konka coffee
KONKA

AMAKURU

UKWEZI

Bahati ‘Maskini’muriganya amadorali 300? Byibura iyo avuga amadorali 30.000-Bishop Rugagi

Bahati ‘Maskini’muriganya  amadorali 300? Byibura iyo avuga amadorali 30.000-Bishop Rugagi
12-11-2017 saa 10:40' | By Vincent Nsengiyumva | Yasomwe n'abantu 8219 | Ibitekerezo 10

Bishop Rugagi Innocent uyobora itorero Abacunguwe (Redeemed Gospel Church) wamenyekanye cyane mu gukora ibitangaza bihambaye mu masengesho abera mu itorero rye, yikomye bikomeye umuhanzi Bahati wahoze mu itsinda Just Family wamushinje ko yamwambuye amadorali 300.

Ibi Bishop Rugagi yabigarutseho kuri uyuu wa Gatandatu tariki ya 11 Ugushyingo 2017 ubwo yagiranaga ikiganiro kirambuye n’abanyamakuru, ku bijyanye n’umushinga we wa Televiziyo yiswe TV 7 yashinzwe ku bufatanye n’itorero rye.

Mu minsi ishize nibwo hakwirakwiye inkuru yatangajwe na Bahati ivuga ko hari umuntu wari umufitiye amadorali 300 y’Amerika,mu kuyamwishyura ayaha Bishop Rugagi ngo azayamushyikirize, ariko ngo kugeza uyu munsi ntabwo arahabwa ayo mafaranga ye nyamara ngo hashize imyaka itari mike. Bahati akaba ashinja Bishop Rugagi kumwambura nkana kuko atabuze ayo mafaranga angana n’amadorali atagera no ku bihumbi Magana atatu.

Bishop Rugagi ubwo yaganiraga n’abanyamakuru yasobanuye byinshi kuri iki kibazo agaragaza ko icyabayeho ari ukutumvikana kwabaye hagati y’itorero na Bahati wari usigaye arisengeramo nyuma y’uko bari bamaze gutahura ingeso ze zitari nziza bakamuhagarika.

Yagize ati “ Namenye ko hari ukuntu Bahati na fiance we babayeho mu buzima butari ubwa gikirisiutu, umukobwa ajya agenda bakararana bakamarana iminsi. Narabahamagaye ndababwira nti izo ngeso ntabwo ari iza gikirisitu. Yewe na mukuru w’uwo mukobwa yaraje ansaba ko mu muryango wabo badashaka Bahati nk’umukwe wabo. Nyuma naje kubahagarika ndetse n’ubukwe bwabo turabuhagarika.”

Rugagi yakomeje avuga ko ibyo Bahati yakoze ari ugushaka gupfukirana igisebo yari yagize ubwo hatahurwaga ingeso ze maze agahagarikwa mu itorero ndetse n’ubukwe bwe bugahagarikwa cyane ko ngo izo ngeso mbi ze zatahuwe ari hafi yo gusezerana n’umu fiancé we imbere y’Imana.

Yagize ati “ Hari igihe umuntu ashaka kwitwikira icyaha kugira ngo hanze abantu batamumenya, akagenda avuga ngo impamvu navuye muri Reedemed church burya ni uko Banyambuye n’ibindi kugira ngo akomeze asigasire isura ye. Intera iri hagati yanjye na Bahati ntiyanyemerera kuba namwambura n’ubwo nta n’undi nabikora.”

Bishop Rugagi yavuze ukuntu yatangajwe no kumva ko Bahati yamushinje ubwambuzi kandi yaramufashije cyane kugeza n’ubwo yamuguriraga imyenda ndetse ngo yanamufashije bikomeye kubona amafaranga y’ubukwe.

Yagize ati “Bahati yansabye ubufasha bwo gukora Launch y’indirimbo ze kugira ngo abone amafarango yo gukora ubukwe, mugira inama, mugurira imyenda, mukorera byose kuko yari yarambwiye ko umuryango wamuvuyeho. Muri Launch naramwitangishirije yewe ninjye wabanje nkora mu mufuka nshyira ibihumbi 270 cash mu giseke nshishikariza n’abandi kwikoramo kugira ngo bamufashe.”

Rugagi yavuze ko hagati ye na Bahati harimo intera nini cyane ku buryo atakiyandavuza amuriganya udufaranga twe cyane ko ngo mu mibereho ye amafaranga atari mu bintu byamugusha cyangwa ngo bimuteranye na rubanda.

Ati “ Bahati!! Hari abavuze ngo ni amadorali 200 abandi ngo ni 300, ubu se koko amadorali 200 yamarira iki? Byibura iyo akivuga amadorali ibihumbi mirongo itatu agaragaza ko namutwaye akayabo. Bahati, Bahati maskini wafasha akavuga ngo namuriye amadorali Magana abiri? Amadorali 200!! Ibi nibyo byerekana umuntu ufite imyumvire iri hasi cyane.”

Bishop Rugagi mu kiganiro n’abanyamakuru


INKURU ZA :
Tanga Igitekerezo
Ibitekerezo 10
Rukende Kuya 13-11-2017

Hhhhh Rugagi muzamumenya nimwiturize! kuko yibwira ko abeshya abantu ariko Imana iramureba kdi ntizakomeza kumurebera! Nanjye nkikirizwayo baramumbwiraga abamumbwiye nkabagira abanzi

milk Kuya 13-11-2017

Paster bihorere abakuvuga uko utari sibo baguhaye umurimo kandi ntubabare kuko turimwisi yibijyerajyezo.

pascal mugabo Kuya 13-11-2017

Ibyuburiganya birihagati yabo bombi numutima nama wa buri muntu ariko icyo mvuga niva ubikije umukozi w’Imana amabanga yawe yose ukamubwira aho wagize intege nke sibyiza niba ugeze mugihe kigoye ko ibyawe byose abibwira public. Pastor ntiyagaragaje ubunararibonye mugusubiza nkumuntu wikoreye imitwaro yabantu beshi.

kiiza Kuya 13-11-2017

Bishop Rugagi yaragowe mwokabyaramwe, Bishop Muvandimwe muri cristo Yesu, Ihangane nibitaribyo bazabikuvuga. Bena bo tubita ba midomo midomo. Komera wowe reba imbere, kandi aho amaso yumutima wawe areba, Uwiteka arahaguhaye mwizina rya Yesu. Amen

hhhhh Kuya 13-11-2017

wamuhaye utwo dufaranga wita duke ukareka kwihagararaho ubundi c wowe nikiuba ushaka samafaranga yamuhe ntawe ubigusekera kuko kwishyura biravuna

h Kuya 12-11-2017

Na Dawidi ngo abagore b igihugu bose bari abe arangije ajya kujyana umugore umwe w abandi, uko Bishop ashubije ndemeza ko yayariye pe

muganza Kuya 12-11-2017

Rugagi Rugagi,... ubonye bagutume ku muntu ntumugezeho ubutumwa koko ahubwo uyashyire mu gaseke nkaho ari amaturo utanze? Nuko uzi neza ibyo urimo ko nta ngaruka bizagira naho ubundi Yesu waba umubeshyera ngo uramukorera. gusa courage mu gukora ibitangaza dore amafrs yarabuze!

Queen Kuya 12-11-2017

arko c ubwo ko uvuga ngo arabeshya ubwo wowe umurushije iki? paster muzima ?uwatukanye nuwabeshye imbere y’Imana barangana. imbuto wamwereye nizihe ?

Charles Kuya 12-11-2017

Wayamuhaye se kumugaragaro ukarebako harikindi avuga? Kandi umuntunkawe Paster ntiqarukwiye kuvuga ibyo wamufashije. Kuko ntibeshye Imana ivugango nutanga ukoresheje ukuboko kwiburyo. Ukumoso ntikubimenye. Kuko Imana ibamumpisho Izaguhera mumpisho. Naibantibeshye. Wakosheje.

Charles Kuya 12-11-2017

Wayamuhaye se kumugaragaro ukarebako harikindi avuga? Kandi umuntunkawe Paster ntiqarukwiye kuvuga ibyo wamufashije. Kuko ntibeshye Imana ivugango nutanga ukoresheje ukuboko kwiburyo. Ukumoso ntikubimenye. Kuko Imana ibamumpisho Izaguhera mumpisho. Naibantibeshye. Wakosheje.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...