konka coffee
KONKA

AMAKURU

UKWEZI

Abayobozi ba ADEPR bahaswe ibibazo, abakirisitu bishimira kubona Tom Rwagasana mu mapingu

Abayobozi ba ADEPR bahaswe ibibazo, abakirisitu bishimira kubona Tom Rwagasana mu mapingu
9-05-2017 saa 18:06' | By Chief Editor | Yasomwe n'abantu 5942 | Ibitekerezo 18

Kuri uyu wa Kabiri tariki 9 Gicurasi 2017, nibwo abayobozi bakuru b’itorero rya ADEPR bagejejwe imbere y’Ubushinjacyaha bwa Rusororo mu karere ka Gasabo mu mujyi wa Kigali, batangira guhatwa ibibazo ku byaha baregwa byo kunyereza no gukoresha nabi umutungo w’Itorero. Mu mbaga y’abakirisitu bari bahari, abenshi muri bo batangaje ko bishimiye cyane kubona Bishop Tom Rwagasana yambaye amapingu.

Aba bayobozi bakuru ba ADEPR baherutse gutabwa muri yombi bakaba banatangiye guhatwa ibibazo, barimo Bishop Tom Rwagasana wari umuvugizi wungirije na Pasiteri Salton Niyitanga wakoraga mu biro bye nk’umunyamabanga, hakabamo Mutuyemariya Christine usanzwe ari umwe mu bagize Komite Nyobozi y’Itorero ADEPR aho yari ashinzwe ubukungu n’imari, hakabamo kandi Pasiteri Eng. Theophile Sindayigaya ushinzwe inyubako muri ADEPR ndetse na Gasana Valens ushinzwe icungamutungo.

JPEG - 117.8 kb

Bishop Tom Rwagasana wari umuvugizi wungirije wa ADEPR

Bagejejwe mu biro by’umushinjacyaha mu masaha ya mugitondo cyo kuri uyu wa Kabiri, uko bari batanu buri umwe akaba yinjiraga mu biro by’umushinjacyaha akamuhata ibibazo bijyanye n’ibi byaha baregwa. Ntabwo babazwaga mu ruhame, buri wese yahatwaga ibibazo ukwe.

Aha i Rusororo hari hari abantu bo mu miryango y’aba bayobozi bakurikiranyweho kunyereza umutungo w’itorero bari bashinzwe gucunga no kubungabunga, ariko hanagaragaye umubare utari muto w’abakirisitu bo mu itorero rya ADEPR. Abenshi muri aba n’ubwo batemeye gufatwa amajwi cyangwa amashusho, batangarije abanyamakuru bari bahari ko bishimiye kubona Bishop Tom Rwagasana yambaye amapingu, bitewe ngo n’imvugo yari isanzwe imuranga irimo kwishongora no kwiyemera ko ntawamuhangamura.

Kuvuga ko afite inkota y’amugi abiri ntawamuhangamura, kubwira abiyomoye ku itorero rya ADEPR ko amatorero yabo azabaho atakiriho n’ibindi Bishop Tom Rwagasana yagiye avuga imbere y’imbaga y’abakirisitu bimugaragaza nk’umugabo utabona umuhangara, nibyo aba bayoboke ba ADEPR bavuga ko byatumye bifuza ko ubu yamera uko ameze uku, akambara amapingu mu gihe yajyaga abwira abandi ko ashobora gutuma bayambara.

JPEG - 107.3 kb

Mutuyemariya Christine yari ashinzwe ubukungu n’imari

JPEG - 48.4 kb

Pasiteri Salton Niyitanga wakoraga mu biro bya Tom nk’umunyamabanga we

JPEG - 238.6 kb

Gasana Valens wari ushinzwe icungamutungo muri ADEPR


Tanga Igitekerezo
Ibitekerezo 18
iganze Kuya 29-05-2017

Isi ntisakaye nyine, kandi umufatangwe ntusoromwaho imbuto z’umutini. None se ejobundi bajugunya umushumba SIBOMANA nk’ujugunya imyanda muri poubelle bari bazi ko bo umunsi wabo utagera? Nibace bugufi rero bamenye ko mu ijuru hari Imana kandi itanegurizwa izuru.Ibi kandi bijye bibera isomo umuntu wese uriho uhumeka uyu munsi ,ajye yirinda kwishyira hejuru, kugira uwo arenganya n’ibindi bisa nabyo. Ubu icyo baharaniraga biragaragaye ko ari inda zabo.

Jackson Kuya 29-05-2017

NTAMAHORO YABANYABYAHA WABA WUBASHYWE CYANGWA UTUBASHYWE(YESAYA 56:21). Ushaka icyubahiro nakore ibyiza ibihebyose AdACOGORA.

Jackson Kuya 29-05-2017

NTAMAHORO YABANYABYAHA WABA WUBASHYWE CYANGWA UTUBASHYWE(YESAYA 56:21). Ushaka icyubahiro nakore ibyiza ibihebyose AdACOGORA.

pst Kuya 28-05-2017

salut Imana yitaye ku murimo wayo izashyira ukuri ahagaragara kandi ireba mu mitima

dusenge Kuya 28-05-2017

erega nimutuze ,Imana dusenga irumva ,iravuga kdi igakora ,yavuze ko igiye kuza kwikorera umurimo ,none reka ibahe ikosora ,ESE ubundi ninde wababwiye NGO bit we ba Bichop muri Adepr byaje ryari ?ahaa nakataraza bazakazana

0783266695 Kuya 24-05-2017

Mana Tabara Itorero

0783266695 Kuya 24-05-2017

Mana Tabara Itorero

Kamana Faustin Kuya 21-05-2017

Iby’Imana n’ibyinda nini biratandukanye. Itorero ry’Imana si isoko ryimburamumaro. Umukozi wimama akwiye kurangwa nubunyangamugayo. Abo bafashwe harimo abafite abagore barenze umwe, hari ababohoje ubuyobozi bwa ADEPR bari basanzwe bazwiho ubujura nubwambuzi. Bigaragara ko batigeze bihana cyangwa ngo banyurwa nibyo bagenerwa nitorero. Gusenga ndabyemera. Aba wabasengera ute Imana igiye kubihanira nyabantu bayo? Turashimira Police yu Rwanda yumviye ubushake b’Imana. Bari batuzahaje banyunyuza nabaturage bari mu cyiciro cya 1. Uzi iterabwoba ryo.

Kamana Faustin Kuya 21-05-2017

Iby’Imana n’ibyinda nini biratandukanye. Itorero ry’Imana si isoko ryimburamumaro. Umukozi wimama akwiye kurangwa nubunyangamugayo. Abo bafashwe harimo abafite abagore barenze umwe, hari ababohoje ubuyobozi bwa ADEPR bari basanzwe bazwiho ubujura nubwambuzi. Bigaragara ko batigeze bihana cyangwa ngo banyurwa nibyo bagenerwa nitorero. Gusenga ndabyemera. Aba wabasengera ute Imana igiye kubihanira nyabantu bayo? Turashimira Police yu Rwanda yumviye ubushake b’Imana. Bari batuzahaje banyunyuza nabaturage bari mu cyiciro cya 1. Uzi iterabwoba rwabo.

Kamana Faustin Kuya 21-05-2017

Iby’Imana n’ibyinda nini biratandukanye. Itorero ry’Imana si isoko ryimburamumaro. Umukozi wimama akwiye kurangwa nubunyangamugayo. Abo bafashwe harimo abafite abagore barenze umwe, hari ababohoje ubuyobozi bwa ADEPR bari basanzwe bazwiho ubujura nubwambuzi. Bigaragara ko batigeze bihana cyangwa ngo banyurwa nibyo bagenerwa nitorero. Gusenga ndabyemera. Aba wabasengera ute Imana igiye kubihanira nyabantu bayo? Turashimira Police yu Rwanda yumviye ubushake b’Imana. Bari batuzahaje banyunyuza nabaturage bari mu cyiciro cya 1. Uzi iterabwoba rwabo.

Kamana Faustin Kuya 21-05-2017

Iby’Imana n’ibyinda nini biratandukanye. Itorero ry’Imana si isoko ryimburamumaro. Umukozi wimama akwiye kurangwa nubunyangamugayo. Abo bafashwe harimo abafite abagore barenze umwe, hari ababohoje ubuyobozi bwa ADEPR bari basanzwe bazwiho ubujura nubwambuzi. Bigaragara ko batigeze bihana cyangwa ngo banyurwa nibyo bagenerwa nitorero. Gusenga ndabyemera. Aba wabasengera ute Imana igiye kubihanira nyabantu bayo? Turashimira Police yu Rwanda yumviye ubushake b’Imana. Bari batuzahaje banyunyuza nabaturage bari mu cyiciro cya 1. Uzi iterabwoba rwabo.

Theo Kuya 19-05-2017

Imana idutabare naho ubundi tugeze ahantu habi arko ntiducike intege

Mfitumukiza Elise Kuya 13-05-2017

Ariko nari umwuka wubushukanyi wamaze kwangiriza benshi rwose!! Ubundi mubikura hehe ko abayobora amadini bimitswe n’Imana? Yewe cyakora nkundira Uwiteka ko agenda nyine agaragaza abiyita cg abimitswe n’abantu batigeze bimikwa n’Uwiteka. Yesu yabivuze neza ngo"muzabamenyera Ku mbuto zabo!" Muzasome neza Yeremuya 23.16-33; Ezekiel 34.1-10; Mika 2.3-11; ndetse nahandi henshi kuri bible havuga ibyabungeli gito bimenya ubwabo maze ago kuragira umukumbi w’Imana bagakurikira inyungu zabo bwite ngo ndetse utagize icyo ashira mukanwa kabo bitegura kumurwanya!! Nibyo koko sibyiza ko twakishimira ingaruka zibyo bakoze bibi ariko kandi ntitukagwe mumutego WO Kubota abakozi b’Imana nuko ntakimenyetso nakimwe kibigaragaza my byanditswe!. Icyakora mwitondere ikinyoma cyo kwibwira ngo:" umwuka arampishuriye" nuko mbona mumadini menshi byarasimbujwe ibyanditswe byera bityo akaba ariyo mpamvu duhora twumva intambara z’ukutumvikana my madini menshi nuko benshi bihagurutsa bakabeshya abayoboke ngo nabakozi b’Imana. Igipimo ni Bibiliya yonyine nuko ueariwe were yiyita umukozi w’Imana ariko Yesu yasize aduhishuriye ibanga ko benshi baziyitirira izina rye.Matayo 24.2-14

Esthar Kuya 12-05-2017

Sibyiza kwishima hejuru umukoziwimana uriya azabazwa ibye nawe isuzume urebeko ushyitse

Cherubin Kuya 12-05-2017

Ngo uwo Imana yimitse?! Ndagusetse!

Eric Kuya 12-05-2017

Umukristo muzima ntiyishimira ibyago bya mugenzi we. noneho ni gute wakwishimira kubona Uwo Imana yimitse yambaye amapingu!
njye ndababaye cyane gusa Uwiteka niwe Uzi ibikwiriye

Linghuat Kuya 9-05-2017

Uko no iko Isi imeze. Uwamenya ubwenge yakwita kwiherezo rye. Naho icyubahiro cyo ni ubusa.

Linghuat Kuya 9-05-2017

Uko no iko Isi imeze. Uwamenya ubwenge yakwita kwiherezo rye. Naho icyubahiro cyo ni ubusa.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA