konka coffee
KONKA

AMAKURU

UKWEZI

Apotre Gitwaza yasabye abanyarwanda gushishoza mu gihe cyo gutora Perezida

Apotre Gitwaza yasabye abanyarwanda gushishoza mu gihe cyo gutora Perezida
10-07-2017 saa 11:37' | By Vincent Nsengiyumva | Yasomwe n'abantu 7722 | Ibitekerezo 5

Apotre Dr Paul Gitwaza uyobora Itorero Zion Temple ku Isi yibukije Abanyarwanda ko bagomba gushishoza mu gihe cyo kwitorera umukuru w’igihugu, bakirinda amarangamutima bagakoresha ubwenge bw’Imana bakurikije aho u Rwanda rwavuye n’aho rugana.

Ibi yabigarutseho ubwo hasozwaga igiterane ngarukamwaka cy’iminsi umunani cyiswe ‘Africa Haguruka’ cyabereye kuri Stade ya IPRC Kicukiro (ETO Kicukiro) ku mugoroba wo kuri iki Cyumweru, tariki ya 9 Nyakanga 2017.

Mu giterane cyahuzaga abantu basaga ibihumbi 12, Apôtre Gitwaza yagarukaga cyane ku bikwiye gukorwa mu rwego rwo gushaka impinduka mu buzima bw’Abanyafurika n’Abanyarwanda by’umwihariko.

Ubwo yasobanuraga uburyo Afurika ikeneye impinduka zikomeye kandi bigizwemo uruhare n’Abatuye kuri uyu mugabane, yikije cyane ku Rwanda, aho yagarutse ku matora y’umukuru w’Igihugu ateganyijwe muri Kanama uyu mwaka.

Gitwaza yasabye abari bateraniye muri iki giterane ndetse n’abanyarwanda muri rusange kugira ubushishozi bukomeye mu gihe cyo kwitorera umuyobozi w’igihugu.

Yagize ati “Ntitwifuza ko igihugu cyacu kimanuka hasi.Turasaba Imana iduhe umuyobozi ufite icyerekezo uzakomeza kutuzamurira igihugu. Abanyarwanda ntibazakoreshe amarangamutima mu gutora ahubwo bazakoreshwe n’ubwenge bw’Imana,bareba cyane aho tuvuye n’aho tugana.”

Yakomeje avuga ko afite ubuhanuzi bw’u Rwanda bw’uko ruzaba ingobyi izabyara Afurika kandi akaba anabona ubu buhanuzi bwaratangiye gusohora

Yagize ati “Kuri twe u Rwanda ni ingobyi izabyara Afurika, niko Imana yatubwiye. U Rwanda ruzayibera icyitegererezo mu mivugire no mu mikorere. Abanyafurika bagize hafi imyaka 50 bavuga amagambo meza ariko badashyira mu bikorwa ariko u Rwanda rumaze imyaka 23 tuvuye mu bibazo bituremereye ariko ibyo bavuze barabikoze. U Rwanda rero ni kimwe mu bihugu bivuga kandi bigakora, niyo mpamvu Afurika izatwigiraho.”

Africa Haguruka ibaye ku nshuro ya 18 kuva mu 2000, ikaba yitabirwa n’abantu batandukanye barimo abavugabutumwa n’abakozi b’Imana baturuka mu bihugu byo mu Karere ka Afurika y’Iburasirazuba, iy’Iburengerazuba no mu Majyepfo n’ibindi byo hanze ya Afurika nka Amerika, u Butaliyani, Israel, u Busuwisi, u Bubiligi, u Bufaransa, Canada n’ibindi.

JPEG - 118.8 kb
JPEG - 158.8 kb
JPEG - 93.5 kb
JPEG - 110.6 kb
JPEG - 153.9 kb
JPEG - 110.6 kb
JPEG - 175.4 kb
JPEG - 144.5 kb
JPEG - 149 kb
JPEG - 165.8 kb

INKURU ZA :
Tanga Igitekerezo
Ibitekerezo 5
ndayambaje vedaste Kuya 13-07-2017

mureke tuzatore intore yacu nkuko twahinduyitegeko nshinga ngotumutore atuyobore naho abiyitintu mwa mwe wapi ntamwanya mufite ko ubwo buhanuzi mutabuvuzembere imyukamibi mwiyaturiyeho nakazi kanyu

ndayambaje vedaste Kuya 13-07-2017

mureke tuzatore intore yacu nkuko twahinduyitegeko nshinga ngotumutore atuyobore naho abiyitintu mwa mwe wapi ntamwanya mufite ko ubwo buhanuzi mutabuvuzembere imyukamibi mwiyaturiyeho nakazi kanyu

ndayambaje vedaste Kuya 13-07-2017

mureke tuzatore intore yacu nkuko twahinduyitegeko nshinga ngotumutore atuyobore naho abiyitintu mwa mwe wapi ntamwanya mufite ko ubwo buhanuzi mutabuvuzembere imyukamibi mwiyaturiyeho nakazi kanyu

Zirimwabagabo Kuya 11-07-2017

Ingobyi ntibyara iraheka

kiruhura clovis Kuya 10-07-2017

URWANDA nigihugu cyiza kandi gifite abaturage basobanutse ibyo Umukozii WIMANA avuze birashoboka Imiyoborere myiza iterambere imibanire umutekano byose ntahandi wabisanga ni MURWANDA so Birashoboka IMNA ikomeje kutujyimbere

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...