konka coffee
KONKA

AMAKURU

UKWEZI

Bishop Rugagi n’abayoboke be baguye gitumo uwibiye umugore mu rusengero

Bishop Rugagi n’abayoboke be baguye gitumo uwibiye umugore mu rusengero
20-06-2017 saa 16:33' | By Vincent Nsengiyumva | Yasomwe n'abantu 12736 | Ibitekerezo 4

Bamwe mu bayoboke b’itorero Abacunguwe rya Bishop Rugagi, bataye muri yombi umusore wari umaze kwiba telefoni y’umwe mu bakirisitu ubwo bari mu rusengero maze nyuma yo gufatwa ajyanwa imbere y’iteraniro, yerekana n’umugore yari yibye iyo telefone ahita yatura asaba imbabazi Bishop Rugagi aramusengera.

Ibi byabaye ku Cyumweru tariki ya 18 Kamena 2018 ubwo abayoboke b’itorero Abacunguwe bari mu materaniro nk’uko bisanzwe, maze umwe mu bashinzwe gahunda (protocole) mu rusengero abona umuntu yiba telefoni y’umukirisitu mu gihe barimo basenga.

Uyu musore witwa Jacky ushinzwe Protocole muri uru rusengero, nk’uko yabitangaje ku rubuga rw’iri torero, yavuze ko kugirango amenye ko uyu musore yibye ngo bahuje amaso abona asa n’uwikanze maze ahita asohoka, abandi nabo bagira amakenga baramukurikira maze ageze hanze bamufashe ahita yemera ko yari amaze kwiba telefoni.

Yagize ati “ Ubwo twageraga mu gihe cyo gutura, uyu musore yarahagurutse duhuje amaso mbona abaye nk’unyikanze ahita asubira inyuma ngira amakenga ndamukurikira ageze hanze ashaka kwiruka duhita tumufata.”

Yakomeje avuga ko bakimara kumufata yahise yemera ko amaze kwiba umukirisitu bari bicaranye telefoni. Nyuma yo kwiyemerera ko yari amaze kwiba umwe mu bakirisitu mu rusengero bahise bamushyikiriza Bishop Rugagi kuko ari nawe wari watanze inyigisho maze amushyira imbere y’iteraniro.

Bishop Rugagi yahise amuganiriza amubaza impamvu yiba kandi ari umusore ukiri muto kandi ufite imbaraga zo gukora, mu kimwaro cyinshi umusore yemera gusaba imbabazi maze aca bugufi baramusengera telefoni yari yibye bayisubiza nyirayo.

Gusa yanze gutangaza amazina ye ndetse nta n’ibyangombwa bigeze bamusangana mu mufuka we bigaragaza umwirondoro we.

JPEG - 313.5 kb

Ikimwaro cyari cyose ku musore wari umaze kwiba mu rusengero

JPEG - 314.5 kb


Akimara gufatwa yagejejwe imbere y’iteraniro maze ahita yatura asaba imbabazi Bishop amuramburiraho ibiganza


INKURU ZA :
Tanga Igitekerezo
Ibitekerezo 4
Urwibutso sacre joseph Kuya 11-07-2017

Ntibyoroshye abantu basigaye bajya murusengero bajyanywe no kwiba koko bamuhane p!

MUNYANEZA Kuya 21-06-2017

Ubivuze nk’umunyamategeko wo mu isi. Amategeko abakristo bizera mbere y’andi yose ni Bibiliya. Umva imwe mu ngingo ya mwamba yayo uko ivuga. "Mukunde ababanga kandi mubabarire ababarenganya" Irindi ngo "Mwene so nagukosereza umubabarire 70*7. Ni uko rero abyoborwa n’umwuka w’Imana nibo bana b’Imana.

rwanda Kuya 21-06-2017

Ibi simbyemera na gato, nk’umunyamategeko ndasanga ibi ari ukurenga ku mategeko ndetse no gushaka gusimbura ibyo amategeko igihugu kigenderaho ateganya. Kwiba ugasubiza ibyo wari wibye ntibivanaho gukurikiranwa ku cyaha wakoze cy’ubujura.

Ernest TURIKUMWE Kuya 20-06-2017

Uwiteka arakomeye, Abiba nibarekere kuko ibyiza tuzabisangayo. Mudusabire natwe tuzaragwe ubugingo bwiteka, Amen.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...