konka coffee
KONKA

AMAKURU

UKWEZI

Bibiliya irimo amafuti, nanjye abo naroze ndabarogora bikanga - Pasiteri Ezra Mpyisi

Bibiliya irimo amafuti, nanjye abo naroze ndabarogora bikanga - Pasiteri Ezra Mpyisi
15-09-2017 saa 12:47' | By Chief Editor | Yasomwe n'abantu 16035 | Ibitekerezo 28

Pasiteri Ezra Mpyisi, umukambwe wamamaye cyane mu ivugabutumwa mu itorero ry’Abadivantisiti b’umunsi wa karindwi mu Rwanda, ndetse akaba amaze imyaka ikabakaba 70 avuga ubutumwa, avuga ko Bibiliya ari igitabo bizwi ko cyera ariko ngo irimo amafuti menshi cyane, kuburyo ubu ageze kure yigisha abantu ngo babashe kuvumbura ayo mafuti ari muri Bibiliya, n’ubwo we ubwe hari abo yagiye aroga ariko yashaka kubarogora bikamunanira.

Ibi Pasiteri Ezra Mpyisi yabisobanuye mu kiganiro yagiranye n’ikinyamakuru Ukwezi.com, aho yasobanuye ko Bibiliya yahumetswe n’Imana ariko ngo Imana siyo yayanditse, ahubwo ngo abantu bagiye bayandika bahinduraga ibyahumetswe n’Imana bagashyiramo ibyabo bigaragara ko ari amafuti.

Uyu mukambwe w’imyaka 95 y’amavuko ati:"Bibiliya irimo amafuti, yahumetswe n’Imana hanyuma yandikwa nande? Yanditswe n’abantu kandi ikivuye mu muntu kinuka urunturuntu. Ibyo murabizi se? Urashaka kuvumbura ayo mafuti? Uzaze nkwigishe mfite abantu nigisha Bibiliya sha, nawe uzaze nzabikwereka. Niko sha, abantu bavuga ngo Imana ifite agacuma ibitsemo umujinya, ntibiri muri Bibiliya? Iyo ni Imana nyabaki sha? Ikabika umujinya wayo hanyuma ikambuza kurakara? Imana ntirakara, ntihinduka kandi nakwereka amasomo ya Bibiliya abihamya. Bibiliya ntibayiha umwanya ngo bayishakashatse bayicukumbure... Bakavuga ngo Imana irica igakiza, niyica igakiza se Satani azakora iki? Satani arica Imana igakiza. Noneho ubwo tuvuge ko na Satani yica agakiza?"

JPEG - 84.1 kb

Pasiteri Mpyisi akomeza agira ati: "Nahubundi ubujiji burabishe sha, Imana yaravuze ngo bwoko bwanjye muzize ubujiji, muzamenya ukuri ni ko kuzababatura... Dore ikindi cy’ikosa kiri muri Bibiliya, ubundi Imana ntigira abantu imbata, abayo ni ab’umudendezo, ariko mu gitabo cy’Abakorinto hari ahanditse ko Pawulo yavuze ngo ndi imbata ya Yesu! Yebaba wee! Imbata ni udakora icyo ashaka, ni umunyagano, kandi Imana ntigira abanyagano. Urayikorera ubishaka utabishaka ntuyikorere, amakosa arimo ni menshi, ni menshi... Ariko aba Satani ni imbata, iyo wabaye uwa Satani ukora ibye nta mudendezo uba ufite wo kubivamo keretse utabawe n’Imana [ikagukura muri ubwo bubata]"

Pasiteri Mpyisi avuga ko nawe ubwe yajyaga yigisha amafuti yo muri Bibiliya ariko ubu akaba atakibwiriza nka mbere, ndetse ubu ngo abavugabutumwa yaroze akaba agerageza kubarogora ariko byaramunaniye. Aha yagize ati: "Ariko abapfuye nabi ni abayobozi b’amadini, barambabaje ni ukuri, kandi ninjye wabigishije, mbaroga, mbaroga, mbaroga... None ndarogora bakanga, narababwiraga ngo Imana irica igakiza, ngo Imana ifite uburakari izabashahura... Urumva ukuntu narogaga abantu? Nabibye ibibi none ndabisarura, iyo bampindutse benda kunyica simbabara kuko ninjye wabigishije, ninjyewe wabirogeye"

Mu bihe bitandukanye, Pasiteri Ezra Mpyisi yagiye avuga ibintu bigaragaza we ubwe ibibi yicuza yakoze, ariko kandi hakaba n’ibyo avuga ku bandi bavugabutumwa agaragaza amanyanga bakora, ndetse n’amadini yose muri rusange, byerekana ko ari umuvugabutumwa wihariye kandi utavugwaho rumwe.

SOMA INKURU BIJYANYE HANO: Menya byinshi ku myemerere itangaje n’imyizerere idasanzwe ya Pasiteri Ezra Mpyisi


INKURU ZA :
Tanga Igitekerezo
Ibitekerezo 28
wayne Kuya 12-10-2017

erega bible nubusanzwe yanditswe n’abantu buntu (humains) ndetse n’ibyo uwo mukambwe avuga ngo yahumetswe n’Imana nta gihamya abifitiye. Bible rero irimo amakosa menshi cyane ku buryo usanga umuntu wabaye umuyoboke wayo nta ho aba ataniye n’imbata koko. Urugero: Abarokore bariyenza, bagira code, barazimura kandi bakaryaryana

ANITHA Kuya 28-09-2017

wowe wiyise muzehe ibyo uvuze nibyo % ku ijana uyu musaza simuzi ariko rwose mumwubahe kandi mumwubahishe kuko twese niho tugana...

Emmanuel Kuya 25-09-2017

Mpyisi nimumureke yasaze, gusa ntazabura abafana kuko abarimbuka ni benshi kdi barahari. Umusaza ugiye kubura ingororano z’ibyo yakoze koko? Ariko Satani arashoboye kweli.Gusa urambabaje!

Ngarambe David Kuya 21-09-2017

Ibaze umusaza nka Paster Mpyisi kuba avuga ukuri nka kuriya maze umuntu UWANYIRIGIRA Patrice, utazi nokwandika igitekerezo cye mukinyarwanda, akamujora! Nakumiro pe! Buriya uriya Patrice wasanga abwira abantu ko yasomye biblia akayumva atazi nokwandika. Nigitangaza pe! Gusa Paster Mpyisi ndamusaba kudacyibwa intege nabantu bapfa gukurikira batazi nimiyaga bakurikira. Komereza aho musaza wacyu...abumva turumva, naho abagira amatwi batumva, bakagira amaso batabona, bareke barindagire bazagera bahumuke cyangwa se barohame.

J.P. Kuya 21-09-2017

Niba Mpyisi ari we wabivuze koko, narekere aho gupfa kuvuga

the Rwandan Kuya 20-09-2017

Urwanda rufite abanyabwenge.uwafata muzehe mpyisi,agafata umusaza barafinda,akababwira ati muvuge ku rwego runaka murucritike,wasanga dufite ibibazo.so ni aba philosophe ariko ikibazo ntitubabyaza umusaruro,ahubwo tubafata nk’abasekeje.njye ndababwiza ukuri,ntibizatworohera gusobanurira abuzukuru bacu uburyo aba bagabo bari bazi ubwenge!!!!!dukwiye kuba profita kakiriho bagakorwaho inyandiko

Benda pascal Kuya 19-09-2017

Nkurikije inkuru maze iminsi nsoma zerekeranye n’ibushabitsi (business) iri mu matorero ngo hakorerwamo ibitangaza byo kuvura abamugaye, ababaswe na dayimoni ndagira ngo muzankorerere ubugenzuzi kuburyo bukuikira:
1.umuntu runaka uvuka aha:umudugudu, akagari, umurenge, akarere ufite ID number.... Yarafite ubumiga cg uburwayi kuva igiherunaka.... Yasengewe n’umuvugabutumwa X yakize.
IBYO NI MUBIDUKORERA TUZAMENYA KO ATARI PUB Y’AMATORERO Y’INZADUKA
mukore ubunyamakuru bwa kimwuga ataribyo namwe mu munsi iri imbere tuzabarega gukwirakwiza ibinyoma niba mushaka ibindi bisobanuro mpamagara tuganire 0788513666 cg 0784204770

BENOIT RWANDA Kuya 19-09-2017

MUZEHE MPYISI NIYISUZUME NIBA AGIHAMANYA NA MWUKA WERA KUKO IMANA UBWAYO YIVUGIRA KW’ARI IMANA IFUHA KANDI YITEGUYE KURIMBURA INKOZI Z’IBIBI.DORE NAWE YARIMBUYE ABO KUBWA NOA,SODA NA GOMORA,YICA ABAFILISITIYA IKORESHEJE DAWIDI.ABAHEBURAYO 11:38-39 IVUGA KO UMUKIRANUTSI WAYO NASUBIRINYUMA UMUTIMA W’IMANA UTAZAMWISHIMIRA,NONE NAWE NGO NTIRAKARA!!!!!!!!!!

Elia Rwanda Kuya 19-09-2017

Nukuri pastor mpyisi Uwiteka aramukunda kuko iyo urebye uko amatorero avuka biragaragaza ibinyoma byuzuye mu myandikire ya Bible buriwese ushaka gukira bihanitse ashaka ahanditse ikosa runaka akabyereka abantu bakamuyoboka iyo hatabamo amakosa ntibakamuyobotse ahubwo kugeza uyumunsi twa kabaye dusengerahamwe ntamachakubiri ari mu myizerere ya gikristu cyaneko imana arimwe namategeko yayo namwe, uvugako mpyisi abeshya niyibaze impanvu Bible zivuguruzanya kandi tuziko arimwe yibaze Impamvu burimunsi havuka amatorero gi kristo yigishiriza muri bible kandi akabona abayoboke bose bahuriza Kuri yesu bavuye murindi naryo rivuga yesu Yewe ntanahindure bible yarasanganywe twese dutekereze kuriki kibazo aho gutukana kandi dutuka umubyeyi nkuriya dushishoze

Muzehe Kuya 18-09-2017

Uyu musaza niba mumwubaha nimumurinde kwandavura, mumugirire akabanga mureke kumushyira ku karubanda. Utazi izabukuru arazibarirwa.

JVANS Kuya 18-09-2017

IBYO MUZEHE MPYISI AVUGA NUKURI KWAMBAYE UBUSA! NAHO MWE MUTABIBONA NIBWABUROZI NYINE MWARIYE MUDASHHAKA KURUKA. GUSA MWESE MUZABIBONA IGIHE NIKIGERA. BIBILLIYA BURI WESE AYIFATA UKO ASHAKA KANDI AKAYISOBANURA UKO ASHAKA BITEWE NINYUNGU ZE. IKINDI WAKWIBAZA IMPAMVU HARI VERSION ZIRENZE 5 ZA BIBILIYA!? ESE NIBA ATARI AMAKOSA Y’ABACYANDITSE NKUKO MUZEHE MPYISI ABIVUGA WANSOBANURIRA GUTE IMPAMVU HARI VERSION NYINSHI ZA BIBILIYA KANDI USANGA HARIBYO ZIDAHUZA? WANSOBANURIRA GUTE UBURYO USANGA BIBILIYA NTAGATIFU IFITE IBITABO BYINSHI KURUSHA BIBILIYA YERA???? MWITONDE MUSHISHOZE KANDI DUSABE IMANA IJYE IDHA IMBARAGA ZO GUSOBANUKIRWA N’IBYANDITSE=WE

Segikwy Kuya 18-09-2017

Ushaka kumenya uburozi n’amafuti biri muri bible usoma uhereye mu gice cya mbere - umurongo wa mbere,
ugakomeza ni naho ubonera ko atari wowe bya genewe bitanakureba na mba...

Daniel Kuya 17-09-2017

Ndabona Pasteri ariri confused. Namugira inama yo gusoma igitabo gitagatifu kitwa" Bhagavad Gita as it is". Azahita asobanukirwa byose.

kop Kuya 17-09-2017

jyakuryama wmusazawe ejo utamwara 95 ugiye gusubira mubwana ugiye kujya uvugijambo umwana wimyaka itanu avuga washaje ubwo utangiye gutuka umwuka wera genda kukarago warakoze turagushima ariko watabaye pee

Natacha Kuya 16-09-2017

Ibyo Muzehe Mpyisi avuga nibyo. Noness Yesu nawe ntiyavuze ko gusenda umugore bitemewe. Intumwa ziti ko Mose yavuze ngo numusenda umuhe urwandiko....

uwanyirigira patrice Kuya 16-09-2017

ubwejye bwakamere ndibushobora kuguha kumenya imana) ubwo nibwo byisi yakoresheje bimutera guhakana .imana nubwo .atayizi) inyuguti .irinshi sha ubwuka agataga ubujyigo, uko niko byisi yabijyenje ubwo yasomaga bibiriya , bihura nuko adakijijwe bituma ,atabasha gusobanukirwa ibyandinse muribibiya) mpabyako byisi atazi imana akaba ariyo mpamvu ahakana ibyo imana yavuze( dore icyo .amenya nuko mumaboko yukomeye habamo gukiza nokwinca , kd imana urusha bandugukomera, irinsha ikanakiza ) ubyage ubyemere ,nukuri kutava ho

Ntagungira Rashidi Kuya 16-09-2017

Umusaza ibyo avuga harimo ukuri ariko sibyose kuko avuga yivuguruza impamvu ni uko atangiye ubucukumbuzi ageze muzabukuru naho kuba avuga ko yaoze byo ntabwo abeshya kuko ibyo avuga ukuri kwabyo kuzagaragara mu gitabo nanditse nise ( Imana y’Itangiriro n’Iherezo ) Mungu wa Mwanzo na Mwisho ubu maze kukimurira mu rurimi rw’Igiswayire cyashyizwe ahagaragara mu mwaka wa 2006 ariko kumpamvu z’akazi kenshi n’ubushobozi bisaba kandi nandika ibitabo byinshi ntegereje konjyera kubona ubushobozi nka givapisha bundi bushya.
Icyo gitabo kirimo filozofiya ihanitse ku birebana n’Ibisingizo Imana Ikwiye ndetse n’Ibisingizo bituzuye kuko bidakwiye Umuremyi w’ibyaremwe cyagaragaje kandi imyizerere ya Gikristo uko igoretse byakozwe muburyo bw’ibiganirompaka kandi busesenguye cyane; abakristo barimo n’Abadivantiste b’Unsi wa karindwi twaganiriye bamaze kugisoma ubwo cyasohokaga bambwiye ko batabona ubushobozi mu bigisha babo bwo kuvuguruza ibimenyetso byanditse biri muri icyo gitabo nanditse kuko bambwiye bati: nonese ko uvuga ibyanditswe ugatanga injyero nyurabwenjye bakuvuguruza bahereye kuki ntabwo rero muzehe MPisi ya vangiwe ahubwo nyine nta murongo afite mubyo avuga kuko arashaje ntabwo yakwinjira mumasomo ya filozofia ashaje ngo ahamye intego kuko ni isomo rihanitse risaba ubuhanga nfetse n’ubwenjye butarananirwa ari ibishoboka nkabona Muzehe Ezra Mpisi nagerageza kumwunganira akabona ukuri ashaka kugerajo ariko akayonerwa aho inzira irangirira.

Ntagungira Rashidi Kuya 16-09-2017

Umusaza ibyo avuga harimo ukuri ariko sibyose kuko avuga yivuguruza impamvu ni uko atangiye ubucukumbuzi ageze muzabukuru naho kuba avuga ko yatoze byo ntabwo abeshya kuko ibyo avuga ukuri kwabyo kuzagaragara mu gitabo nanditse nise ( Imana y’Itangiriro n’Iherezo ) Mungu wa Mwanzo na Mwisho ubu maze kukimurira mu rurimi rw’Igiswayire cyashyizwe ahagaragara mu mwaka wa 2006 ariko kumpamvu z’akazi kenshi n’ubushobozi bisaba kandi nandika ibitabo byinshi ntegereje konjyera kubona ubushobozi nka givapisha bundi bushya.
Icyo gitabo kirimo filozofiya ihanitse ku birebana n’Ibisingizo Imana Ikwiye ndetse n’Ibisingizo bituzuye kuko bidakwiye Umuremyi w’ibyaremwe cyagaragaje kandi imyizerere ya Gikristo uko igoretse byakozwe muburyo bw’ibiganirompaka kandi busesenguye cyane; abakristo barimo n’Abadivantiste b’Unsi wa karindwi twaganiriye bamaze kugisoma ubwo cyasohokaga bambwiye ko batabona ubushobozi mu bigisha babo bwo kuvuguruza ibimenyetso byanditse biri muri icyo gitabo nanditse kuko bambwiye bati: nonese ko uvuga ibyanditswe ugatanga injyero nyurabwenjye bakuvuguruza bahereye kuki ntabwo rero muzehe MPisi ya vangiwe ahubwo nyine nta murongo afite mubyo avuga kuko arashaje ntabwo yakwinjira mumasomo ya filozofia ashaje ngo ahamye intego kuko ni isomo rihanitse risaba ubuhanga nfetse n’ubwenjye butarananirwa ari ibishoboka nkabona Muzehe Ezra Mpisi nagerageza kumwunganira akabona ukuri ashaka kugerajo ariko akayonerwa aho inzira irangirira.

kalisa Kuya 16-09-2017

ariko ubwo wa Mugani Imana irakara waba ukiriho n’ibintu ukora

Patrick Kuya 16-09-2017

Mu byahishuwe Bible irangiza yihanangiriza uzongera cyangwa uzagabanya ku magambo ari muri icyo gitabo Muzehe Mpyisi yemera ko cyahumetswe n’Imana, ikavuga ko azamburwa umugabane ku giti cy’ubugingo kandi atazakandagira mu rurembo arirwo Yerusalemu nshya. None muzehe ati Imana ntirakara ntiyica n’ibindi by’ubuyobe nkibyo, niyemere ahakane Bible yose kuko nta kuri na guke yaba ivuga niba Imana atariyo yishe imfura zo muri Egiputa, ntigabanye inyanja ngo abisiraheli bambuke ariko ababakurikiye bayigwemo, ntitume umwami Sawuli kwica abamaleki, ntiyicishe abantu umwuzure igihe cya Noa, ntijyane na Mose, Yosuwa, Gideon, Dawidi n’abandi barwanye intambara bayobowe nayo kandi bahawe amabwiriza nayo, ibyo dusoma, twiga cyangwa twigisha byara ari uguta umwanya. Ariko ikiri ukuri ni uko byose ari ukuri kandi abazi Imana yabo bazakomeza kuyubaha no kuyizera batitaye ku ibangirwa n’ubuyobe byo mu zabukuru bya muzehe Hyena.

Uwineza francine Kuya 16-09-2017

Mumureke ibyo arimo igihe cye kiri hafi azongera yivuguruze ibyo arimo kuvuga, uvuga ko yemeranywa nawe ajye asoma bible kandi abaze mwuka wera amusobanurire. Gushaka kuba star ushaje nabyo si ibintu

Uwineza francine Kuya 16-09-2017

Mumureke ibyo arimo igihe cye kiri hafi azongera yivuguruze ibyo arimo kuvuga, uvuga ko yemeranywa nawe ajye asoma bible kandi abaze mwuka wera amusobanurire. Gushaka kuba star ushaje nabyo si ibintu

Israel Kuya 16-09-2017

Sinzi niba nabyita kuvangirwa cyangwa ubuyobe ariko wakwibaza uti ese ko byahumetswe n’Imana bikandikwa mu mafuti n’abantu ubu urimo abikosora ni Malayika uvuye mu ijuru? Mbese niba Imana yararakaye ikarimbuza isi umwuzure ikarokora Noa n’umuryango we, ubwo abo bantu n’ibindi biremwa byishwe na Satani ko wumva ngo ariwe wica?Muzehe ushaje nabi uri uwo gutabarwa!

Abbas Kuya 16-09-2017

umusaza arashajepee!!nkaho atavuzenka paulo ngonarwanye intambara nziza.....none ibyiza yakoreyimana ngoyararoze??mbega umusaza wasubiyebwana?

Papa Raissa Kuya 15-09-2017

Uyu musaza ashaje nabi pee

benisra Kuya 15-09-2017

Uyu musaza ndamukunda cyane. Nakomeze ashyire ukuri ahagaragara. I love you pastor, you inspire me!!

Daphrose niyuhire Kuya 15-09-2017

Ego aratubwiye ko yemera kw’amajambo yo muri Bibiliya yahumetswe n’Imana ariko akandikwa n’abantu none ayo arikwarigisha ubu yanditswe nande?

-xxxx- Kuya 15-09-2017

bibiliya nt amafuti ifite na gato ahubwo uzarebe neza niba atari wowe wibeshye

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...