konka coffee
KONKA

AMAKURU

UKWEZI

Bishop Rugagi yahanuriye umukene anamuha igifurumba cy’amafaranga abantu barumirwa-Amafoto

Bishop Rugagi yahanuriye umukene anamuha igifurumba cy’amafaranga abantu barumirwa-Amafoto
25-08-2017 saa 10:02' | By Vincent Nsengiyumva | Yasomwe n'abantu 14561 | Ibitekerezo 9

Bishop Rugagi Innocent uyobora itorero Abacunguwe (Redeemed Gospel Church) umaze kumenyekana cyane mu gukora ibitangaza yeretswe ubuzima bugoye umugabo witwa Kayumba Faustin abayemo ahita amuhanurira ndetse anamuha igifurumba cy’amafaranga yitanzwe n’abakirisitu bari bateraniye mu rusengero, bikora ku mitima ya benshi.

Kayumba Faustin ufite abana 6 yabonye umugisha w’uruhurirane ubwo yari yaje gusenga nk’ibisanzwe maze Bishop Rugagi aza gutangira kumuhanurira ari nako yahishuriwe ubuzima bugoye n’ubukene bwamwibasiye.Bishop Rugaki akimara kubyerekwa yahise ta yiyemeza kumufasha byihuse, asaba abari mu iteraniro kwitanga maze haboneka igiseke cyuzuye amafaranga n’imyambaro ahita abimuha.

Bishop Rugagi akimara guhaguruka atangiye kwigisha ijambo ry’Imana yahise ahagurutsa Kayumba Faustin maze avuga ko Imana imweretse ko afite ibibazo by’ubukene bimwugarije.

Yagize ati "Haguruka Imana inyeretse ufite ibibazo by’ubushobozi, ku buryo hirya no hino hose uhafite imyenda, ndetse no kuri butike( Boutique) usaba ibyo kurya ubu byabaye ibibazo ndetse usigaye ugendana isoni n’ikimwaro kubera imyenda.”

Bishop Rugagi akimara kwatura aya magambo, Kayumba Faustin yahise yumirwa maze ahita atangira kubwira itorero ko ibyo umushumba amuvuzeho ari ukuri koko ndetse ko ahubwo banamaze n’iminsi baburara.

Bishop yahise amuhamagara imbere ku ruhimbi maze amubwirira imbere y’iteraniro ko Imana yamubwiye ko iri bumusetse.

Bishop akimugeza imbere,abantu bahise batangira kubyigana bazana amafaranga bashyira imbere ku ruhimbi aho Bishop na Kayumba bari bahagaze, ari nako abantu bakomeje kwitanga uko bashobojwe aho hari n’abatangaga cheque abandi bagatanga imyenda n’inkweto.

Kayumba akimara kubona ibitangaza bimukorewe yatangaje ko anezerewe cyane kandi ko ashimye Imana kubw’ibitangaza imukoreye.

Yagize ati ” Ubundi mfite umwana wigaga Kaminuza i Kampala niwe watumye njya muri iyo myenda yose ngira ngo mwishyurire ishuri, wakongeraho inzu y’ubukode no gutunga umuryango nta kazi bikambana urusobe. Bamwe bari barahaze ubusobanuro bwanjye birirwa bantuka kuma telephone, abandi bakabimbwirisha umunwa."

Yunzemo ati " Kuburara byo bitubayeho kenshi cyane cyangwa ukabona umuntu arariye akarindazi gusa. Mbese byari bibabaje ariko Imana ishimwe cyane ko uyu munsi gutaka kwanjye kwageze imbere yayo.”

JPEG - 179.8 kb
JPEG - 235.1 kb
JPEG - 185.7 kb
JPEG - 263.8 kb
JPEG - 366.1 kb
JPEG - 203.9 kb
JPEG - 235.9 kb

INKURU ZA :
Tanga Igitekerezo
Ibitekerezo 9
tn Kuya 15-09-2017

Ayo mafaranga ntigakwiye kuyamuha muntoki bagakwiye gushaka ikintu bamuguriramo kizajyakimuha amafaranga ahoraho naho ubundi nayamara azagaruka gusaba andi, amafaranga yubusa nkayo atera umurengwe

Christine Kuya 13-09-2017

Uwo.mukozi.w,lmana.lmana.ikomeze imuhe. Intima w, urukundo

simpinga Kuya 27-08-2017

amahoro y,man’s abanenawe ubwose kubericyi amafaranga afashisha abacyene atayakura MURIGO iwe ahubwo akayakura mubakirikt ?

Gisèle Kuya 27-08-2017

@Claude basengera mugikari cyo kwarubangura, ahahoze BK. gerayo uhabwe umugisha ubuzima bwawe buhinduke, kuhagera kwawe ntuzabyicuza

INARARIBONYE Kuya 26-08-2017

Uwo muhanuzi utanga ikwaca twese atugereho

ndayisenga Anastase Kuya 25-08-2017

njyewe nkunda Rugagi,iyaba abakozi bi mana Bose bakoraga ibikorwa byiza nkibyo Isi yahinduka pladizo ,nkunda gusoma ibyitorero uwo mushumba abareye umuyobozi ariko Imana ikomeze imuzamure

manase Kuya 25-08-2017

uzamenya ko akorera Imana utamutse uhagaritse gutuura wamumenya.muri intama akama yicecekeye.pawulo yabeshwagaho no kuboha amahema none dore sha.

Mugisha Kuya 25-08-2017

Ni byiza ko bafashije umukene ariko kubyasasa mu itangazamakuru byo si byiza cyane!

Claude Kuya 25-08-2017

Yesu ashimwe,ariko nkatwe bo mu ntara ko tuba tutazi aho uwo mukozi w’Imana asengera mwahaturangira? Murakoze

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...