konka coffee
KONKA

AMAKURU

UKWEZI

Abayobozi ba ADEPR bafunzwe batewe utwatsi, urukiko rutesha agaciro ubusabe bwabo

Abayobozi ba ADEPR bafunzwe batewe utwatsi, urukiko rutesha agaciro ubusabe bwabo
25-05-2017 saa 17:07' | By Chief Editor | Yasomwe n'abantu 6290 | Ibitekerezo 16

Kuri uyu wa Kane tariki 25 Gicurasi 2017, hasomwe urubanza ubushinjacyaha bw’u Rwanda buregamo abayobozi bakuru b’itorero rya ADEPR, aho bakurikiranyweho icyaha cyo kunyereza akayabo k’amafaranga y’u Rwanda akabakaba miliyari eshatu. Mu iburanisha ryabaye mu ntangiro z’icyumweru, bari basabye urukiko ko barekurwa by’agateganyo bakaburana badafunze ariko batewe utwatsi.

Imyanzuro y’urukiko yatangajwe kuri uyu wa Kane, igaragaza ko aba bayobozi batandatu ba ADEPR hari impamvu zikomeje zituma bakekwaho ibyaha bakurikiranyweho, kandi kurekurwa bikaba bishobora gusibanganya ibimenyetso, bityo bakatirwa gufungwa iminsi 30 y’agateganyo bakaburana bari muri gereza.

Aba bayobozi bakuru ba ADEPR baherutse gutabwa muri yombi bakaba bakurikiranyweho kunyereza akayabo k’amafaranga, barimo Bishop Tom Rwagasana wari umuvugizi wungirije na Pasiteri Salton Niyitanga wakoraga mu biro bye nk’umunyamabanga, hakabamo Mutuyemariya Christine usanzwe ari umwe mu bagize Komite Nyobozi y’Itorero ADEPR aho yari ashinzwe ubukungu n’imari, hakabamo kandi Pasiteri Eng. Theophile Sindayigaya wari ushinzwe inyubako muri ADEPR, Gasana Valens ushinzwe icungamutungo muri ADEPR hamwe na Pasiteri Sebagabo Leonard wari Umunyamabanga Mukuru wa ADEPR.

Kuwa Mbere tariki 22 Gicurasi 2017, ubushinjacyaha bwa Gasabo bwasobanuye ko muri 2015 ubuyozi bw’itorero rya ADEPR bwatse muri Banki ya BRD inguzanyo bakemeranywa na banki ko bazarangiza kuyishyura muri 2025 kuko yagombaga kwishyurwa mu myaka 10, ariko aba bayobozi bagahita bashyira igitutu ku bayoboke bagakusanya akayabo k’amafaranga y’u Rwanda miliyari eshatu na miliyoni magana atanu na mirongocyenda n’ebyiri n’ibihumbi magana ane na mirongo itandatu na bitanu na magana atatu na makumyabiri n’ane (3.592.465.324 Frw), ariko aya yakusanyijwe akaba atarahise yishyurwa banki ahubwo ngo abayobozi bagiye bayanyereza mu byiciro bitandukanye bakoresheje amayeri.

Nk’uko byasobanuwe n’Ubushinjacyaha, ngo hari abantu basinyirwaga amasheki y’amafaranga menshi n’abayobozi ba ADEPR bigaragara ko ari ayo bishyuwe na ADEPR cyane cyane ku bikoresho byubakishijwe Hotel Dove iri ku Gisozi, nyamara nyuma ngo abasinyiwe sheki bamaraga kubikuza ayo mafaranga bakayasubiza abayobozi bakayakoresha mu nyungu zabo bwite, mu gihe abayoboke bari barasabwe amafaranga bizezwa ko ari ayo guhita bishyura banki bari barafashemo umwenda.

Muri rusange, Ubushinjacyaha bugaragaza ko amafaranga yaturutse mu misanzu y’abayoboke b’iri torero yanyerejwe n’abayobozi bakuru b’iri torero hagati y’umwaka wa 2015 n’uwa 2017, yose hamwe agera kuri 2.530.395.614 z’amafaranga y’u Rwanda.

Bishop Tom Rwagasana wari umuvugizi wungirije wa ADEPR, ahawe umwanya ngo yiregure yavuze ko nta mafaranga yigeze anyerezwa kandi ngo bagiye bakora amasuzuma atandukanye agaragaza ko nta yakoreshejwe nabi cyangwa ngo anyerezwe. Gusa yavuze ko ibijyanye n’amasheki yagiye ashyiraho umukono hagambiriye kunyereza amafaranga byo adakwiye kubibazwa kuko iby’imikoresherezwe y’amafaranga bitari mu nshingano ze. We na bagenzi be basabaga ko barekurwa bakaburana badafunzwe ariko batewe utwatsi.

JPEG - 117.8 kb

Bishop Tom Rwagasana wari umuvugizi wungirije wa ADEPR

JPEG - 107.3 kb

Mutuyemariya Christine yari ashinzwe ubukungu n’imari

JPEG - 48.4 kb

Pasiteri Salton Niyitanga wakoraga mu biro bya Tom nk’umunyamabanga we

JPEG - 238.6 kb

Gasana Valens wari ushinzwe icungamutungo muri ADEPR

JPEG - 52.2 kb

Pasiteri Sebagabo Leonard wari Umunyamabanga Mukuru wa ADEPR.


INKURU ZA :
Tanga Igitekerezo
Ibitekerezo 16
fredy Kuya 4-06-2017

birabaje kuba uvugako ufite umwukawera ugahemuka akaka kageni ,bazishyure kuko abakritsu barakubititse nubu baracyarimo amadeni ukuntu bayakaga kungufu kumbi bashakaga guhekenya inka zaragurishijwe ingo zirasenywa Mana nagahinda abagiyeho sebo ntanda? ko ibintubyose bikorerwa mubwiru umwuka wera azajya abagaragaza kandi adufashe no mu ma paruwase hakorerwe ubugenzuzi buhagije naho barahekenye birenze

fredy Kuya 4-06-2017

birabaje kuba uvugako ufite umwukawera ugahemuka akaka kageni ,bazishyure kuko abakritsu barakubititse nubu baracyarimo amadeni ukuntu bayakaga kungufu kumbi bashakaga guhekenya inka zaragurishijwe ingo zirasenywa Mana nagahinda abagiyeho sebo ntanda? ko ibintubyose bikorerwa mubwiru umwuka wera azajya abagaragaza kandi adufashe no mu ma paruwase hakorerwe ubugenzuzi buhagije naho barahekenye birenze

Jean Bosco Kuya 30-05-2017

Aha nagahomamunwa!!!

Jean Bosco Kuya 30-05-2017

Aha nagahomamunwa!!!

ukuri Kuya 28-05-2017

leta y’u Rwanda oyee! Kagame oyee! Arenganura abarengana atitaye kuwo uriwe,icyo uricyo,aho ukorera,...ni ubwa mbere numvise ibi,ntanahandi byaba uretse Leta y’ubumwe bw’abanyarwanda itajya yihanganira abanyabyaha! ba musenyeri!!! Leta yacu iraturuhuye weeeee! Ahuuu! mbega gisozi!!

habumuremyi silas Kuya 26-05-2017

ahaaaaa urucira mukaso rugatwara nyoko

anc Kuya 26-05-2017

abo Bantu bazahabwe igihano kibakwiriye kuko batumye abaririmbyi babuzwa kuririmba NGO kubera umusanzu wa gisozi.bavugaga ko igihe cyo kwishyura umwenda cyarangiye bayashakisha Ku ingufu .ndibuka abana bitanga inkweto ababyeyi bagurisha ibitenge byayo telephone zitezwa cyamunara NGO gisozi yishyurwe vuba batubeshya ko igihe ntarengwa cyo kwishyura cyarenzwe.Muzahanwe urubakwiye.

binel Kuya 26-05-2017

kandi ubu wasanga barasekaga yuda iskariyote wariwatatwawe n amafaranga. umuntu wese urya ibitari ibye akwiriye kubiryozwa. ubundise idini ryabo siryo rihemba amafarnga menshi. India nini yishe nyirayo

MUNYABARAME DANIEL Kuya 26-05-2017

Dushimishijwe cyane no kumva inkuru nziza yi fungwa rya RWAGASANA TOM na bagenzi be kuko bakoze ibintu bibi cyane ariya mafaranga yo kwishyura gisozi bakoresheje nabi bayaryozwe nukuri,nta kuntu amarira ya bapfakazi,abakene imfubyi na batishoboye atagombaga kubagaruka,GISOZI yari hariya yari yarabaye kigeragezo,
Ndumva abari kwiruhutsa ku bwa bureau ifunze turi benshi kuva kuri pastor wa paroisse kugera kuri MWARIMU w’umudugudu

abakristo bo turi kuvuga AMENAAA .Kuko itorero ni rya KRISTO ntiryari rikwiye kuyoborwa na bariya bagabo bafunze ntabwo bakwiye kuyobora umukumbi w’Imana

nta nubwo bakwiye kuba muri societe nyarwanda bakoze ibintu bitari byiza

ahubwo ubutabera ni burebe no mimitungo yabo ko bihura n’imishahara yabo cyane ko ari n’abahanga wasanga barayijyanye hanze mu rwanda ugasanga ntacyo bahagira

nu kuri ni bakurikiranwe ,kugirango bitazongera ni kindi gihe byaba ari ugushyigikira ubujura

Sibomana jean nkumuntu mukuru byakorewe mu maso ye arabivuga ho iki ???????????????????????????????????????????????????????????????????

MUNYABARAME DANIEL Kuya 26-05-2017

Dushimishijwe cyane no kumva inkuru nziza yi fungwa rya RWAGASANA TOM na bagenzi be kuko bakoze ibintu bibi cyane ariya mafaranga yo kwishyura gisozi bakoresheje nabi bayaryozwe nukuri,nta kuntu amarira ya bapfakazi,abakene imfubyi na batishoboye atagombaga kubagaruka,GISOZI yari hariya yari yarabaye kigeragezo,
Ndumva abari kwiruhutsa ku bwa bureau ifunze turi benshi kuva kuri pastor wa paroisse kugera kuri MWARIMU w’umudugudu

abakristo bo turi kuvuga AMENAAA .Kuko itorero ni rya KRISTO ntiryari rikwiye kuyoborwa na bariya bagabo bafunze ntabwo bakwiye kuyobora umukumbi w’Imana

nta nubwo bakwiye kuba muri societe nyarwanda bakoze ibintu bitari byiza

ahubwo ubutabera ni burebe no mimitungo yabo ko bihura n’imishahara yabo cyane ko ari n’abahanga wasanga barayijyanye hanze mu rwanda ugasanga ntacyo bahagira

nu kuri ni bakurikiranwe ,kugirango bitazongera ni kindi gihe byaba ari ugushyigikira ubujura

Sibomana jean nkumuntu mukuru byakorewe mu maso ye arabivuga ho iki ???????????????????????????????????????????????????????????????????

nida Kuya 26-05-2017

uko biri kose bagomba kwishyura watekereza ukuntu hariho bamwe bayagujije kubera igitutu cyaba bagabo batabuze ibyo bajya kugeza ubwo barimo guhinga imishike yabo bagujije ngo bishyure gisozi bakurikirane n imitungo yabo bayigurishe itorero ryishyure banque uriya mugabo reba ukuntu aba yirakaje n imitsi y abandi Imana irazirikana wakora neza wakora nabi

peter Kuya 26-05-2017

Rwose ubucamanza bukomeze umurimo kandi natwe turi gusaba Imana ngo ishyire ukuri ahagaragara.

NTS Kuya 25-05-2017

Ariko Mana, s ubu koko abantu bitirirwa izina ryawe bamera batyo? Cyakora birashoboka niba ari ukuri baba batarigeze bahinduka ngo babe bari no mu muhamagaro w Imana. baba barihamagaye bishakira kash. cyakora nihatabaho gukura amafranga mu matorero n amadini muzareba muzareba ak abihay Imana n abacancuro biyita ngo barakorera Imana cg barashaka gukorera Imana kandi babeshya ahubwo bishakira kash ngo biyubakire amazu abinjiriza, nabo babe abanyemari aho kuba abakozi b Imana bacishijwe bugufi n Ijambo ry Imana. Ndababaye gusa. Igitutu notswaga cyo kwegeranya umusanzu wa Gisozi ntarara mu rugo nirukanka mu baxstu ngo batugurize na n ubu tukaba tutarabishyura none ngo BRD ntirishyurwa kdi haratangajwe ko indembo zose zarangije gutanga Gisozi? koko? uwabampa ngo mbabaze huti huti ya Gisozi icyo yari igamije,ko bavugaga ko bashaka guhita barangiza umwēnda wa BRD. Ngo hari indi misanzu bariho bashaka kongera gushyiraho da! Bazongere!

Ndaruhutse Kuya 25-05-2017

Iminsi y’igisambo ni40 nibakanyage ibyo bisambo byajogoroje umurimo w’imana police yacu nyongereye amanota izi akazi kbs muri abahanga bizavemo aruko birangije kutwishyura imitsi yacu byanyunyuje puuu bizanarimbuka nibikomeza gufunga umutwe ibisambo.com

Rugwiro Kuya 25-05-2017

niyo mpamvu umuntu wese uz’ubwenge kdi utekereza akwiriye kubaha Leta yacu iyobowe na HE Paul KAGAME kuko ntiyemera akarengane kdi umuntu wese wishyira hejuru y’amategeko akarengera azabibazwa uwo ariwe wese

mika Kuya 25-05-2017

pole sana

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
  • Kwezi https://www.tga.gov.au/alert/man-king-capsules, mukareba aho yabuzanyijwe muri Australia. Uzi ubwenge azabiteketezaho.

    ">Nshuti zanjye, byaba byiza mugiye mugira inama abafite ikibazo bose bakajya kwa muganga (...)
  • Loading...
    IZINDI NKURU WASOMA
    Loading...