konka coffee
KONKA

AMAKURU

UKWEZI

Bishop Rugagi uvuga ko ashobora kuzura n’abapfuye yagiye gukorera ibitangaza i Burayi

Bishop Rugagi uvuga ko ashobora kuzura n’abapfuye yagiye gukorera ibitangaza i Burayi
13-10-2017 saa 06:16' | By Chief Editor | Yasomwe n'abantu 6260 | Ibitekerezo 12

Bishop Rugagi Innocent uyobora Itorero Abacunguwe mu Rwanda (Redeemed Gospel Church), ni umuvugabutumwa utavugwaho rumwe n’Abanyarwanda batandukanye akenshi bigendeye ku kuba ibitangaza bibera mu itorero rye n’ibindi avuga ko ashoboye birimo no kuzura abapfuye, ari ibintu biteza impaka cyane muri rubanda. Ubu ariko, ibi bitangaza byose ngo agiye kubigaragariza n’Abanyarwanda batuye i Burayi.

Bishop Rugagi yerekeje ku mugabane w’u Burayi ayo yavuze ko ibyo basanzwe babona mu binyamakuru no ku mbuga nkoranyambaga, nabo agiye kubibereka n’amaso yabo. Ubwo yari ku kibuga cy’indege cya Kanombe agiye guhaguruka ngo ajye i Burayi, Bisho Rugagi yavuze ko urugendo rwe amaze igihe kirekire arusengera kandi n’ubu akaba agikomeje ngo azarugirireho umugisha Abanyarwanda baba i Burayi n’abandi bahatuye bazitabira ibiterane by’amasengesho azakora, bazabone ukuboko kw’Imana.

JPEG - 143.5 kb

Aha bishop Rugagi bari bamuherekeje ku kibuga cy’indege agiye i Burayi

Bishop Rugagi bamwe bakunze kuvuga ko yaba akoreshwa n’imbaraga za Satani ndetse ko yaba yarakuye imbaraga muri Nigeria, aherutse kubigarukaho agaragaza ko ababivuga bibeshya. Yagize ati: "Ariko mpora ntangazwa cyane n’abavuga ngo njyewe nkoreshwa na Satani! Ariko ni hehe mwigeze mubona ku Isi Satani agirira abantu impuhwe, abafite ibibazo akabaha ibisubizo, ababuze ubwishyu akabishyurira, ababuze urubyaro akabaha kubyara, abafite ubumuga bakagenda imbago n’utugare bakabita? Uwo ntiyaba ari satani ndabarahiye."

Bishop Rugagi yahise agaruka ku bavuga ko yahashye imbaraga muri Nigeria, nabyo asa n’ubutera utwatsi agira ati: "Abandi bati imbaraga azihahira muri Nigeria, sawa. Niba muri Nigeria haba imbaraga zibohora abantu nka zino zibohora abantu sawa, n’abandi bajyayo, abantu b’Imana bakagubwa neza ndetse bakihana bagahindukirira Yesu nk’Umwami n’umukiza w’ubugingo."

Uyu muvugabutumwa avuga ko Imana akorera kandi imukoreramo ishobora kumubashisha gukora ibitangaza bikomeye, kuko ngo uretse gusengera abarwaye SIDA bagakira, abagenda n’imbago bakazita bakigenza n’ibindi, ngo agiye kujya anasengera abapfuye bakazuka bakongera kubaho.


INKURU ZA :
Tanga Igitekerezo
Ibitekerezo 12
uwijuru fils Kuya 24-10-2017

IMANA niyo ireba ukuri

gakuru Kuya 18-10-2017

ariko ndibaza abavuga ngo Rugagi numukoziwimana!imana ntigira abakozi ahubwo rugagi nirwiyemezamirimo

Kangakyi Elias Kuya 17-10-2017

Rugagi Simushiramakenga,umuzuko Nturagera.

NTEZIMANA SAM KAKA Kuya 15-10-2017

NTITUGAPINGE HARIGIHE YABA YARATUMWE N’IMANA

dada Kuya 14-10-2017

Mwese murapfa ubusa,byose bishobokera uwizeye.musome abaheburayo 11.1...

Emmy Kuya 13-10-2017

Alikose nkawa Makanzu Benjamini,wita Rugagi umutubuzi haruwiwanyu yatuburiye?Ariko mbere yo kuvuga mwagiye mubanza gukaraga ururimi rwanyu inshuro zirindwi,mukabona kuvuga.Bishop Rugagi ntawe ahamagara,ntawe ajya gukura iwe,abantu bose baza bamusanga.Mwe mumusebya rero ntabwo bitangaje kuko na Natanaél mbere yuko yemera Yesu, Filipo amumubwiye,yari yabanje kuvuga ahinyura at’ese haricyiza cyava i Nazareti?Nyamara Filipo yaramubwiye ati ngwino urebe.Natanaél yaremeye ajya kureba, Yesu akimukubita amaso yamuvuzeho ati dore umuyisrayeli utagira uburyarya!Natanaél at’unzihe?Yesu at’utarahura na Filipo ubwo warurimunsi y’umutini nakurebaga.Natanaél yahise yemera Yesu,ati Mwami wanjye kdi Mana yanjye....!!Nawe rero nakurarikira kujya kwirebera,ukareka kuvuga ibyo utahagazeho.Ababonye Yesu baramwemeye barakizwa Aliko abafarisayo kubwo kumugirira ishyali ntibamwemeye kugera nubu muri Israél barahali batamwera.Ubwo rero kuba musebya Rugagi ntibimukuraho kuba umukozi n’umuhanuzi w’IMANA.Kdi ntaw’ahatira kumuyoboka.

dj eddy Kuya 13-10-2017

yooohhhh ubu se byashoboka ko anzurira mama wangeee!???? Ahaaaaaa

elias Kuya 13-10-2017

Paster avugako akorera imana arko nanone ntitwapfa gutesha agaciro ibyo abantu bivugira kuko nanone ngo ntakabura imvano

dada Kuya 13-10-2017

Wowe makanzu benjamin har ibyawe Rugagi yibye?ese nkawe ishyari rizakugeza kuki ?har ibyawe yibye uwo yasanze iwe ni nde akamwiba ?mwubahe umukozi w imana

BB Kuya 13-10-2017

ABAVUGA MUVUGE IBYO MUSHAKA MUBA MUGORA IMITIMA YANYU RUGAGI n umukozi w imana ntagusabye kuza murusengero rwe niba utamwemera funga umunwa wawe hari abandi bamwemera kandi singombwa ko mumwemera na yesu ntiyakunzwe na bose wowe ufite abo wemera bemere RUGAGI ntiyagusabye kumwemera naho kumwita umutekamutwe ujye ugerageza kugoronzora ururimi rwawe mbere yo kuvuga!!!

Pastor chris Kuya 13-10-2017

Imvugo niyo ngiro nareke kuvuga ahubwo natwereke ibikorwa.amarimbi yaruzuye bibaye aribyo byaba aribyizape.arikonge ibyo sibyemera nagato

makanzu benjamin Kuya 13-10-2017

uyu numutubuzi nkabandi ngo agiyekuzura abapfuye iburayi yabanje ikanombe na rusororo ubujuragusa.com

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...