wahimbye ibihangano bikoreshwa cyane mu iyogezabutumwa no muri Sosiyete Nyarwanda.

14.Radio Rwanda (RBA): Radio ya mbere yafashije ubutumwa bwiza kwamamara.

15.Africa College of Theology (New Life Bible Church): Ishuli rya Theology rifite ireme ry’uburezi


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...